കലാപത്തില്‍ ഏറ്റവും കൂടുതല്‍ നാശനഷ്ടം, പ്രേതനഗരമായി ശിവ് വിഹാര്‍


കലാപത്തില്‍ ഏറ്റവും കൂടുതല്‍ നാശനഷ്ടം സംഭവിച്ച പ്രദേശങ്ങളിലൊന്നാണ് ശിവ് വിഹാര്‍. രാജ്യതലസ്ഥാനമാണ് ഇതെന്നുവരെ വിശ്വസിക്കാന്‍ പ്രയാസം.

Image|NDTV

ന്യൂഡല്‍ഹി: കത്തിക്കരിഞ്ഞ വീടുകളും വാഹനങ്ങളും, തകര്‍ക്കപ്പെട്ട കെട്ടിടങ്ങള്‍, ആളൊഴിഞ്ഞ നിരത്തുകള്‍, എങ്ങും അവശിഷ്ടങ്ങള്‍ മാത്രം... കാഴ്ചയില്‍ വല്ലപ്പോഴും എത്തുന്നത് നഷ്ടപ്പെട്ട സ്വത്തുകള്‍ക്ക് മുന്നില്‍ നെടുവീര്‍പ്പിടുന്ന ഒന്നോ രണ്ടോ മനുഷ്യര്‍.പ്രേതനഗരത്തെ അനുസ്മരിപ്പിക്കുന്ന നിശബ്ദത.. വടക്ക് കിഴക്കന്‍ ഡല്‍ഹിയിലെ ഏറ്റവും തിരക്കുപിടിച്ച ശിവ് വിഹാര്‍ കോളനിയെ ഇപ്പോള്‍ എന്ത് പറഞ്ഞ് വിശദീകരിക്കണമെന്നറിയില്ല. അത്രത്തോളം നശിപ്പിക്കപ്പെട്ടിരിക്കുന്നു ഈ പ്രദേശം. കലാപത്തില്‍ ഏറ്റവും കൂടുതല്‍ നാശനഷ്ടം സംഭവിച്ച പ്രദേശങ്ങളിലൊന്നാണ് ശിവ് വിഹാര്‍.

കലാപത്തിനിടെ ഇരച്ചെത്തിയ അക്രമികള്‍ കണ്ണില്‍ കണ്ടതെല്ലാം തീവെച്ചുനശിപ്പിച്ചു, തല്ലിത്തകര്‍ത്തു. മുന്നിലെത്തിയവരെ ആക്രമിച്ചു. തകര്‍ക്കപ്പെട്ട വീടുകളില്‍ നിന്നും ജനങ്ങള്‍ പലായനം ചെയ്തത് സമീപത്തെ ഇന്ദിരാവിഹാറിലേക്കാണ്.

shiv vihar
Image/NDTV

തന്നേയും കുടുംബത്തേയും അക്രമികള്‍ വേട്ടയാടിയത് ആസിഡ് കൊണ്ടാണെന്ന് പ്രദേശവാസിയായ മുംതാസ് പറയുന്നു. കലാപകാരികള്‍ എത്തിയപ്പോള്‍ ഞങ്ങള്‍ വീടിനുള്ളിലായിരുന്നു. വീടിനുള്ളിലേക്ക് അവര്‍ ആസിഡ് നിറച്ച കുപ്പി വലിച്ചെറിഞ്ഞു. എന്റെ ഭര്‍ത്താവിന്റെ മുഖത്തേക്കാണ് അത് വന്നുവീണത്. അദ്ദേഹത്തിന് അടുത്ത് നിന്നിരുന്ന മകളുടെ മുഖത്തേക്കും ആസിഡ് തെറിച്ചു. എങ്ങനെയൊക്കയോ രക്ഷപ്പെട്ട് ഓടികയായിരുന്നു ഞങ്ങള്‍. പൊലീസിന് വിളിക്കാന്‍ ശ്രമിച്ചെങ്കിലും കണ്ക്ട് ആയില്ല. ജീവനും കൊണ്ട് ഓടുകയായിരുന്നു ഞങ്ങള്‍ .കലാപം കഴിഞ്ഞ് ദിവസങ്ങള്‍ പിന്നിടുമ്പോഴും അന്ന് ധരിച്ച അതേ വസ്ത്രത്തിലാണ് ഇപ്പോഴും ഞങ്ങളുള്ളത്. ആസിഡ് ആക്രമണത്തിന്റെ പരിക്കുകള്‍ വേറേയും.

നാല് ദിവസം ഇരുട്ടിലാണ് കഴിഞ്ഞതെന്ന് 28കാരിയായ ഷഹ്ബാനോ പറഞ്ഞുയ 15 വയസ്സുള്ള മകനേയും കൂട്ടിയാണ് സ്വന്തം വീടിനുള്ളില്‍ ഞങ്ങള്‍ ഒളിച്ചിരുന്നത്. ലൈറ്റ് ഇട്ടാല്‍ വീട്ടില്‍ ഞങ്ങളുണ്ടെന്ന് തിരിച്ചറിഞ്ഞ് അവര്‍ ആക്രമിക്കുമെന്ന് ഭയം. ഞങ്ങളുടെ അയല്‍വീട് അവര്‍ തീവെച്ചതോടെ ജീവനും കൊണ്ട് ഞങ്ങള്‍ ഓടിരക്ഷപ്പെടുകയായിരുന്നു. ഇനി ഞങ്ങള്‍ക്ക് ഒന്നും ബാക്കിയില്ല. എല്ലാം പോയി.

shiv vihar
Image/NDTV

ഇന്ദിരാവിഹാറിലുള്ള അമ്പതുകാരിയായ നഫീസ് അഹമ്മദിന്റെ വീട്ടിലിരുന്നാണ് ഇവര്‍ ഈ അനുഭവം പങ്കുവെയ്ക്കുന്നത്. നിരവധി പേര്‍ക്ക് നഫീസ അഭയം നല്‍കിയിരിക്കുന്നു. കോളനി മാറിയെങ്കിലും എപ്പോള്‍ വേണമെങ്കിലും വീണ്ടുമൊരു സംഘര്‍ഷം പൊട്ടിപ്പുറപ്പെടാമെന്ന ഭീതിയിലാണ് ഈ കുടുംബങ്ങള്‍ ഇപ്പോഴും കഴിയുന്നത്.

Content Highlights: Worst Affected In Delhi Clashes, Shiv Vihar Resembles A Ghost Town, Delhi Riots


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented