പ്രതീകാത്മക ചിത്രം
കല്‍പറ്റ: വയനാട് മൂട്ടില്‍ മരം മുറിക്കേസില്‍ നടപടികള്‍ കടുപ്പിച്ച് റവന്യൂ വകുപ്പ്. കെ.എല്‍.സി.ആക്ട് പ്രകാരം കേസെടുക്കാനുള്ള നടപടികള്‍ തുടങ്ങി. റവന്യൂ പട്ടയ ഭൂമിയില്‍ നിന്ന് ഈട്ടിമരങ്ങള്‍ മുറിച്ചു കടത്തിയതിലാണ് നടപടി. 15 കോടിയുടെ ഈട്ടിത്തടികളാണ് മുറിച്ചു കടത്തിയത്.
സംഭവത്തില്‍ റവന്യൂവകുപ്പിന്റെ മെല്ലെപ്പോക്കില്‍ മാതൃഭൂമി ന്യൂസ് റിപ്പോര്‍ട്ട് ചെയ്തിരുന്നു. ഇതേ തുടര്‍ന്ന് റവന്യൂ മന്ത്രി ജില്ലാ കളക്ടറോട് റിപ്പോര്‍ട്ട് തേടിയിരുന്നു. റിപ്പോര്‍ട്ട് കഴിഞ്ഞ ദിവസം മന്ത്രിക്ക് കൈമാറി.
റിസര്‍വ് ചെയ്ത മരങ്ങള്‍ മുറിച്ചു കടത്തിയതില്‍ കേസെടുക്കാനും തീരുമാനിച്ചു. നാല്പതിലധികം കേസുകളിലാണ് നോട്ടീസ് അയച്ചിട്ടുള്ളത്. സര്‍ക്കാര്‍ മുതല്‍ നശിപ്പിച്ചതിന് തടിയുടെ മൂന്നിരട്ടി തുക പിഴയായി ഈടാക്കുന്നത് മുതല്‍ തടവുശിക്ഷ വരെ കേസില്‍ ലഭിക്കുന്ന വകുപ്പുകളാണ് ചുമത്തുക.
അതേ സമയം വനംകൊള്ള കണ്ടെത്തിയ ഉദ്യോഗസ്ഥരെ ബലിയാടാക്കിയെന്ന പരാതി അന്വേഷിച്ചിരുന്നതായി മുന്‍ റവന്യൂ മന്ത്രി കെ.രാജു പറഞ്ഞു. അന്വേഷണ റിപ്പോര്‍ട്ട് തനിക്ക് ലഭിച്ചിട്ടില്ലെന്നും വനംവകുപ്പിന്റെ പക്കലുണ്ടെന്നും അദ്ദേഹം വ്യക്തമാക്കി.
Also Watch
RELATED STORIES
.jpg?$p=83867f2&f=1x1&w=100&q=0.8)
IN CASE YOU MISSED IT
.jpg?$p=aa62323&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=aa7c32f&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..