LDC നിയമനം: തപാൽവഴി അയക്കേണ്ട ഉത്തരവ് ഇടത് യൂണിയൻ നേതാവ് നേരിട്ട് നൽകിയെന്ന് ആരോപണം, പ്രതിഷേധം


പി.എസ്.സി. ശുപാർശപ്രകാരം 25 പേർക്ക് റവന്യൂ വകുപ്പിൽ എൽ.ഡി.ക്ലാർക്ക് നിയമനം നൽകി ഈ മാസം 18-നാണ് കളക്ടർ ഉത്തരവിട്ടത്. ഒാഫീസിലെ സീക്രട്ട് സെക്ഷൻ വഴി രജിസ്ട്രേഡ് തപാലിൽ ഉദ്യോഗാർഥികളുടെ വിലാസത്തിലേക്കാണ് ഉത്തരവ് എത്തേണ്ടത്.

എൽ.ഡി.ക്ലാർക്ക് നിയമന ഉത്തരവ് ഭരണാനുകൂല സംഘടനകൾക്ക് ചോർത്തിനൽകിയതിൽ പ്രതിഷേധിച്ച് വിവിധ സംഘടനകൾ കളക്ടറുടെ ഓഫീസ് ഉപരോധിക്കുന്നു

പത്തനംതിട്ട: ഉദ്യോഗാർഥികൾക്ക് തപാൽ വഴി അയയ്ക്കേണ്ട നിയമന ഉത്തരവ് ഇടത് യൂണിയൻ നേതാവ് നേരിട്ട് നൽകിയതായി ആക്ഷേപം. ഇതേ തുടർന്ന് ലിസ്റ്റിലുള്ള രണ്ടുപേർ മറ്റുള്ളവർക്ക് മുന്നേ ജോലിക്ക് കയറിയതായി പ്രതിപക്ഷ സംഘടനകൾ ആരോപിച്ചു. ജോയിന്റ് കൗൺസിൽ ജില്ലാ സെക്രട്ടറി അഖിലിനെതിരേയാണ് എൻ. ജി.ഒ. സംഘ്, എൻ.ജി.ഒ. അസോസിയേഷനുകൾ ആരോപണം ഉന്നയിച്ചത്.നടപടി ആവശ്യപ്പെട്ട് ഇരു സംഘടനയുടെയും പ്രവർത്തകർ പത്തനംതിട്ട ജില്ലാ കളക്ടർ ദിവ്യ എസ്.അയ്യരെ ഉപരോധിച്ചു.

പി.എസ്.സി. ശുപാർശപ്രകാരം 25 പേർക്ക് റവന്യൂ വകുപ്പിൽ എൽ.ഡി.ക്ലാർക്ക് നിയമനം നൽകി ഈ മാസം 18-നാണ് കളക്ടർ ഉത്തരവിട്ടത്. ഒാഫീസിലെ സീക്രട്ട് സെക്ഷൻ വഴി രജിസ്ട്രേഡ് തപാലിൽ ഉദ്യോഗാർഥികളുടെ വിലാസത്തിലേക്കാണ് ഉത്തരവ് എത്തേണ്ടത്.



ചോർത്തിയെടുത്ത നിയമന ഉത്തരവ് രണ്ട് പേർക്ക് യൂണിയൻ നേതാവ് മണിക്കൂറുകൾക്കുള്ളിൽ നേരിട്ട് കൈമാറിയതോടെ ഇവർ അടൂരിലെ താലൂക്ക് ഒാഫീസിൽ ജോലിക്ക്‌ കയറിയെന്ന് നേതാക്കൾ പറഞ്ഞു. അന്വേഷിക്കാമെന്ന് കളക്ടർ നൽകിയ ഉറപ്പിന്മേലാണ് ഉപരോധം അവസാനിപ്പിച്ചത്. അതേസമയം, സ്ഥിരവിലാസത്തിൽനിന്നു മാറിയാണ് താമസിക്കുന്നതെന്ന് ഉദ്യോഗാർഥികൾ രേഖാമൂലം എഴുതിനൽകിയ സാഹചര്യത്തിലാണ് ഉത്തരവ് നേരിട്ട് കൈമാറിയതെന്ന് ജോയിന്റ് കൗൺസിൽ ജില്ലാ സെക്രട്ടറി അഖിൽ പ്രതികരിച്ചു. വിഷയം വിവാദമാക്കിയതു പിന്നിൽ സംഘടനയിലെ തന്നെ ചിലർക്ക് പങ്കുള്ളതായാണ് നേതൃത്വം വിലയിരുത്തുന്നത്.

എൻ.ജി.ഒ. അസോസിയേഷൻ ഉപരോധത്തിൽ ജില്ലാ പ്രസിഡൻറ് അജിൻ ഐപ്പ് ജോർജ് അധ്യക്ഷത വഹിച്ചു. സെറ്റോ ചെയർമാൻ പി.എസ്. വിനോദ് കുമാർ ഉദ്ഘാടനം ചെയ്തു. ജില്ലാ സെക്രട്ടറി ഷിബു മണ്ണടി, ബിജു ശാമുവേൽ, തുളസീരാധ, തട്ടയിൽ ഹരികുമാർ, ഷെമിംഖാൻ, അബു കോശി, വിഷ്ണു സലിംകുമാർ, ഡി. ഗീത, വിനോദ് മിത്രപുരം, പിക്കു വി.സൈമൺ എന്നിവർ പ്രസംഗിച്ചു. എൻ.ജി.ഒ. സംഘ് ഉപരോധം സംസ്ഥാന ഡെപ്യൂട്ടി ജനറൽ സെക്രട്ടറി എസ്. രാജേഷ് ഉദ്ഘാടനം ചെയ്തു. പി.അനിൽകുമാർ, ജില്ലാ പ്രസിഡന്റ് എസ്.ഗിരീഷ്, ജില്ലാ സെക്രട്ടറി ജി.അനീഷ്, ഖജാൻജി എം. രാജേഷ് എന്നിവർ നേതൃത്വംനൽകി.

Content Highlights: Allegation- LD clerk appointment order left union leader direct handover


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

04:02

'ലൈലാ ഓ ലൈലാ...' എവർ​ഗ്രീൻ ഡിസ്കോ നമ്പർ | പാട്ട് ഏറ്റുപാട്ട്‌

Sep 26, 2022


Arif Muhammed Khan

1 min

143 ദിവസം സംസ്ഥാനത്തിനു പുറത്ത്, ചെലവാക്കിയത് 1 കോടിയിലധികം; മാര്‍ഗനിര്‍ദേശങ്ങള്‍ പാലിക്കാതെ ഗവര്‍ണർ

Dec 5, 2022


Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022

Most Commented