15 വർഷം കഴിഞ്ഞിട്ടും ആനുകൂല്യങ്ങൾ ഇല്ലാതെ 1500 അധ്യാപകർ


ടി.കെ. ബാലനാരായണൻ

പ്രതീകാത്മകചിത്രം: മാതൃഭൂമി

കോഴിക്കോട്: എയ്ഡഡ് സ്കൂളുകളിൽ 2006 മുതൽ 2011 വരെയുള്ള കാലയളവിൽ അധിക തസ്തികകളിൽ നിയമിതരായ 1500 അധ്യാപകർക്ക് 15 വർഷം കഴിഞ്ഞിട്ടും അഞ്ചുവർഷത്തെ നിയമന അംഗീകാരമോ ആനുകൂല്യങ്ങളോ കിട്ടിയില്ല.

വ്യത്യസ്ത തീയതികളിൽ നിയമനം ലഭിച്ചവർക്കെല്ലാം ഏകീകരിച്ച് 1.6.2011 എന്ന ഒറ്റ തീയതി വെച്ച്‌ സർക്കാർ അംഗീകാരം നൽകിയതാണ് ഇതിന് കാരണം. സർവീസ് അംഗീകരിച്ച് ഇപ്പോഴത്തെ സർക്കാർ ഉത്തരവിറക്കിയെങ്കിലും ഉത്തരവ് രണ്ട് ദിവസംകൊണ്ട് പിൻവലിച്ചു. സ്വകാര്യ സ്കൂൾ മാനേജർമാർ സുപ്രീം കോടതിയിൽ സർക്കാരുമായി നടത്തുന്ന കേസിന്റെ കാര്യം ചൂണ്ടിക്കാട്ടിയായിരുന്നു ഉത്തരവ് റദ്ദാക്കിയത്.

3000 അധ്യാപകരാണ് ഇത്തരത്തിലുള്ളത്. ഇവർക്ക് ഇതുവരെയും സീനിയോറിറ്റി, സ്ഥാനക്കയറ്റം, ഗ്രേഡ്, ഇൻക്രിമെന്റ്, ശമ്പളം എന്നിവ അനുവദിച്ചുകിട്ടിയിട്ടില്ല. നിയമവഴിയിലൂടെ ഇവരിൽ പകുതി പേർ ആനുകൂല്യങ്ങൾ നേടിയെടുത്തു.

സംരക്ഷിത അധ്യാപകരിൽ ഒരാളെ നിയമിക്കുമ്പോൾ അധിക തസ്തികയിലുള്ള ഒരു അധ്യാപകനെകൂടി നിയമിക്കാമെന്നും സർക്കാർ നേരത്തേ ഉത്തരവിട്ടിരുന്നു. എന്നാൽ ഈ 1:1 എന്ന അനുപാതം ചില സ്വകാര്യ മാനേജ്മെന്റുകൾ നടപ്പാക്കിയില്ല. ഇത്തരം സ്കൂളുകളിലെ അധ്യാപകരാണ് ഇതിൽ ഭൂരിഭാഗവും. കുട്ടികൾ കുറഞ്ഞതിനാൽ അംഗീകാരം ലഭിക്കാതെ പോയവരും ഇവരിലുണ്ട്. മാത്രമല്ല 1:1 അനുപാതം നടപ്പാക്കാൻ കെ.ഇ.ആർ. ഭേദഗതിചെയ്ത നടപടിയും കോടതിയിൽ ചോദ്യംചെയ്യപ്പെട്ടു.

വിരമിക്കൽ, മരണം, സ്ഥാനക്കയറ്റം, രാജി, സ്ഥലംമാറ്റം എന്നീ വിഭാഗങ്ങളിൽ ഒഴിവുള്ള സ്ഥിരം തസ്തികകളിലേക്ക് മാറി നിയമനം നേടിയവർക്കും അൺ ഇക്കണോമിക് സ്കൂളുകളിൽ ഉൾപ്പെട്ടവർക്കും അംഗീകാരം നൽകാനുള്ള ഉത്തരവ് ഈ വിഭാഗം അധ്യാപകർക്കുകൂടി ബാധകമാകുംവിധമാക്കണമെന്നാണ് ആവശ്യം.

സുപ്രീം കോടതിയിൽ കേസുള്ളതിനാലാണ് അധ്യാപകർ ഇത്തരമൊരു പ്രതിസന്ധിയിലായതെന്നാണ് പൊതുവിദ്യാഭ്യാസ ഡയറക്ടർ ഓഫീസിന്റെ വിശദീകരണം.

എന്നാൽ 2011 മുതൽ 2016 വരെ അധിക തസ്തികകളിൽ നിയമിതരായ അധ്യാപകർക്കെല്ലാം ഒരു വ്യവസ്ഥകളും പാലിക്കാതെ മുഴുവൻ ആനുകൂല്യങ്ങളും നൽകിയെന്നാണ് ഇവരുടെ പരാതി. എല്ലാ കേസുകളും നിലനിൽക്കെ തന്നെയാണ് ഈ നടപടിയെന്നും ഇവർ പറയുന്നു.

Content Highlights: 1500Teachers working without any increments for more than 15 years

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented