മുഖ്യമന്ത്രി ഇടപെട്ടു, ഗവര്‍ണര്‍ അയഞ്ഞു; സര്‍വകലാശാല ഫയലുകള്‍ വീണ്ടും നോക്കിത്തുടങ്ങി


ഗവർണർ ആരിഫ് മുഹമ്മദ് ഖാൻ | photo: PTI

തിരുവനന്തപുരം: സംസ്ഥാന സര്‍ക്കാരും ഗവര്‍ണറും തമ്മിലുള്ള പോരിന് താത്ക്കാലിക വിരാമം. വിവാദങ്ങള്‍ അവസാനിച്ച് ഗവര്‍ണര്‍ ആരിഫ് മുഹമ്മദ് ഖാന്‍ വീണ്ടും ചാന്‍സലറുടെ പദവി നിര്‍വ്വഹിച്ചു തുടങ്ങി. ഇതിന്റെ ഭാഗമായി കഴിഞ്ഞ ദിവസം മുതല്‍ സര്‍വകലാശാലയിലെ ഫയലുകള്‍ ഗവര്‍ണര്‍ നോക്കി തുടങ്ങി.

അമേരിക്കയിലേക്ക് ചികിത്സയ്ക്ക് പോകുന്നതിന് മുമ്പ് മുഖ്യമന്ത്രി പിണറായി വിജയന്‍ നടത്തിയ ഇടപെടലാണ് പ്രശ്‌നം പരിഹരിച്ചത്. നാലു കത്തുകള്‍ അയച്ച മുഖ്യമന്ത്രി രണ്ടു തവണ ഗവര്‍ണറുമായി ഫോണില്‍ സംസാരിക്കുകയും ചെയ്തു. ആദ്യ മൂന്നു കത്തു ലഭിച്ചപ്പോള്‍തന്നെ മുഖ്യമന്ത്രിയുടെ നിലപാടില്‍ തൃപ്തനാണെന്ന് ഗവര്‍ണര്‍ വ്യക്തമാക്കിയിരുന്നു.

ചാന്‍സലര്‍ പദവി താന്‍ ഒഴിയുകയാണെന്നും അത് മുഖ്യമന്ത്രി ഏറ്റെടുത്തു കൊള്ളാനും ആവശ്യപ്പെട്ട് കഴിഞ്ഞ മാസം തുടക്കത്തിലാണ് ഗവര്‍ണര്‍ മുഖ്യമന്ത്രിക്ക് കത്തയച്ചത്. തുടര്‍ന്ന് സര്‍ക്കാരിനെതിരേ പരസ്യവിമര്‍ശനവും നടത്തി. ഇതിനിടയില്‍ രാഷ്ട്രപതിക്ക് ഡി ലിറ്റ് നല്‍കാനുള്ള ചാന്‍സലറുടെ ശുപാര്‍ശ കേരള സര്‍വകലാശാല സിന്‍ഡിക്കേറ്റ് യോഗം പോലും ചേരാതെ തള്ളിക്കളഞ്ഞത് പോരിന്റെ ശക്തി കൂട്ടി.

കേരള സര്‍വകലാശാല വിസിക്ക് ഇംഗ്ലീഷ് ശരിയായി എഴുതാന്‍ പോലും അറിയില്ലെന്ന് പരിഹസിച്ചും ഗവര്‍ണര്‍ രംഗത്തെത്തി. എന്തുകൊണ്ട് ഡിലിറ്റ് നിഷേധിച്ചു എന്നു വ്യക്തമാക്കുന്ന വിസിയുടെ വിശദീകരണക്കുറിപ്പാണ് ഗവര്‍ണറെ ക്ഷുഭിതനാക്കിയത്. ചട്ടങ്ങള്‍ മറികടന്ന് കണ്ണൂര്‍ സര്‍വകലാശാല വിസിക്ക് വീണ്ടും നിയമനം നല്‍കിയതും സ്ഥിതി കൂടുതല്‍ വഷളാക്കി.

തുടര്‍ന്ന് സംസ്ഥാനത്തെ എല്ലാ സര്‍വകലാശാലകളുമായി ബന്ധപ്പെട്ട എല്ലാ ഫയലുകളും ഗവര്‍ണര്‍ മുഖ്യമന്ത്രിയുടെ ഓഫീസിലേക്ക് അയച്ചു. അതോടെ ഗവര്‍ണര്‍ക്ക് ഫയല്‍ അയക്കുന്നത് സര്‍ക്കാര്‍ നിര്‍ത്തിവെച്ചു. ഇപ്പോള്‍ സംഘര്‍ഷം അവസാനിച്ചതോടെ വീണ്ടും ഫയല്‍ അയച്ചുതുടങ്ങുകയായിരുന്നു.

Content Highlights: after controversies with kerala gov governor started working as chancellor


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Pinarayi Vijayan

3 min

എയിംസ് ഇല്ല, റെയില്‍വേ വികസനമില്ല; ബജറ്റ് കേരളത്തിന് നിരാശാജനകമെന്ന് മുഖ്യമന്ത്രി

Feb 1, 2023


jenna gestetner

1 min

ആകെ കഴിയ്ക്കാവുന്നത് 9 ഭക്ഷണം; അത്യപൂര്‍വ രോഗത്തെക്കുറിച്ച് തുറന്നുപറഞ്ഞ് യുവതി

Feb 1, 2023


Premium

06:55

കുത്ത് കിട്ടും, ന്നാലും എനിക്കിഷ്ടാ; തേനീച്ച വളർത്താൻ വയസ്സൊക്കെ നോക്കണോ? | The Youngest beekeeper@6

Feb 2, 2023

Most Commented