പോലീസില്‍ വിശ്വാസമില്ല; കുഞ്ഞിനെ തിരിച്ചുകിട്ടാന്‍ ഹൈക്കോടതിയെ സമീപിക്കും - അനുപമ


ഇപ്പോള്‍ എഫ്.ഐ.ആര്‍ എടുത്തിരിക്കുന്നത് ഡി.ജി.പിക്ക് നല്‍കിയ പരാതിയിലാണ്. ആദ്യത്തെ പരാതികളിലൊന്നും നടപടിയുണ്ടായിട്ടില്ല.

അജിത്, അനുപമ (ഫയൽ ചിത്രം) | Photo: മാതൃഭൂമി

തിരുവനന്തപുരം: കുഞ്ഞിനെ കണ്ടെത്താനായ ഹൈക്കോടതിയെ സമീപിക്കുമെന്ന് അനുപമ. നിരന്തരം പരാതി നല്‍കിയിട്ടും പോലീസ് നിരുത്തരവാദപരമായാണ് ഇടപെട്ടത്. പോലീസ് അന്വേഷണത്തില്‍ വിശ്വാസം നഷ്ടപ്പെട്ടെന്നും അനുപമ മാധ്യമങ്ങളോട് പറഞ്ഞു.

തികച്ചും നിരുത്തരവാദപരമായാണ് പോലീസ് കേസില്‍ ഉടനീളം ഇടപെട്ടത്. തന്നെ കാണാനില്ലെന്ന് പറഞ്ഞ് അച്ഛന്‍ നല്‍കിയ പരാതിയില്‍ കാണിച്ച ആവേശം പോലീസ് കുഞ്ഞിനെ കാണാതായ പരാതിയില്‍ കാണിച്ചില്ല.

ഏപ്രില്‍ മാസമാണ് പോലീസിന് പരാതി നല്‍കിയത്. പിന്നീട് സെപ്റ്റംബറില്‍ ഡി.ജി.പിക്കും പരാതി നല്‍കി. ഇപ്പോള്‍ എഫ്.ഐ.ആര്‍ എടുത്തിരിക്കുന്നത് ഡി.ജി.പിക്ക് നല്‍കിയ പരാതിയിലാണ്. ആറുമാസക്കാലം തന്റെ പരാതിയില്‍ പോലീസ് കേസെടുത്തില്ല. തന്റ ഭാഗത്ത് തെറ്റുണ്ടെന്നാണ് പോലീസ് ഇപ്പോള്‍ പറയുന്നത്. തെറ്റ് തന്റെ ഭാഗത്താണെങ്കില്‍ കേസെടുക്കുകയാണ് വേണ്ടത്.

കുടുംബ കോടതിയില്‍ അപേക്ഷ നല്‍കി ഡി.എന്‍.എ പരിശോധന നടത്തിയാലും കുഞ്ഞിനെ വിട്ടുകിട്ടണമെങ്കില്‍ ഹൈക്കോടതിയെ സമീപിക്കേണ്ടി വരും. വഞ്ചിയൂര്‍ കുടുംബ കോടതിയിലെ നടപടികളില്‍ കക്ഷിചേരാന്‍ തന്നെയാണ് തീരുമാനം. ദത്ത് നടപടികള്‍ റദ്ദാക്കാന്‍ അപേക്ഷ നല്‍കുമെന്നും അനുപമ പറഞ്ഞു.

വിഷയത്തില്‍ പോലീസിന് വീഴ്ച സംഭവിച്ചിട്ടില്ലെന്ന സിറ്റി പോലീസ് കമ്മീഷണറുടെ റിപ്പോര്‍ട്ടിനോടുള്ള പ്രതികരണമായാണ് അനുപമ പോലീസിന്റെ ഇടപെടലുകളെ വിമര്‍ശിച്ചത്. പോലീസ് കൃത്യമായി കേസെടുത്തിരുന്നെന്നും അതിന്റെ ഭാഗമായി കൃത്യമായ നിര്‍ദേശങ്ങള്‍ അനുപമയ്ക്ക് നല്‍കിയിരുന്നെന്നുമാണ് റിപ്പോര്‍ട്ടില്‍ പറയുന്നത്.

ആദ്യ ഭാര്യയില്‍ കുട്ടികളുണ്ടായിരുന്നെന്ന ആരോപണം തെറ്റാണെന്ന് അനുപമയുടെ ഭര്‍ത്താവ് അജിത്ത് പറഞ്ഞു. അത്തരം തെറ്റായ ആരോപണങ്ങളാണ് തനിക്കെതിരെ ഉയരുന്നത്. വലിയ രീതിയിലുള്ള സൈബര്‍ ആക്രമണം തനിക്കെതിരെ ഉണ്ടാവുന്നുണ്ടെന്നും അജിത്ത് പറഞ്ഞു.

Content Highlights: Anupama against police on child missing case


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022


Kodiyeri Balakrishnan

2 min

കോടിയേരി ബാലകൃഷ്ണന്‍  അന്തരിച്ചു

Oct 1, 2022

Most Commented