ബൈ പാസ് പിച്ച വെച്ചു- ആരവങ്ങള്‍ക്കൊപ്പം അവനുമുണ്ടാകുമോ? ആ ചിത്രത്തിലെ കുട്ടി എവിടെയാണ്


ബി. മുരളീകൃഷ്ണന്‍

അന്ന് കഥയറിയാതെ ബൈപാസിനുവേണ്ടിയുള്ള സമരത്തില്‍കണ്ണിയായ ആ കുരുന്ന് ഇന്ന് വളര്‍ന്ന് പത്താംക്ലാസ്സുകാരനെങ്കിലുമായിട്ടുണ്ടാകും .ഒരുപക്ഷെ അവനും ഉദ്ഘാടന സ്ഥലത്തു ആള്‍ക്കൂട്ടത്തിനിടയില്‍ കൈകള്‍ പുറകില്‍ കെട്ടി ഗൗരവത്തോടെ നിന്നിട്ടുണ്ടാവാം... ആലപ്പുഴയില്‍ ജോലിചെയ്തിരുന്ന കാലത്തെടുത്ത ഒരു ചിത്രത്തെക്കുറിച്ച് മാതൃഭൂമി കൊച്ചി ചീഫ് ഫോട്ടോഗ്രാഫര്‍ ബി.മുരളീകൃഷ്ണന്‍ എഴുതുന്നു.

നിങ്ങളാണോ ഈ കുട്ടി, ഫോട്ടോ- ബി.മുരളീകൃഷ്ണൻ

കേരളം ആവേശപൂര്‍വ്വം നെഞ്ചിലേറ്റിയ ആലപ്പുഴ ബൈപാസിലൂടെ കാറോടിക്കുമ്പോള്‍ മനസ്സ് 14 വര്‍ഷങ്ങള്‍ക്ക് പിന്നോട്ടോടുകയായിരുന്നു. അവിടെ തെളിഞ്ഞത് കഷ്ടിച്ച് രണ്ടു വയസ്സു തോന്നിക്കുന്ന കുരുന്നിന്റെ നിഷ്‌കളങ്കമായ ചിരി. ആലപ്പുഴ ഐശ്വര്യ ഓഡിററോറിയത്തില്‍ 2007 നവംബര്‍ ഒന്‍പതിന് ബൈ പാസ് വൈകുന്നതില്‍ പ്രതിഷേധിച്ച് നടന്ന ബഹുജന കണ്‍വെന്‍ഷന്‍ നടക്കുന്നു. സ്ഥലമെടുപ്പ്കഴിഞ്ഞ് 30 വര്‍ഷമായിട്ടും ബൈപാസ് യാഥാര്‍ഥ്യമാകാത്തതില്‍ പ്രതിഷേധിച്ച് ജനകീയ പ്രമേയം പാസാക്കാനാണ് യോഗം ചേര്‍ന്നത്. വേദിയില്‍ കക്ഷി രാഷ്ട്രീയ ഭേദമന്യേ എല്ലാ നേതാക്കന്‍മാരും ഉണ്ടായിരുന്നു.അപ്പോളാണ് സദസ്സില്‍നിന്നും രണ്ടോ മൂന്നോ വയസ്സ് തോന്നിക്കുന്ന ഒരു കുരുന്ന്...

അവന്‍ വേദിക്ക് മുന്നില്‍ നിന്ന് കൈകള്‍ പിന്നില്‍കെട്ടി വേദിയിലെ ഗൗരവമായ പ്രസംഗങ്ങള്‍ കേട്ടു തുടങ്ങിയത്. ഇടയ്ക്ക് നിലത്ത കിടന്നും,കസേരക്കള്‍ക്കിടയിലൂടെ ഓടിയുമെല്ലാം അവന്‍ യോഗത്തിലെ താരമായി. അടുത്തദിവസം കണ്‍വെന്‍ഷന്‍ വാര്‍ത്തയ്‌ക്കൊപ്പം 'പിച്ചവയ്ക്കുമോ ബൈപാസ്' എന്ന ചേദ്യത്തിനൊപ്പം ആ കുരുന്ന് പ്രസംഗംകേള്‍ക്കുന്ന ചിത്രം മാതൃഭൂമി പ്രസിദ്ധീകരിച്ചു. ചിത്രത്തില്‍ അവന്റെ മുഖമില്ല . പക്ഷേ, കൗതുകത്തിനായി മുഖം ഉള്ള ഒരു ചിത്രവും സൂക്ഷിച്ചു വെച്ചു .

2007 ഒക്ടോബറില്‍ ആണ് ഞാന്‍ കൊച്ചിയില്‍ നിന്നും ആലപ്പുഴയിലേക്ക് സ്ഥലം മാറി വന്നത്. കൊച്ചിയുടെ വലിയ തിരക്കില്‍ നിന്നും ചെറുപട്ടണമായ ആലപ്പുഴയില്‍ എത്തുമ്പോള്‍ എന്റെ മനസ്സില്‍ ആദ്യം ഉടക്കിയത് പഴയ തുരുമ്പ് പിടിച്ച ഒരു മഞ്ഞ ബോര്‍ഡ്ആണ് ...ആലപ്പുഴജില്ലക്കാരനായ എന്റെ മനസ്സില്‍ കുട്ടികാലം മുതലേ പതിഞ്ഞതാണ് ആ മഞ്ഞ ബോര്‍ഡ്... പിന്നീട് ബിരുദനന്തര പഠനത്തിനായി എസ്.ഡി കോളേജില്‍ എത്തിയപ്പോഴും, വര്‍ഷങ്ങള്‍ക്കിപ്പുറം മാതൃഭൂമിയുടെ ന്യൂസ് ഫോട്ടോഗ്രാഫറായി വന്നപ്പോളും കളര്‍കോട് ജംഗ്ഷനില്‍ മഞ്ഞ ബോര്‍ഡിലെ കാലപ്പഴക്കത്താല്‍ മാഞ്ഞുതുടങ്ങിയ കറുത്ത അക്ഷരങ്ങള്‍ 'ആലപ്പുഴ ബൈപാസ് ഇവിടെ തുടങ്ങുന്നു '. അന്ന് ആ ചിത്രം പകര്‍ത്തുമ്പോള്‍ സത്യത്തില്‍ ആ കുട്ടിയോടൊപ്പം എന്റെ മനസ്സും വര്‍ഷങ്ങള്‍ പുറകോട്ടു സഞ്ചരിക്കുകയായിരുന്നു .

ഇന്ന് വര്‍ഷങ്ങള്‍ക്കിപ്പുറം ബൈപാസ് എന്ന ആലപ്പുഴക്കാരുടെ വിദൂര സ്വപ്നം യാഥാര്‍ഥ്യമായിരിക്കുന്നു . അന്ന് കഥയറിയാതെ ബൈപാസിനുവേണ്ടിയുള്ള സമരത്തില്‍ കണ്ണിയായ ആ കുരുന്ന് ഇന്ന് വളര്‍ന്ന് പത്താംക്ലാസ്സുകാരനെങ്കിലുമായിട്ടുണ്ടാകും .ഒരുപക്ഷെ അവനും ഉദ്ഘാടന സ്ഥലത്തു ആള്‍ക്കൂട്ടത്തിനിടയില്‍ കൈകള്‍ പുറകില്‍ കെട്ടി ഗൗരവത്തോടെ നിന്നിട്ടുണ്ടാവാം...

Content Highlights: Alappuzha bypass Mathrubhumi photographer B Muralikrishnan share a memory

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022

Most Commented