പെട്രോള്‍ വിലയില്‍ പ്രതിഷേധിക്കുക...! ബി.ജെ.പിയുടെ സമരത്തില്‍ ഡി.വൈ.എഫ്.ഐയുടെ പ്ലക്കാര്‍ഡ്


ബി.ജെ.പി. സമരത്തില്‍ പ്രവര്‍ത്തക പിടിച്ചത് ഡി.വൈ.എഫ്‌.ഐയുടെ പ്ലക്കാര്‍ഡ്, 'വഴിതെറ്റി' ബി.ജെ.പി. സമരം

ബിജെപി സമരത്തിൽ ഡിവൈഎഫ്ഐയുടെ പ്ലക്കാർഡുമായി പ്രവർത്തക

തിരുവനന്തപുരം: മരംമുറി കൊള്ളയ്‌ക്കെതിരെ ആറ്റിങ്ങലില്‍ ബി.ജെ.പി. നടത്തിയ സമരത്തില്‍ ഡി.വൈ.എഫ്‌.ഐയുടെ പ്ലക്കാര്‍ഡുമേന്തി ബി.ജെ.പി. വനിതാ പ്രവര്‍ത്തക. സമരത്തിന് ഉപയോഗിച്ച പ്ലക്കാര്‍ഡ് മാറിപ്പോയതാണ് ബി.ജെ.പിക്ക് തലവേദനയായത്. 'ബി.ജെ.പിയുടെ ഡി.വൈ.എഫ്‌.ഐ. പ്ലക്കാര്‍ഡ്' സമൂഹമാധ്യമങ്ങളില്‍ വൈറലായതോടെ വിശദീകരണം നല്‍കി തലയൂരാനാണ് ബി.ജെ.പി. പ്രാദേശിക നേതൃത്വത്തിന്റെ ശ്രമം.

ബി.ജെ.പിയെ വെട്ടിലാക്കിയ സമരകഥ ഇങ്ങനെ: മരംമുറി വിഷയത്തില്‍ സംസ്ഥാന സര്‍ക്കാരിനെതിരെയായിരുന്നു ബി.ജെ.പി. പ്രതിഷേധം. എന്നാല്‍, ഒറ്റ പ്ലക്കാര്‍ഡ് കൊണ്ട് അത് ഇന്ധനവിലയില്‍ കേന്ദ്രത്തിനെതിരേയുളള സമരമായി മാറി.

ആറ്റിങ്ങല്‍ നഗരസഭ കവാടമായിരുന്നു സമരവേദി. വനംകൊള്ളയ്‌ക്കെതിരേയുളള പ്ലക്കാര്‍ഡിനു പകരം ഇന്ധനവിലയ്‌ക്കെതിരെ ഡി.വൈ.എഫ്‌.ഐ. നടത്തിയ സമരത്തിന്റെ പ്ലക്കാര്‍ഡാണ് വനിത പ്രവര്‍ത്തകരിലൊരാള്‍ കയ്യിലേന്തിയിരുന്നത്. മാധ്യമപ്രവര്‍ത്തകരും കാഴ്ചക്കാരും ശ്രദ്ധയില്‍പ്പെടുത്തിയപ്പോഴാണ് അമളി പിണഞ്ഞ കാര്യം സമരക്കാര്‍ക്ക് ബോധ്യപ്പെട്ടത്.

തലേദിവസം ഇന്ധനവിലയ്‌ക്കെതിരേ ഡി.വൈ.എഫ്‌.ഐ. നടത്തിയ സമരത്തിന്റെ പ്ലക്കാര്‍ഡ് പ്രവര്‍ത്തകര്‍ നഗരസഭാ മതിലില്‍ ചാരിവെച്ചിരുന്നു. പിറ്റേന്ന് സമരത്തിനെത്തിയ ബി.ജെ.പി. പ്രവര്‍ത്തക പ്ലക്കാര്‍ഡ് മാറിയെടുത്തതാണ് അബദ്ധത്തിനു വഴിയൊരുക്കിയത്.

അമളി പിണഞ്ഞ ബി.ജെ.പി. പ്രവര്‍ത്തകരുടെ വീഡിയോ സമൂഹമാധ്യമങ്ങളില്‍ വലിയ ട്രോളുകള്‍ക്കും വഴിയൊരുക്കിയിട്ടുണ്ട്.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022

Most Commented