യെദ്യൂരപ്പയുടേത് മികച്ച പ്രവര്‍ത്തനം; കര്‍ണാടകയില്‍ പ്രതിസന്ധിയില്ല- നഡ്ഡ


ബിഎസ് യെദ്യൂരപ്പ, ജെപി നഡ്ഡ. photo: pics 4 news, ANI

പനാജി: കര്‍ണാടകയിലെ പാര്‍ട്ടി നേതൃത്വത്തില്‍ പ്രതിസന്ധിയുണ്ടെന്ന വാര്‍ത്തകള്‍ തള്ളി ബിജെപി ദേശീയ അധ്യക്ഷന്‍ ജെപി നഡ്ഡ. കര്‍ണാടക മുഖ്യമന്ത്രി ബിഎസ് യെദ്യൂരപ്പയെ പദവിയില്‍ നിന്നു മാറ്റിയേക്കുമെന്ന അഭ്യൂഹങ്ങള്‍ക്കിടെയാണ് പാര്‍ട്ടിയില്‍ പ്രതിസന്ധികളൊന്നുമില്ലെന്ന നഡ്ഡയുടെ പ്രതികരണം.

മുഖ്യന്ത്രി എന്ന നിലയില്‍ കര്‍ണാടകയില്‍ യെദ്യൂരപ്പ നല്ല പ്രവര്‍ത്തനമാണ് നടത്തുന്നത്. യെദ്യൂരപ്പ അദ്ദേഹത്തിന്റെതായ രീതിയില്‍ കാര്യങ്ങള്‍ ശ്രദ്ധിക്കുന്നുണ്ടെന്നും നഡ്ഡ വ്യക്തമാക്കി. കര്‍ണാടക ബിജെപിയില്‍ പ്രതിസന്ധിയുണ്ടെന്നത് മാധ്യമങ്ങളുടെ തോന്നലാണെന്നും ഞങ്ങള്‍ക്ക് അങ്ങനെ തോന്നുന്നില്ലെന്നും അദ്ദേഹം പ്രതികരിച്ചു. രണ്ട് ദിവസത്തെ ഗോവ സന്ദര്‍ശനം പൂര്‍ത്തിയാക്കി മടങ്ങവെ പനാജിയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

മുഖ്യമന്ത്രി സ്ഥാനത്തു തുടരുന്ന കാര്യത്തില്‍ ബിജെപി കേന്ദ്ര നേതൃത്വത്തിന്റെ നിര്‍ദേശം പ്രകാരം ഞായറാഴ്ച വൈകീട്ട് ഉചിതമായ തീരുമാനമെടുക്കുമെന്ന യെദ്യൂരപ്പയുടെ പ്രസ്താവനയ്ക്ക് പിന്നാലെയാണ് പാര്‍ട്ടി ദേശീയ അധ്യക്ഷന്‍ യെദ്യൂരപ്പയെ പിന്തുണച്ച് പ്രസ്താവന നടത്തിയത്.

ഈയാഴ്ച താന്‍ മുഖ്യമന്ത്രി സ്ഥാനം ഒഴിഞ്ഞേക്കുമെന്ന് യെദ്യൂരപ്പ നേരത്തെ സൂചന നല്‍കിയിരുന്നു. ജൂലൈ 26-ന് ഭരണത്തില്‍ രണ്ടുവര്‍ഷം പൂര്‍ത്തിയാക്കുകയാണ് യെദ്യൂരപ്പ സര്‍ക്കാര്‍. ഇതിന്റെ ആഘോഷങ്ങള്‍ തിങ്കളാഴ്ചയുണ്ടാകും. അതിന് ശേഷം പാര്‍ട്ടി ദേശീയ അധ്യക്ഷന്‍ ജെ.പി നഡ്ഡ പറയുന്നത് എന്താണെങ്കിലും താന്‍ അനുസരിക്കുമെന്നും അദ്ദേഹം പറഞ്ഞിരുന്നു. പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ, പാര്‍ട്ടി ദേശീയ അധ്യക്ഷന്‍ നഡ്ഡ എന്നിവരില്‍ തനിക്ക് വിശ്വാസമുണ്ടെന്നും അദ്ദേഹം വ്യക്തമാക്കിയിരുന്നു.

യെദ്യൂരപ്പ മുഖ്യമന്ത്രി സ്ഥാനത്തുനിന്ന് മാറ്റിയാല്‍ ബിജെപി വലിയ പ്രത്യാക്ഷാതം നേരിടേണ്ടി വരുമെന്ന് നേരത്തെ ലിംഗായത്ത് വിഭാഗങ്ങള്‍ മുന്നറിയിപ്പ് നല്‍കിയിരുന്നു.

content highlights: Yediyurappa Expects Decision on Replacement Today; Nadda Says Karnataka Doing Well Under Him

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Thalassery Overbury's Foley

1 min

തലശ്ശേരി പാര്‍ക്കിലെ കമിതാക്കളുടെ ഒളിക്യാമറ ദൃശ്യം പോണ്‍ സൈറ്റുകളില്‍; അപ്‌ലോഡ് ചെയ്തവരെ തേടി പോലീസ്

Jul 4, 2022


nedumbassery airport

1 min

ബാഗില്‍ എന്താണെന്ന വിമാന ജീവനക്കാരിയുടെ ചോദ്യം ഇഷ്ടപ്പെട്ടില്ല, ബോംബെന്ന് മറുപടി; അറസ്റ്റിലായി

Jul 3, 2022


pinarayi vijayan

3 min

ജീവിതത്തില്‍ ശുദ്ധി പുലര്‍ത്തിയാല്‍ തലകുനിക്കേണ്ടി വരില്ല, ഒരു ഉള്‍ക്കിടിലവുമില്ല- മുഖ്യമന്ത്രി 

Jul 4, 2022

Most Commented