അവള്‍ ജീവിതത്തിലേക്ക്; അച്ഛന്റെ മര്‍ദനമേറ്റ് ചികിത്സയിലായിരുന്ന കുഞ്ഞ് ആശുപത്രി വിട്ടു


റിയ ബേബി/ മാതൃഭൂമി ന്യൂസ്

അങ്കമാലിയിൽ അച്ഛന്റെ ക്രൂരമർദനത്തിന് ഇരയായ കുഞ്ഞ് ചികിത്സയ്ക്കു ശേഷം ആശുപത്രി വിട്ടപ്പോൾ. അമ്മ(വലത്)

കൊച്ചി: അങ്കമാലിയില്‍ അച്ഛന്റെ ക്രൂരമര്‍ദനത്തെ തുടര്‍ന്ന് ഗുരുതരമായി പരിക്കേറ്റ പെണ്‍കുഞ്ഞ് ആരോഗ്യവതിയായി ജീവിതത്തിലേക്ക് മടങ്ങി. ആരോഗ്യം വീണ്ടെടുത്ത കുഞ്ഞിനെ ഡിസ്ചാര്‍ജ് ചെയ്തു. കോലഞ്ചേരി മെഡിക്കല്‍ മിഷന്‍ ആശുപത്രിയിലായിരുന്നു കുഞ്ഞ് ചികിത്സയില്‍ കഴിഞ്ഞിരുന്നത്.

56 ദിവസം മാത്രം പ്രായമുള്ള കുഞ്ഞിനെ ജൂണ്‍ 18-നാണ് ആശുപത്രിയില്‍ പ്രവേശിപ്പിച്ചത്. 16 ദിവസത്തോളം ചികിത്സയിലായിരുന്നു. തലച്ചോറിനും തലയോട്ടിക്കും ഇടയില്‍ രണ്ടിടത്ത് രക്തസ്രാവമുണ്ടായിരുന്നു. ഇത് നീക്കം ചെയ്യാനുള്ള ശസ്ത്രക്രിയകളും നടത്തിയിരുന്നു.

അമ്മയും അച്ഛന്റെ സഹോദരിയുമാണ് കുഞ്ഞിനൊപ്പം ആശുപത്രിയിലുണ്ടായിരുന്നത്. കുഞ്ഞിന്റെ അമ്മ നേപ്പാള്‍ സ്വദേശിനിയാണ്. കുഞ്ഞിനെ വീട്ടിലേക്ക് വിടണ്ടെന്നാണ് ശിശുക്ഷേമ സമിതിയുടെ തീരുമാനം. അതിനാല്‍ പുല്ലുവഴിയിലെ ഒരു അഭയകേന്ദ്രത്തിലേക്ക് മാറ്റാനാണ് അധികൃതരുടെ തീരുമാനം.

നേപ്പാളിലേക്ക് പോകുന്നിടം വരെ കുഞ്ഞിനെയും അമ്മയെയും ഇവിടെ താമസിപ്പിക്കാനാണ് തീരുമാനിച്ചിരിക്കുന്നത്. ഭര്‍ത്താവിന്റെ വീട്ടില്‍ താമസിക്കാന്‍ താല്‍പര്യമില്ലെന്നും സ്വന്തം നാട്ടിലേക്ക് മടങ്ങാനാണ് താല്‍പര്യമെന്ന് കുഞ്ഞിന്റെ അമ്മ അറിയിച്ചതിനു പിന്നാലെയാണിത്. വനിത കമ്മീഷനും എറണാകുളം സി.ഡബ്ല്യു.സിയുമാണ് ഇക്കാലയളവില്‍ കുഞ്ഞിനെയും അമ്മയെയും സംരക്ഷിക്കുക.

content highlights: baby attacked by father in angamali discharged from hospital


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


Shikhar Dhawan to lead India odi team against South Africa sanju samson in

1 min

സഞ്ജു ടീമില്‍; ദക്ഷിണാഫ്രിക്കയ്‌ക്കെതിരായ ഏകദിന പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിച്ചു

Oct 2, 2022

Most Commented