ഇതെന്താ വെള്ളരിക്കാപ്പട്ടണമാണോ? അനുപമയുടെ കുട്ടി എവിടെ എന്ന് സർക്കാർ പറയണം - വി.ഡി സതീശൻ


അനുപമയുടെ കുട്ടിയുടെ വിഷയം വെറും ഒരു പാർട്ടിക്കാര്യമല്ല. ഇതിന് സർക്കാർ വ്യക്തമായ ഉത്തരം പറയണം. സംഭവത്തിൽ ധാരാളം ദുരൂഹതകളുണ്ടെന്ന് പ്രതിപക്ഷ നേതാവ്

വിഡി സതീശൻ, അനുപമ

തിരുവനന്തപുരം: അനുപമയുടെ കുട്ടി എവിടെയെന്ന് സർക്കാർ പറയണമെന്ന് പ്രതിപക്ഷ നേതാവ് വി.ഡി സതീശൻ. എന്തുകൊണ്ടാണ് കേസ് ഇതുവരെ പോലീസ് അന്വേഷിക്കാത്തത്. ഒരു സ്ത്രീ വന്ന് പരാതി പറഞ്ഞിട്ടും ആറ് മാസമായിട്ടും എന്തുകൊണ്ട് എഫ്ഐആർ രേഖപ്പെടുത്താത്തതെന്നും അദ്ദേഹം ചോദിച്ചു.

കേരളത്തിൽ സിപിഎം ഭരണമാണ് നടക്കുന്നത്. സിപിഎമ്മിന്റെ യുവജന വിദ്യാർത്ഥി സംഘടനയുടെ നേതാക്കളാണ് പരാതിയുമായി രംഗത്ത് വന്നിരിക്കുന്നത്. അവർക്ക് നീതി കിട്ടുന്നില്ലെങ്കിൽ പിന്നെ ആർക്കാണ് നീതി കിട്ടുക എന്നും അദ്ദേഹം ചോദിച്ചു.

അനുപമയുടെ കുട്ടിയുടെ വിഷയം വെറും ഒരു പാർട്ടിക്കാര്യമല്ല. ഇതിന് സർക്കാർ വ്യക്തമായ ഉത്തരം പറയണം. സംഭവത്തിൽ ധാരാളം ദുരൂഹതകളുണ്ട്. പാർട്ടിക്കാര്യം തീർക്കുന്നത് പോലെയാണ് ഇപ്പോൾ തീർക്കുന്നത്. പാർട്ടിക്ക് വേറെ കോടതിയും വേറെ ചൈൽഡ് വെൽഫെയർ കൗൺസിലും വേറെ പോലീസും എന്നത് പറ്റില്ലാല്ലോ. ഇത് വെള്ളരിക്കാപ്പട്ടണമല്ലെന്നും കേരളമാണെന്നും അദ്ദേഹം കൂട്ടിച്ചേർത്തു.

കുഞ്ഞ് എവിടെയെന്ന് ചോദിക്കുന്ന അമ്മയോട് അവരുടെ കുഞ്ഞ് എവിടെയാണ് എന്ന് സർക്കാരും ഏജൻസികളും പറയാൻ തയ്യാറാകണം. ഒരു അമ്മ കുഞ്ഞിനെ വന്ന് ചോദിക്കുമ്പോൾ ആ കുഞ്ഞിനെ കൈകാര്യം ചെയ്ത ചൈൽഡ് വെൽഫെയർ കമ്മിറ്റി കൈമലർത്തി കാണിക്കുന്നുണ്ടെങ്കിൽ പിന്നെ എന്തിനാണ് ഈ ഏജൻസികൾ? സർക്കാർ ഏജൻസികൾ വെറും നോക്കുകുത്തികളാണോ?

കഴിഞ്ഞ ദിവസം എംജി യൂണിവേഴ്സിറ്റിയിൽ എഐഎസ്എഫ് വനിതാ നേതാവ് എസ്എഫ്ഐ നേതാവിനെതിരെ ഗുരുതരമായ പരാതി ഉന്നയിച്ച് രംഗത്തെത്തിയിരുന്നു. ഇതിൽ എന്ത് നടപടിയാണ് പോലീസ് എടുത്തത്. പാർട്ടിക്കാർക്ക് വേണ്ടിയിട്ട്, പാർട്ടിക്കാരെ സംരക്ഷിക്കാൻ വേണ്ടി മാത്രമാണോ പോലീസ് എന്നും അദ്ദേഹം ചോദിച്ചു.

സംസ്ഥാനത്തുടനീളം സ്ത്രീകൾക്കെതിരായ, പെൺകുട്ടികൾക്കെതിരായ, കുഞ്ഞുങ്ങൾക്കെതിരായ അതിക്രമങ്ങൾ വർധിച്ചുവരുന്ന സാഹചര്യമാണ് നിലവിലുള്ളതെന്നും അദ്ദേഹം പറഞ്ഞു.

Content Highlights: Anupama's kids, government must answer - VD satheesan


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented