തൊഴിലുറപ്പ് കൂലി സ്വരുക്കൂട്ടി വിമാനയാത്ര; നടക്കില്ലെന്നു കരുതിയ സ്വപ്നം ഒടുവിലവര്‍ സാധ്യമാക്കി


നെടിയിരുപ്പ് മുസ്ലിയാരങ്ങാടിയിൽ നിന്നുള്ള വനിതകൾ തിരുവനന്തപുരത്ത് പത്മനാഭസ്വാമി ക്ഷേത്ര സന്നിധിയിൽ

കൊണ്ടോട്ടി: തലയ്ക്കുമീതെ, താണിറങ്ങിപ്പറക്കുന്ന വിമാനങ്ങള്‍ അവര്‍ക്ക് ഒരു കൗതുകമേയല്ല... എന്നും കാണുന്നതാണ്. പക്ഷേ എന്നെങ്കിലും വിമാനത്തില്‍ കയറണമെന്നൊരു മോഹം ഉള്ളിലൊളിപ്പിച്ചിട്ട് വര്‍ഷങ്ങളായി. ഒരിക്കലും നടക്കില്ലെന്നു കരുതിയിരുന്ന സ്വപ്നം ഒടുവിലവര്‍ സാധ്യമാക്കി. അതും തൊഴിലുറപ്പ് പണിയില്‍നിന്ന് മിച്ചം പിടിച്ച കൂലിയിലൂടെ... മുസ്ലിയാരങ്ങാടിയിലെ 13 വനിതകളാണ് തൊഴിലുറപ്പ് കൂലി സ്വരുക്കൂട്ടി വിമാനത്തില്‍ കയറിയത്. വിമാനത്തില്‍ മാത്രമല്ല തീവണ്ടിയിലും കടലില്‍ ബോട്ടുയാത്രയും നടത്തിയ ശേഷമാണ് മൂന്ന് ദിവസത്തെ ഉല്ലാസയാത്ര അവര്‍ പൂര്‍ത്തിയാക്കിയത്.

കരിപ്പൂരില്‍നിന്ന് കണ്ണൂരിലേക്കാണ് സംഘം വിമാനത്തില്‍ പറന്നത്. പറശ്ശിനിക്കടവ് ക്ഷേത്രസന്ദര്‍ശനത്തിനുശേഷം കണ്ണൂരില്‍നിന്ന് തീവണ്ടിയില്‍ തിരുവനന്തപുരത്തേക്ക് തിരിച്ചു. തിരുവനന്തപുരത്ത് പത്മനാഭ സ്വാമിക്ഷേത്രത്തില്‍ തൊഴുതശേഷം തീവണ്ടിയില്‍ കന്യാകുമാരിയിലേക്ക്. അവിടെ കടലില്‍ ബോട്ടില്‍ക്കയറി വിവേകാനന്ദപ്പാറയിലുമെത്തി. കന്യാകുമാരിയിലെ കാഴ്ചകളും ഉദയാസ്തമയങ്ങളുടെ മനോഹാരിതയും ആസ്വദിച്ചശേഷം നാട്ടിലേക്ക് മടങ്ങുകയും ചെയ്തു. ചക്കിപ്പറമ്പില്‍ കെ. ദേവയാനി, പൂളക്കപ്പറമ്പ് സുമതി, സീത, വത്സല, വെള്ളാട്ട് പുറായ് വിലാസിനി, ദേവകി, സരോജിനി, ശോഭ, ജാനകി, പുഷ്പ, സരള, ലൈലജ, ചിന്ന എന്നിവരാണ് സംഘത്തിലുണ്ടായിരുന്നത്.



നാട്ടിലെത്തിയ സംഘത്തിന് മുസ്ലിയാരങ്ങാടി പോക്കര്‍മാസ്റ്റര്‍ ഗ്രന്ഥാലയം സ്വീകരണം നല്‍കി. നഗരസഭാംഗങ്ങളായ താന്നിക്കല്‍ സൈതലവി, ശിഹാബ് കോട്ട, എക്‌സൈസ് പ്രിവന്റീവ് ഓഫീസര്‍ ബിജു തുടങ്ങിയവര്‍ പങ്കെടുത്തു.

Content Highlights: 13 womens made their dream of boarding a plane come true


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
photo: Getty Images

1 min

തകര്‍പ്പന്‍ ജയത്തിന് പിന്നാലെ കാനഡയുടെ പരിശീലകന് 'നന്ദി' പറഞ്ഞ് ക്രൊയേഷ്യന്‍ താരം

Nov 28, 2022


germany vs spain

അടിക്ക് തിരിച്ചടി ! സ്‌പെയിനിനെ സമനിലയില്‍ പിടിച്ച് ജര്‍മനി

Nov 28, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022

Most Commented