വരനും സുഹൃത്തുക്കളും മദ്യപിച്ചെത്തി; വധു വിവാഹത്തില്‍നിന്ന് പിന്മാറി


പ്രതീകാത്മക ചിത്രം | ഫോട്ടോ: എ.എഫ്.പി.

പ്രയാഗ് രാജ്: വിവാഹവേദിയില്‍ വരനും സുഹൃത്തുക്കളും മദ്യപിച്ചെത്തിയതിനെ തുടര്‍ന്ന് വധു വിവാഹത്തില്‍ നിന്ന് പിന്മാറി. ഉത്തര്‍പ്രദേശ് പ്രയാഗ് രാജിലാണ് സംഭവം.

വിവാഹ ദിവസം വരനും സുഹൃത്തുക്കളും മദ്യപിച്ചാണ് വേദിയിലെത്തിയത്. വരന്റെയും സുഹൃത്തുക്കളുടെയും അഭിപ്രായപ്രകടനങ്ങള്‍ തുടക്കത്തില്‍ വധുവും വീട്ടുകാരും അവഗണിച്ചു. എന്നാല്‍ ജയമാല ചടങ്ങിന് മുമ്പായി വധുവിനെ നൃത്തം ചെയ്യുന്നതിനായി വരന്‍ നിര്‍ബന്ധിച്ചതോടെയാണ് സാഹചര്യം വഷളായത്.



നൃത്തം ചെയ്യാന്‍ പെണ്‍കുട്ടി തയ്യാറായില്ല. ഇതോടെ വരന്‍ അസ്വസ്ഥനാകുകയും ബഹളം വെയ്ക്കുകയും ചെയ്തു. വരന്റെ പെരുമാറ്റത്തില്‍ പ്രകോപിതയായ ഇരുപത്തിരണ്ടുകാരിയായ യുവതി വിവാഹത്തില്‍ നിന്ന് പിന്മാറുകയായിരുന്നു. തങ്ങള്‍ തന്ന പണവും മറ്റു സമ്മാനങ്ങളും തിരികെ ആവശ്യപ്പെട്ട് വധുവിന്റെ വീട്ടുകാര്‍ വരനേയും കുടുംബത്തേയും തടഞ്ഞുവെക്കുകയും ചെയ്തു.

തുടര്‍ന്ന് വരന്റെ വീട്ടുകാര്‍ പ്രശ്‌നം ഒത്തുതീര്‍പ്പാക്കുന്നതിന് വേണ്ടി പോലീസിനെ വിളിച്ചുവരുത്തി. എന്നാല്‍ പോലീസുകാര്‍ ഇടപെട്ടപ്പോഴും മദ്യപാനിയായ വരനെ വിവാഹം കഴിക്കാന്‍ തനിക്ക് താല്പര്യമില്ലെന്ന നിലപാടില്‍ യുവതി ഉറച്ചുനിന്നു.

വധുവിന്റെ കുടുംബത്തിന് പണവും മറ്റും തിരികെ നല്‍കാമെന്ന് പിന്നീട് വരന്റെ വീട്ടുകാര്‍ സമ്മതിച്ചതോടെയാണ് പ്രശ്‌നം പരിഹരിക്കാനായത്.

Content Highlights: Woman calls off wedding because of drunkard gromm


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


brazil vs cameroon

2 min

ടിറ്റെയുടെ പരീക്ഷണം പാളി, ബ്രസീലിനെ അട്ടിമറിച്ച് കാമറൂണ്‍

Dec 3, 2022


Vizhinjam

7 min

വിഴിഞ്ഞത്തിന്റെ നിലവിളി | വഴിപോക്കൻ

Dec 2, 2022

Most Commented