തിരഞ്ഞെടുപ്പ് ഒരുക്കം; ഉത്തര്‍പ്രദേശില്‍ നേതാക്കള്‍ക്കായി അമിത് ഷായുടെ 'ഇലക്ഷന്‍ മാസ്റ്റര്‍ ക്ലാസ്'


അമിത് ഷാ | Photo: PTI

വാരണാസി: യുപിയില്‍ നടക്കാനിരിക്കുന്ന നിയമസഭാ തിരഞ്ഞെടുപ്പിന് മുന്നോടിയായി കേന്ദ്ര ആഭ്യന്തര മന്ത്രി അമിത് ഷാ ഈമാസം 12-ന് വാരാണസിയില്‍ ബിജെപി നേതാക്കള്‍ക്കായി 'ഇലക്ഷന്‍ മാസ്റ്റര്‍ക്ലാസ്' നടത്തും. തിരഞ്ഞെടുപ്പിനുള്ള തയ്യാറെടുപ്പുകള്‍ അവലോകനം ചെയ്യുന്നതിനായാണ് ഉത്തര്‍പ്രദേശ് ബിജെപി നേതൃത്വത്തിലെ 700 ഓളം നേതാക്കള്‍ക്കായി ക്ലാസ് സംഘടിപ്പിക്കുന്നത്.

98 ജില്ലാ പ്രസിഡന്റുമാര്‍, അത്രതന്നെ ജില്ലാ ഭാരവാഹികള്‍, 403 നിയമസഭാ സീറ്റുകളുടെയും ചുമതലയുള്ളവര്‍, സംസ്ഥാനത്തെ ആറ് പ്രാദേശിക പ്രസിഡന്റുമാര്‍, മുതിര്‍ന്ന പ്രവര്‍ത്തകര്‍, സഹ ഭാരവാഹികള്‍ എന്നിവര്‍ക്കുവേണ്ടി നവംബര്‍ 12-ന് വാരാണസിയില്‍ യോഗം വിളിച്ചിട്ടുണ്ടെന്ന് ഉത്തര്‍പ്രദേശ് ബിജെപി വൈസ് പ്രസിഡന്റ് വിജയ് ബഹാദൂര്‍ പഥക്കിനെ ഉദ്ധരിച്ച് ന്യൂസ് 18 റിപ്പോര്‍ട്ട് ചെയ്തു.

ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്, സംസ്ഥാന അധ്യക്ഷന്‍ സ്വതന്ത്രദേവ് സിങ്, ഉപമുഖ്യമന്ത്രിമാര്‍, മന്ത്രിമാര്‍, സംസ്ഥാനത്തിന്റെ ചുമതലയുള്ള നേതാവ് ധര്‍മേന്ദ്രപ്രധാന്‍ അടക്കമുള്ളവരും വാരാണാസിയില്‍ എത്തും. തിരഞ്ഞെടുപ്പിന് മുന്നോടിയായുള്ള പാര്‍ട്ടിയുടെ സുപ്രധാന യോഗമാണിതെന്നാണ് ബിജെപി വൃത്തങ്ങള്‍ വ്യക്തമാകുന്നത്.

സംസ്ഥാനത്തെ പാര്‍ട്ടി നേതാക്കളുടെ 'പരിവര്‍ത്തന്‍ യാത്ര' അടുത്ത മാസം മുതല്‍ ആരംഭിക്കാനും ബിജെപി ആലോചിക്കുന്നുണ്ടെന്നാണ് റിപ്പോര്‍ട്ടുകള്‍. 13 ന് അഖിലേഷ് യാദവിന്റെ മണ്ഡലമായ അസംഗഢിലേക്ക് അമിത് ഷാ റാലിക്കായി പോകുമെന്നും റിപ്പോര്‍ട്ടുകളുണ്ട്.

Content Highlights: With UP Polls Round the Corner, Amit Shah to Hold Election Masterclass for 700 BJP Leaders in Varanasi


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

2 min

വാഴക്കുലയില്‍ കുടുങ്ങിയ ചിന്ത; നന്ദി പിണറായിക്ക്, ഡോക്ടറേറ്റ് റദ്ദാക്കാന്‍ വകുപ്പുണ്ട്

Jan 30, 2023


kt jaleel, madani

3 min

മഅദനിയെക്കണ്ടു, കണ്ണുനിറഞ്ഞു; ഈ കൊല്ലാക്കൊല കൊടിയ അനീതിയെന്ന് കെ.ടി. ജലീല്‍ 

Jan 28, 2023


Premium

09:50

വീടിനെക്കാള്‍ വില മതിച്ച പൂവ്; ഞെട്ടിച്ച തകര്‍ച്ച, ടുലിപ് മാനിയ!

Jan 30, 2023

Most Commented