പ്രതീകാത്മക ചിത്രം | Mathrubhumi archives
കൊച്ചി: ഹൈക്കോടതി ജഡ്ജിക്ക് നല്‍കാനെന്ന പേരില്‍ സിനിമ നിര്‍മാതാവില്‍നിന്ന് അഭിഭാഷകന്‍ ലക്ഷങ്ങള്‍ കൈക്കൂലി വാങ്ങിയെന്ന കേസില്‍ പോലീസ് മൊഴിയെടുക്കല്‍ തുടരുന്നു. പരാതി സംബന്ധിച്ച് വിശദാംശങ്ങള്‍ അറിയാന്‍ ചില അഭിഭാഷകരില്‍നിന്നാണ് മൊഴിയെടുത്തത്. പ്രാഥമികാന്വേഷണ റിപ്പോര്‍ട്ട് സംസ്ഥാന പോലീസ് മേധാവിക്ക് ചൊവ്വാഴ്ചയോടെ സമര്‍പ്പിക്കുമെന്ന് സിറ്റി പോലീസ് കമ്മിഷണര്‍ കെ. സേതുരാമന്‍ പറഞ്ഞു. ബലാത്സംഗക്കേസില്‍ പ്രതിയായ സിനിമ നിര്‍മാതാവിന് മുന്‍കൂര്‍ ജാമ്യത്തിനായി, കേസ് പരിഗണിച്ച ജഡ്ജിക്ക് നല്‍കാനെന്ന പേരില്‍ 25 ലക്ഷം രൂപ അഭിഭാഷകന്‍ വാങ്ങിയെന്നാണ് ആരോപണം.
ഇതുമായി ബന്ധപ്പെട്ട് നിര്‍മാതാവ്, ചില അഭിഭാഷകര്‍ എന്നിവരുടെ മൊഴികളാണ് രണ്ടുദിവസമായി എടുത്തുകൊണ്ടിരിക്കുന്നത്. ചിലര്‍ വിദേശത്തുനിന്ന് മടങ്ങിവന്നാലുടന്‍ അവരുടെയും മൊഴിയെടുക്കും. ഒടുവിലാകും ആരോപണ വിധേയനായ അഭിഭാഷകന്റെ മൊഴിയും രേഖപ്പെടുത്തുക. പരാതിയെക്കുറിച്ച് അന്വേഷിക്കാന്‍ ഹൈക്കോടതി രജിസ്ട്രാറാണ് ഡി.ജി.പി.യോട് ആവശ്യപ്പെട്ടത്.
റിപ്പോര്‍ട്ട് ഡി.ജി.പി.ക്ക് സമര്‍പ്പിച്ച ശേഷമാകും തുടര്‍ നടപടി.
Content Highlights: Bribary in the name of judge film producer police
Also Watch
RELATED STORIES
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=a80322e&f=1x1&w=100&q=0.8)
.jpg?$p=bead56f&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..