അമൃത ടിവി ഡെപ്യൂട്ടി ന്യൂസ് എഡിറ്റര്‍ സന്തോഷ് ബാലകൃഷ്ണന്‍ അന്തരിച്ചു, obituary

10 October 2021, 01:28 PM IST

തിരുവനന്തപുരം: അമൃത ടിവി ഡെപ്യൂട്ടി ന്യൂസ് എഡിറ്റര്‍ സന്തോഷ് ബാലകൃഷ്ണന്‍ (46)അന്തരിച്ചു. ഹൃദയാഘാതത്തെ തുടര്‍ന്ന് തിങ്കളാഴ്ച പുലര്‍ച്ചെ തിരുവനന്തപുരത്തെ സ്വകാര്യ ആശുപത്രിയില്‍ ആയിരുന്നു അന്ത്യം.

സൂര്യ ടിവയിലൂടെ ദൃശ്യ മാധ്യമ രംഗത്ത് എത്തിയ സന്തോഷ് അഞ്ചു വര്‍ഷം മുമ്പാണ് അമൃത ടീവീ വാര്‍ത്താ വിഭാഗത്തില്‍ എത്തിയത്.

കൊച്ചി കിഴക്കമ്പലം ഞാറല്ലൂര്‍ പ്രതിഭയില്‍ ബാലകൃഷ്ണന്‍ നായര്‍-വത്സല ദമ്പതികളുടെ മകനാണ്. കൊച്ചിയിലെ സ്വകാര്യ മെഡിക്കല്‍ കമ്പനി ഉദ്യോഗസ്ഥ സജിതയാണ് ഭാര്യ. മക്കള്‍: ഹരികൃഷ്ണന്‍, പാര്‍വതി. സഹോദരന്‍: സുധീഷ് ഏക

മൃതദേഹം രാവിലെ വഴുതക്കാട് അമൃത ടിവി ഹെഡ് ഓഫീസില്‍ എത്തിച്ചു. പിന്നീട് കൊച്ചിയിലേക്ക് കൊണ്ടുപോയി. സംസ്‌കാരം ഞായറാഴ്ച ഉച്ചക്കുശേഷം വീട്ടുവളപ്പില്‍.

Content Highlights: Amrita TV Deputy News Editor Santhosh Balakrishnan passed away