കോഴിക്കോട്: ദേശീയ മാനകങ്ങളെ അംഗീകരിക്കാനാവില്ലെങ്കില്‍ സംവിധായകന്‍ കമല്‍ രാജ്യം വിട്ടു പോകുന്നതാണ് നല്ലതെന്ന്‌ ബി.ജെ.പി. സംസ്ഥാന ജനറല്‍ സെക്രട്ടറി എ.എന്‍. രാധാകൃഷ്ണന്‍ പറഞ്ഞു. കോഴിക്കോട്ട് വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം. 

എസ്.ഡി.പി.ഐയുമായി ബന്ധപ്പെട്ടു പ്രവര്‍ത്തിക്കുന്ന ആളാണു കമല്‍. മോദിയെ നരഭോജിയെന്നു വിളിച്ചതു മാത്രമാണു കമലില്‍ പിണറായി കാണുന്ന യോഗ്യതയെന്നും അദ്ദേഹം പറഞ്ഞു. കേരളത്തില്‍ ഡി.വൈ.എഫ്.ഐ. നടത്തുന്ന പ്രാകൃതമായ കൊലപാതകങ്ങള്‍ക്ക് കാരണം ചെ ഗുവേരയെ ആരാധിക്കുന്നതാണ്. ഈ സാഹചര്യത്തില്‍ നാരായണ ഗുരുവിന്റേയും വിവേകാനന്ദന്റേയും ചിത്രങ്ങള്‍ക്കരികില്‍ നിന്ന് ചെ ഗുവേരയുടെ ചിത്രങ്ങള്‍ നീക്കം ചെയ്യണമെന്നും രാധാകൃഷ്ണന്‍ ആവശ്യപ്പെട്ടു.