അപ്രതീക്ഷിതമായെത്തുന്ന മഴയ്ക്ക് ഒരു വനംവകുപ്പുദ്യോഗസ്ഥയെ ആനന്ദനൃത്തം ചെയ്യിക്കാനാവുമോ?


വനിതാ ഉദ്യോഗസ്ഥയുടെ ആഹ്‌ളാദപ്രകടനം | Screengrab : Twitter Video | @rameshpandeyifs

ഏഷ്യയിലെ രണ്ടാമത്തെ വലിയ ജൈവമേഖലയായ ഒഡിഷയിലെ സിമിലിപാല്‍ ദേശീയോദ്യാനം രണ്ടാഴ്ചയായി മാധ്യമങ്ങളിലിടം പിടിച്ചത് പടര്‍ന്നു പിടിക്കുന്ന കാട്ടുതീയെ കുറിച്ചുള്ള ആശങ്കയുമായാണ്. ഞായറാഴ്ച അപ്രതീക്ഷിതമായെത്തിയ മഴയും മഞ്ഞുവീഴ്ചയും കാട്ടുതീയ്ക്ക് ശമനം നല്‍കിയ വാര്‍ത്ത നല്‍കിയ ആശ്വാസം തെല്ലൊന്നുമല്ല. എന്നാല്‍ അതിലേറെ ശ്രദ്ധ നേടിയ മറ്റൊന്നുണ്ട് സിമിലിപാലില്‍.

പ്രതീക്ഷിക്കാതെ എത്തിയ മഴ സിമിലിപാലിലെ കാട്ടുതീ കുറയാന്‍ സഹായിച്ചതിന്റെ ആഹ്ലാദം പങ്കിടുന്ന സിമിലിപാല്‍ മേഖലയിലെ ഒരു ഫോറസ്റ്റ് ഉദ്യോഗസ്ഥയുടെ വീഡിയോ വളരെ വേഗത്തിലാണ് സാമൂഹികമാധ്യമങ്ങളില്‍ ട്രെന്‍ഡിങ് ആയത്. തീ കുറയ്ക്കാനായുള്ള തന്റെ പ്രാര്‍ഥന കേട്ട് മഴ പെയ്യിച്ച ഈശ്വരന് ആര്‍ത്തു വിളിച്ച് നന്ദിയറിയിക്കുകയാണ് അവര്‍. ഇനിയും കൂടുതല്‍ മഴ പെയ്യിക്കൂവെന്ന് അവര്‍ അപേക്ഷിക്കുന്നുമുണ്ട്. തങ്ങള്‍ ഉദ്യോഗസ്ഥര്‍ മാത്രം വിചാരിച്ചാല്‍ ആളിപ്പടരുന്ന തീ കെടുത്താനാവില്ലെന്ന് അവര്‍ക്ക് നിശ്ചയമുള്ള പോലെ.

'സഹായവുമായെത്തുന്ന ദൈവത്തിന്റെ കരങ്ങള്‍ പോലെയാണ് ഇത്തരം സന്ദര്‍ഭങ്ങളിലെ മഴ. സിമിലിപാലിലെ തീ കെടുത്താനുള്ള പോരാട്ടത്തിലായിരുന്ന ഒരു വനിതാ ഉദ്യോഗസ്ഥയുടെ ആനന്ദം നിങ്ങള്‍ക്കിതില്‍ കാണാം' എന്ന കുറിപ്പോടെയാണ് ഇന്ത്യന്‍ ഫോറസ്റ്റ് സര്‍വീസ് ഉദ്യോഗസ്ഥനായ രമേശ് പാണ്ഡെ ട്വിറ്ററില്‍ വീഡിയോ ഷെയര്‍ ചെയ്തത്.

നിരവധി പേര്‍ വീഡിയോ റീട്വീറ്റ് ചെയ്തു. ദിവസത്തിന്റെ മുഴുവന്‍ സമയവും അഗ്നിശമനസേവനവുമായി സിമിലിപാലില്‍ കാണപ്പെട്ട സ്‌നേഹ ദയാല്‍ എന്ന ഉദ്യോഗസ്ഥയാണ് വീഡിയോയിലുള്ളതെന്ന് ആദ്യം വീഡിയോ പങ്കു വെച്ച ഡോക്ടര്‍ യുഗള്‍ കിഷോര്‍ മൊഹന്ത പറയുന്നു. ആ ഉദ്യോഗസ്ഥയുടെ ആനന്ദം തങ്ങള്‍ക്കും അനുഭവിക്കാനാവുന്നുണ്ടെന്ന് പലരും കമന്റ് ചെയ്തു. സ്‌നേഹ ദയാലിന് അഭിനന്ദങ്ങളുടെ പെരുമഴയാണിപ്പോള്‍ സാമൂഹികമാധ്യമങ്ങളില്‍.

2,750 ചതുരശ്ര കിലോമീറ്റര്‍ വിസ്തൃതിയിലാണ് സിമിലിപാല്‍ ദേശീയോദ്യാനം. മേഖലയില്‍ കാട്ടുതീ വലിയ നാശനഷ്ടമുണ്ടാക്കിയതായാണ് വിവരം. കാട്ടുതീയില്‍ പെട്ട് നിരവധി ജീവജാലങ്ങള്‍ക്ക് ജീവഹാനി സംഭവിച്ചതായും ഔഷധപ്രാധാന്യമുള്ള വൃക്ഷങ്ങളും സസ്യങ്ങളും നശിച്ചതായി പ്രാഥമിക റിപ്പോര്‍ട്ട് സൂചിപ്പിക്കുന്നു.

Content Highlights: Woman forest officer dances in joy as rain showers over Similipal after forest fire

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented