യു.പിയിലേത് മികച്ച ഭരണ മാതൃക; ക്രിമിനലുകള്‍ യോഗിയെ ഭയപ്പെടുന്നു - രാജ്‌നാഥ് സിങ്


സമാനതകളില്ലാത്ത ജോഡിയാണ് മോദിയും യോഗിയുമെന്നും രാജ്‌നാഥ്

യോഗി ആദിത്യനാഥ് | Photo:ANI

ലഖ്‌നൗ: മികച്ച ഭരണമാതൃകയാണ് ഉത്തര്‍പ്രദേശിലേതെന്നും ക്രിമിനലുകള്‍ ഇപ്പോള്‍ മുഖ്യമന്ത്രി യോഗി ആദിത്യനാഥിനെ ഭയപ്പെടുകയാണെന്നും കേന്ദ്ര പ്രതിരോധമന്ത്രി രാജ്‌നാഥ് സിംഗ്. സമാനതകളില്ലാത്ത ജോഡിയാണ് മോദിയും യോഗിയുമെന്നും അദ്ദേഹം പറഞ്ഞു. ലക്നൗവില്‍ 1700 കോടി രൂപയുടെ വികസന പദ്ധതികള്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മുഖ്യമന്ത്രി യോഗി ആദിത്യനാഥും ചടങ്ങില്‍ പങ്കെടുത്തു.

ദൈവമാണ് മോദിയുടെയും യോഗിയുടെയും സമാനതകളില്ലാത്ത ജോഡിയെ സൃഷ്ടിച്ചത്. യോഗി യുപിയില്‍ മുഖ്യമന്ത്രില്ലായിരുന്നെങ്കില്‍ തനിക്ക് ലക്‌നൗവില്‍ ഇത്രയധികം വികസന പ്രവര്‍ത്തനങ്ങള്‍ നടത്താന്‍ സാധിക്കുമായിരുന്നില്ല. ലഖ്‌നൗ ഒരു മനോഹരമായ നഗരമാക്കാനാണ് എന്റെ ശ്രമം, ഉപമുഖ്യമന്ത്രി കേശവ് മൗര്യയും എന്നെ ഇതിന് സഹായിച്ചിട്ടുണ്ട്.

അടുത്തിടെ തമിഴ്നാട്ടിലേക്കും കര്‍ണാടകയിലേക്കും താന്‍ നടത്തിയ സന്ദര്‍ശനങ്ങളില്‍ നിന്ന് യോഗി ആദിത്യനാഥിന്റെ പ്രവര്‍ത്തനങ്ങളെ അവിടുത്തെ ആളുകള്‍ പ്രശംസിക്കുന്നതായി മനസ്സിലാക്കാന്‍ സാധിച്ചു. കൊറോണ ബാധിച്ചിട്ടും അതിനെ വകവയ്ക്കാതെ മികച്ച രീതിയില്‍ കോവിഡ് പ്രതിരോധപ്രവര്‍ത്തനം യോഗി നടത്തി.

രാജ്‌നാഥ് സിംഗ് സംസാരിച്ചതിന് ശേഷം സംസാരിച്ച യോഗി ആദിത്യനാഥ് തന്റെ സര്‍ക്കാരിന്റെ നേട്ടങ്ങള്‍ നിരത്തുകയും പ്രധാനമന്ത്രി നരേന്ദ്ര മോദിയുടെ മാര്‍ഗനിര്‍ദേശത്തിനും പ്രോത്സാഹനത്തിനും നന്ദി പറയുകയും ചെയ്തു. സ്മാര്‍ട്ട് ലക്‌നൗ, സ്മാര്‍ട്ട് സ്റ്റേറ്റ് പദ്ധതിയില്‍പെട്ട 1710 കോടി രൂപയുടെ 180 വികസന പദ്ധതികളുടെ ഉദ്ഘാടനമാണ് രാജ്നാഥ് സിംഗ് നിര്‍വഹിച്ചത്.

Content highlights: Yogi Adityanath's governance is the best and criminals fear him says rajnath singh


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented