2022 ല്‍ യോഗി അയോധ്യയില്‍നിന്ന് മത്സരിച്ചേക്കും; വിമര്‍ശവുമായി കോണ്‍ഗ്രസും സമാജ്‌വാദി പാര്‍ട്ടിയും


മുഖ്യമന്ത്രിക്കുവേണ്ടി അയോധ്യ സീറ്റ് വീട്ടുകൊടുക്കാന്‍ തയ്യാറാണെന്ന് സിറ്റിങ് എംഎല്‍എ വേദ് പ്രകാശ് ഗുപ്ത ഞായറാഴ്ച വ്യക്തമാക്കി.

ലഖ്‌നൗ: ഉത്തര്‍പ്രദേശില്‍ 2022 ല്‍ നടക്കാനിരിക്കുന്ന നിയമസഭാ തിരഞ്ഞെടുപ്പില്‍ മുഖ്യമന്ത്രി യോഗി ആദിത്യനാഥ് അയോധ്യ മണ്ഡലത്തില്‍നിന്ന് ജനവിധി തേടിയേക്കും. മുഖ്യമന്ത്രിക്കുവേണ്ടി അയോധ്യ സീറ്റ് വീട്ടുകൊടുക്കാന്‍ തയ്യാറാണെന്ന് സിറ്റിങ് എംഎല്‍എ വേദ് പ്രകാശ് ഗുപ്ത ഞായറാഴ്ച വ്യക്തമാക്കി. യോഗി അയോധ്യയില്‍നിന്ന് മത്സരിക്കുന്നത് അവിടുത്തെ ജനങ്ങളുടെ ഭാഗ്യവും അഭിമാനവുമാണെന്ന് അദ്ദേഹം പറഞ്ഞു.

'മുഖ്യമന്ത്രി മത്സരിക്കാന്‍ ആഗ്രഹിക്കുന്ന മണ്ഡലങ്ങളില്‍ ഒന്നാണ് അയോധ്യ. എന്നാല്‍, ഓരോരുത്തരും എവിടെ മത്സരിക്കണം എന്നകാര്യം പാര്‍ട്ടിയാണ് തീരുമാനിക്കുന്നത്. യോഗി അയോധ്യയില്‍നിന്ന് മത്സരിച്ചാല്‍ അദ്ദേഹത്തിനുവേണ്ടി പ്രചാരണം നടത്തും. യുപിയില്‍ ബിജെപി വീണ്ടും സര്‍ക്കാര്‍ രൂപവത്കരിക്കുക തന്നെ ചെയ്യും' - വേദ് പ്രകാശ് ഗുപ്ത പറഞ്ഞു.

അതിനിടെ യോഗിയുടെ നീക്കത്തെ വിമര്‍ശിച്ച് കോണ്‍ഗ്രസും സമാജ്‌വാദി പാര്‍ട്ടിയും രംഗത്തെത്തി. യോഗി അയോധ്യയില്‍നിന്ന് മത്സരിക്കണമെന്ന് ആവശ്യപ്പെടുന്ന മണ്ഡലത്തിലെ സിറ്റിങ് എംഎല്‍എ കഴിഞ്ഞ നാലുവര്‍ഷം മണ്ഡലത്തിനുവേണ്ടി എന്തുചെയ്തുവെന്ന് വിശദീകരിക്കണമെന്ന് സംസ്ഥാന കോണ്‍ഗ്രസ് വക്താവ് സുരേന്ദ്ര രജ്പുത് ആവശ്യപ്പെട്ടു. മണ്ഡലത്തിലെ എത്രപേര്‍ക്ക് തൊഴില്‍ ലഭിച്ചു. മണ്ഡലത്തിലെ എത്രഗ്രാമങ്ങളില്‍ ശുദ്ധജലം ലഭ്യമാണ്. സ്ത്രീകള്‍ക്ക് എതിരായ എത്ര അതിക്രമങ്ങള്‍ റിപ്പോര്‍ട്ടു ചെയ്യപ്പെട്ടു. ഓരോ ഗ്രാമത്തിലും കോവിഡ് ബാധിച്ച് എത്രപേര്‍ മരിച്ചു - കോണ്‍ഗ്രസ് വക്താവ് ചോദിച്ചു. വാര്‍ത്ത സൃഷ്ടിക്കാനുള്ള ശ്രമമാണ് യോഗി നടത്തുന്നത്. മണ്ഡലത്തിലെ സിറ്റിങ് എംഎല്‍എ മുഖസ്തുതി അവസാനിപ്പിച്ച് ജനങ്ങള്‍ക്കുവേണ്ടി പ്രവര്‍ത്തിക്കുന്നതാവും നല്ലതെന്നും അദ്ദേഹം പറഞ്ഞു.

2017 മുതല്‍ സര്‍ക്കാരിന്റെ പിടിപ്പുകേട് ജനങ്ങള്‍ കാണുന്നതാണെന്ന് സമാജ്‌വാദി പാര്‍ട്ടി വക്താവ് ജൂഹി സിങ് ആരോപിച്ചു. സംസ്ഥാനത്തെ ക്രമസമാധാന നില തകര്‍ന്നു. തൊഴിലില്ലായ്മ വര്‍ധിച്ചു. ബലാത്സംഗങ്ങള്‍ക്കെതിരെ നിലപാട് സ്വീകരിക്കാത്തത് എന്തുകൊണ്ടാണെന്ന് യോഗി ആദിത്യനാഥ് വ്യക്തമാക്കണം. ആര്‍ക്കും ആത് മണ്ഡലത്തില്‍നിന്നും ജനവിധി തേടാം. പക്ഷെ ഈ ചോദ്യങ്ങള്‍ക്ക് സര്‍ക്കാര്‍ ഉത്തരം നല്‍കേണ്ടി വരുമെന്നും ജൂഹി സിങ് പറഞ്ഞു.

Content Highlights: Yogi to contest from Ayodhya in 2022

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022

Most Commented