പിഎംഎ സലാം | photo: mathrubhumi
കോഴിക്കോട്: മുസ്ലീം ലീഗ് ജനറല് സെക്രട്ടറി പിഎംഎ സലാമിന്റെ വിവാദ ശബ്ദരേഖ പുറത്ത്. നിയമസഭാ തിരഞ്ഞെടുപ്പില് വോട്ടുകിട്ടാന് ബിജെപിക്കാരെ കാണാന് തയ്യാറാണെന്ന് പിഎംഎ സലാം പറയുന്ന ശബ്ദരേഖയാണ് പുറത്തുവന്നത്. കഴിഞ്ഞ നിയമസഭാ തിരഞ്ഞെടുപ്പ് കാലത്തുള്ള ശബ്ദരേഖയാണിത്.
വോട്ട് നേടി സ്ഥാനാര്ഥിയെ വിജയിപ്പിക്കുക എന്നതാണ് പ്രധാനം. ഇതിനായി ബിജെപിക്കാര് വോട്ട് ചെയ്യാന് തയ്യാറാണെങ്കില് അവരെ നേരിട്ടുപോയി കാണാന് തയ്യറാണെന്നുമാണ് ശബ്ദരേഖയില് സലാം പറയുന്നത്. നിയമസഭാ തിരഞ്ഞെടുപ്പ് വേളയില് കോഴിക്കോട് സൗത്ത് മണ്ഡലത്തിലെ ഒരുപ്രാദേശിക നേതാവുമായി സംസാരിക്കുമ്പോഴാണ് സലാം ഇക്കാര്യങ്ങള് വ്യക്തമാക്കിയത്. ഈ ശബ്ദരേഖയാണിപ്പോള് പുറത്തുവന്നത്.
സംസ്ഥാനത്ത് കോ-ലീ-ബി സഖ്യമുണ്ടെന്ന ആരോപണം നേരത്തെ നിരവധി തവണ സിപിഎം ഉന്നയിച്ചിരുന്നു. ഈ സാഹചര്യത്തില് ലീഗിനെ കൂടുതല് പ്രതിരോധത്തിലാക്കുന്നതാണ് പുറത്തുവന്ന ശബ്ദരേഖ. അതിനാല് പുതിയ വിവാദങ്ങളില് ലീഗ് സംസ്ഥാന നേതൃത്വത്തിന് വിശദീകരണം നല്കേണ്ടി വരും.
Content Highlights: PMA Salam controversial statement
Also Watch
Share this Article
Related Topics
RELATED STORIES
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..