ആര്‍.ബാലകൃഷ്ണപ്പിളളയുടെ സ്മരണകളില്‍ പത്തനാപുരം


കഴിഞ്ഞ മാർച്ച് 19-ന് എൽ.ഡി.എഫ്.പത്തനാപുരംനിയോജകമണ്ഡലം തിരഞ്ഞെടുപ്പ്‌ കമ്മിറ്റി ഓഫീസ് ആർ.ബാലകൃഷ്ണപിള്ള ഉദ്ഘാടനം ചെയ്തപ്പോൾ. അദ്ദേഹത്തിന്റെ അവസാനത്തെ പൊതുപരിപാടിയായിരുന്നു അത് (ഫയൽ ചിത്രം)

പത്തനാപുരം :കാട്ടുപത്തനാപുരമെന്ന അപഖ്യാതിയുണ്ടായിരുന്ന പ്രദേശത്ത് നല്ല റോഡുകളും പാലങ്ങളും സർക്കാർ ഓഫീസുകളും പൊതുഗതാഗത സംവിധാനങ്ങളുമുണ്ടായത് ആർ.ബാലകൃഷ്ണപിള്ള എം.എൽ.എ. ആയപ്പോഴാണ്.

1960-ൽ പത്തനാപുരത്തുനിന്നാണ് 25-ാം വയസ്സിൽ ബാലകൃഷ്ണപിള്ള ആദ്യമായി നിയമസഭാംഗമാകുന്നത്. പിന്നീട് എം.എൽ.എ., മന്ത്രി എന്നീനിലകളിൽ കൊട്ടാരക്കരയിലേക്ക് പ്രവർത്തനരംഗം മാറ്റിയെങ്കിലും സമുദായപ്രവർത്തനം പത്തനാപുരത്ത് തുടർന്നു. ആറുപതിറ്റാണ്ടിലേറെ അദ്ദേഹം എൻ.എസ്.എസ്.പത്തനാപുരം താലൂക്ക് യൂണിയൻ പ്രസിഡന്റായിരുന്നു.

യൂണിയനെ സംസ്ഥാനത്തെ സമ്പന്നമായ താലൂക്ക് യൂണിയനുകളിലൊന്നാക്കി മാറ്റാൻ അദ്ദേഹത്തിനു കഴിഞ്ഞു. യൂണിയനുകീഴിൽ സ്കൂളുകളും കോളേജുകളും ക്ഷേത്രങ്ങളും സ്ഥാപനങ്ങളുമുണ്ടായി. എല്ലാ കരയോഗങ്ങൾക്കും സ്വന്തം കെട്ടിടമുണ്ടായി. എൻ.എസ്.എസിന്റെ മിക്ക ക്ഷേമപ്രവർത്തനങ്ങളും ആദ്യമായി നടപ്പാക്കിയ താലൂക്ക് യൂണിയനാണ് പത്തനാപുരം.

സമുദായാംഗങ്ങളുടെ കുട്ടികൾക്ക് സ്കോളർഷിപ്പുകളും സമുദായാംഗങ്ങൾക്ക് ഇൻഷുറൻസ് പരിരക്ഷയും ഏർപ്പെടുത്തി. യൂണിയൻ വർഷംതോറും വിതരണം ചെയ്യുന്ന ലക്ഷക്കണക്കിന് രൂപയുടെ മംഗല്യസഹായനിധിയും ചികിത്സാസഹായനിധിയും നിർധനരായ നിരവധിപ്പേർക്കാണ് പ്രയോജനമായത്. പിള്ളയുടെ സ്ഥിരോത്സാഹത്താൽ പത്തനാപുരത്തിന്റെ പ്രധാനഭാഗത്ത് വർഷങ്ങൾക്കുമുൻപ് ഏക്കറുകണക്കിന് സ്ഥലം യൂണിയന് സ്വന്തമാക്കാനായി. യൂണിയൻ അവിടെ സൂപ്പർസ്പെഷ്യാലിറ്റി ആശുപത്രി നിർമിക്കണമെന്ന അദ്ദേഹത്തിന്റെ ആഗ്രഹം പലകാരണങ്ങൾകൊണ്ട്‌ നടന്നില്ല.

പതിനഞ്ചുകോടിയോളം രൂപ ബജറ്റിൽ വകയിരുത്തി മികച്ച കൺവെൻഷൻ സെന്ററും കെട്ടിടസമുച്ചയവും അവിടെ നിർമിക്കാനുള്ള പ്രാരംഭപ്രവർത്തനങ്ങൾ യൂണിയൻ ആരംഭിച്ചിട്ടുണ്ട്.

പത്തനാപുരത്ത് വിവിധചടങ്ങുകളിൽ പങ്കെടുക്കാനെത്തുമ്പോൾ പഴമക്കാരിൽ മിക്കവരെയും പേരെടുത്തുവിളിക്കാൻ കഴിയുന്ന വിപുലമായ വ്യക്തിബന്ധത്തിന്റെ ഉടമയായിരുന്നു. അദ്ദേഹത്തിന്റെ ബന്ധങ്ങളാണ് 2001-ൽ മകൻ കെ.ബി.ഗണേഷ്‌കുമാർ ആദ്യമായി പത്തനാപുരത്ത് മത്സരിക്കാനെത്തുമ്പോൾ തുണയായത്.

ആൾക്കൂട്ടത്തെ ആകർഷിക്കാൻ കഴിയുന്ന പ്രസംഗപാടവത്തിന് ഉടമയെന്നനിലയിൽ പത്തനാപുരത്തെ തിരഞ്ഞെടുപ്പു പ്രചാരണയോഗങ്ങളിൽ ഒഴിവാക്കാനാകാത്ത സാന്നിധ്യമായിരുന്നു അദ്ദേഹം. ആർ.ബാലകൃഷ്ണപിള്ളയുടെ അവസാനത്തെ പൊതുപരിപാടിയും പത്തനാപുരത്തായിരുന്നെന്നത് യാദൃശ്ചികം. കഴിഞ്ഞ മാർച്ച് 19-ന് എൽ.ഡി.എഫ്.നിയോജകമണ്ഡലം തിരഞ്ഞെടുപ്പുകമ്മിറ്റി ഓഫീസ് അദ്ദേഹമാണ് ഉദ്ഘാടനം ചെയ്തത്. പ്രായാധിക്യവും രോഗവും കാരണം ക്ഷീണിതനായ അദ്ദേഹത്തിന് അന്ന് പ്രസംഗിക്കാനായില്ല.

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


Jaleel-Surendran

1 min

ജലീലിന് ഇന്ത്യയില്‍ കഴിയാന്‍ അവകാശമില്ല, പാകിസ്താനിലേക്ക് പോകണം - കെ സുരേന്ദ്രന്‍

Aug 14, 2022


pinarayi vijayan, narendra modi

1 min

'വൈസ്രോയിയെകണ്ട് ഒപ്പമുണ്ടെന്ന് പറഞ്ഞവര്‍'; സവര്‍ക്കറെ അനുസ്മരിച്ച മോദിയെ വിമര്‍ശിച്ച് മുഖ്യമന്ത്രി

Aug 15, 2022

Most Commented