പുതുവത്സര തലേന്ന് മിനിറ്റില്‍ 4,100 ഓര്‍ഡറുകള്‍ വരെ; കണ്ണുതള്ളി സൊമാറ്റോ മുതലാളി


പ്രതീകാത്മക ചിത്രം | ഫോട്ടോ: എ.എഫ്.പി.

മുംബൈ: പുതുവർഷ തലേന്ന് ഫുഡ് ഡലിവറി ആപ്പ് ആയ സൊമാറ്റോയ്ക്ക് ലഭിച്ച ഓർഡറുകൾ കണ്ട് കണ്ണുതള്ളിയിരിക്കുകയാണ് കമ്പനി മുതലാളി. ഡിസംബര്‍ 31-ന് വൈകുന്നേരം മുതൽ സൊമാറ്റോയ്ക്ക് ഓരോ മിനിറ്റിലും ലഭിച്ചത് 3,200 ഓർഡറുകളാണ്. ഒരു ഘട്ടത്തിൽ അത് 4,100 വരെ ഉയർന്നു.

ഇതുവരെ ലഭിച്ചതിൽവെച്ച് ഏറ്റവും ഉയർന്ന ഓർഡറുകളാണ് ലഭിച്ചുകൊണ്ടിരിക്കുന്നതെന്ന് സൊമാറ്റോ സിഇഒ ദീപിന്ദർ ഗോയൽ വ്യാഴാഴ്ച വൈകുന്നേരം ട്വീറ്റ് ചെയ്തു. 'ജീവിതത്തിൽ ഇതുവരെ കണ്ടിട്ടുള്ളതിൽ ഏറ്റവും ഉയർന്ന ഓർഡറുകളാണ് ഇപ്പോൾ ലഭിച്ചുകൊണ്ടിരിക്കുന്നത്. മിനിറ്റിൽ ഏകദേശം 2500 ഓർഡറുകൾ. ഇപ്പോൾ ആറു മണി മാത്രമേ ആയിട്ടുള്ളൂ', അദ്ദേഹം ട്വീറ്റ് ചെയ്തു. എന്നാൽ ഇതിനു ശേഷം മുക്കാൽ മണിക്കൂറിനുള്ളിൽ ഓർഡറുകൾ മിനിറ്റിൽ 3,200 ആയി ഉയർന്നു.

മറ്റൊരു ട്വീറ്റിൽ ഓർഡറുകളുട എണ്ണം മിനിറ്റിൽ 3,500 ആയതായി അദ്ദേഹം പറഞ്ഞു. 'ഇപ്പോൾ ഒരു ലക്ഷം ഓർഡറുകളാണുള്ളത്. ഒരു ലക്ഷം ഓർഡറുകൾ അടുക്കളകളിൽനിന്ന് ആവശ്യക്കാരിലേയ്ക്ക് എത്തിക്കൊണ്ടിരിക്കുന്നു. ആദ്യമായാണ് ഇത്', എന്നും അദ്ദേഹം പറയുന്നു. പിന്നീട് ഒരു ഘട്ടത്തിൽ ഓർഡറുകളുടെ എണ്ണം മിനിറ്റിൽ 4,100 വരെയായി ഉയർന്നു.

പുതുവർഷ രാത്രിയിൽ പിസയും ബിരിയാണിയുമാണ് ഇന്ത്യക്കാർ ഏറ്റവുമധികം ഓൺലൈൻ വഴി വാങ്ങിയതെന്നാണ് കണക്കുകൾ വ്യക്തമാക്കുന്നത്. മിക്കവാറും നഗരങ്ങളിൽ പുതുവർഷാഘോഷങ്ങൾക്കും രാത്രി പുറത്തിറങ്ങുന്നതിനും നിയന്ത്രണം ഏർപ്പെടുത്തിയിരുന്നു. ഈ സാഹചര്യത്തിൽ വീട്ടിലിരുന്നുതന്നെ പുതുവർഷം ആഘോഷിച്ചതാണ് ഭക്ഷണ ഓർഡറുകൾ വർധിക്കാൻ ഇടയാക്കിയതെന്ന് ഗോയൽ ചൂണ്ടിക്കാട്ടുന്നു.

കോവിഡിന്റെ പശ്ചാത്തലത്തിൽ പുതുവത്സരാഘോഷങ്ങൾ നിയന്ത്രിക്കുന്നതിന് ഡൽഹിയിൽ രാത്രി 11നും രാവിലെ ആറിനും ഇടയിൽ കർഫ്യൂ ഏർപ്പെടുത്തിയിരുന്നു. ഓഡീഷയിൽ രാത്രി 10നും പുലർച്ചെ അഞ്ചിനും ഇടയിലായിരുന്നു കർഫ്യൂ. മറ്റു നഗരങ്ങളിലും പുതുവത്സരാഘോഷങ്ങൾക്ക് നിയന്ത്രണമുണ്ടായിരുന്നു.

Content Highlights:Zomato CEO Left Stunned as Food Delivery App Clocks in 4100 Orders Per Minute on New Year's Eve


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
temple

1 min

ഓസ്‌ട്രേലിയയില്‍ ഹിന്ദു ക്ഷേത്രങ്ങള്‍ക്കുനേരെ ആക്രമണം; പ്രതിഷേധമറിയിച്ച് ഇന്ത്യ

Jan 26, 2023


Anil Antony

4 min

ഈ പോക്കിന്‌ കോണ്‍ഗ്രസിന് ഭാവി വിദൂരമാണ്, ഒപ്പമുള്ളവരെ കാണുമ്പോള്‍ രാഹുലിനോട് സഹതാപം- അനില്‍ ആന്റണി

Jan 25, 2023


adani

2 min

നഷ്ടം കോടികള്‍: നിയമനടപടിയെന്ന് അദാനി; ഭീഷണിയല്ലാതെ ചോദ്യങ്ങള്‍ക്കുത്തരമുണ്ടോയെന്ന് ഹിന്‍ഡെന്‍ബര്‍ഗ്

Jan 27, 2023

Most Commented