മുൻ പ്രളയങ്ങളിലെ രക്ഷാപ്രവർത്തകൻ, ഇന്ന് പ്രളയത്തിന്റെ രക്തസാക്ഷി, Riyas, died, kerala rain, kottayam, kerala heavy rain

രാജേഷ് പെരുവന്താനം

03 August 2022, 07:48 AM IST

പ്രതീകാത്മക ചിത്രം, ഇൻസൈറ്റിൽ റിയാസ്

കൂട്ടിക്കൽ: കഴിഞ്ഞ പ്രളയത്തിൽ രക്ഷാപ്രവർത്തനത്തിന് മുന്നിട്ടിറങ്ങിയ റിയാസ് ഇത്തവണത്തെ പ്രളയത്തിൽ രക്തസാക്ഷിയായി. തിങ്കളാഴ്ച ഉച്ചയോടെ പെയ്ത കനത്ത മഴയിൽ പുല്ലകയാറ്റിൽ വെള്ളം ഉയർന്നത് കാണുന്നതിനിടെ കാൽവഴുതി വെള്ളത്തിൽ വീണ കന്നുപറമ്പിൽ റിയാസി (45)-ന്റെ മൃതദേഹം ചൊവ്വാഴ്ച കണ്ടെത്തി.

പുല്ലകയാറിന്റെ ആഴവും പരപ്പും അറിയാവുന്ന നീന്തൽക്കാരൻ കൂടിയായിരുന്ന കെ.ഇ. റിയാസിന്റെ വേർപാട് സുഹൃത്തുക്കൾക്ക് ഇനിയും വിശ്വസിക്കാനായിട്ടില്ല. ചൊവ്വാഴ്ച രാവിലെ സുഹൃത്തുക്കൾ നടത്തിയ തിരച്ചിലാണ്, ഒഴുക്കിൽപ്പെട്ട സ്ഥലത്തുനിന്നു 500 മീറ്റർ മാറി ജലനിധി കിണറിന് സമീപം മൃതദേഹം കണ്ടെത്തിയത്.

ചൊവ്വാഴ്ച ഉച്ചയ്ക്ക് രണ്ടിന് മൃതദേഹം വീട്ടിലെത്തിച്ചപ്പോൾ, മന്ത്രി വി.എൻ. വാസവൻ, സെബാസ്റ്റ്യൻ കുളത്തുങ്കൽ എം.എൽ.എ., മുൻ എം.എൽ.എ. കെ.ജെ.തോമസ്, ജില്ലാ പഞ്ചായത്ത് പ്രസിഡന്റ് നിർമല ജിമ്മി, ബ്ലോക്ക് പഞ്ചായത്ത് പ്രസിഡന്റ് അജിത രതീഷ്, കൂട്ടിക്കൽ പഞ്ചായത്ത് പ്രസിഡന്റ് പി.എസ്. സജിമോൻ എന്നിവർ അന്തിമോപചാരം അർപ്പിച്ചു. മൂന്നരയോടെ കൂട്ടിക്കൽ മുഹയ്യുദ്ദീൻ ജമാഅത്ത് പള്ളിയിൽ കബറടക്കം നടത്തി. ഭാര്യ: റസിയ. മക്കൾ: റിസാന, റാഷിദ, റംസിയ.

Content Highlights: Body of riyas found in Koottickal

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)