എന്തുകൊണ്ട് നേതാജിക്ക് സ്മാരകം നിര്‍മിച്ചില്ല- കേന്ദ്രത്തിനെതിരേ രൂക്ഷവിമർശനവുമായി മമത


മമത ബാനർജി| Photo: PTI

കൊല്‍ക്കത്ത: നേതാജി സുഭാഷ് ചന്ദ്രബോസിന്റെ ജന്മവാര്‍ഷികത്തില്‍ കേന്ദ്രസര്‍ക്കാരിനെ കടന്നാക്രമിച്ച് പശ്ചിമ ബെംഗാള്‍ മുഖ്യമന്ത്രി മമത ബാനര്‍ജി. നേതാജിയുടെ ജന്മവാര്‍ഷികം ദേശീയ അവധിയായി പ്രഖ്യാപിക്കാത്ത കേന്ദ്രത്തിന്റെ നിലപാടിനെതിരെ പ്രതിഷേധിക്കുന്നതായും മമത പറഞ്ഞു.

നിങ്ങള്‍ പുതിയ പാര്‍ലമെന്റ് നിര്‍മിക്കുകയും പുതിയ വിമാനങ്ങള്‍ വാങ്ങുകയും ചെയ്യുന്നുണ്ട്. എന്തുകൊണ്ടാണ് നേതാജിക്ക് സ്മാരകം നിര്‍മിക്കാത്തത്- മമത ചോദിച്ചു. നേതാജി സുഭാഷ് ചന്ദ്രബോസിന്റെ 124-ാം ജന്മവാര്‍ഷികത്തോട് അനുബന്ധിച്ച് കൊല്‍ക്കത്തയില്‍ സംഘടിപ്പിച്ച റാലിയുടെ സമാപന ചടങ്ങിലായിരുന്നു കേന്ദ്രത്തിനു നേര്‍ക്ക് മമത അതിരൂക്ഷ വിമര്‍ശനങ്ങള്‍ ഉന്നയിച്ചത്.

'നിങ്ങള്‍ക്ക് ഏത് തുറമുഖത്തിനു വേണമെങ്കിലും ശ്യാമപ്രസാദ് മുഖര്‍ജിയുടെ പേര് നല്‍കാം. ഞങ്ങള്‍ക്ക് യാതൊരു എതിര്‍പ്പുമില്ല. എന്നാല്‍ രാജീവ് ഗാന്ധിയെ കൊണ്ട് കൊല്‍ക്കത്ത വിമാനത്താവളത്തിന്റെ പേര് നേതാജി സുഭാഷ് ചന്ദ്രബോസ് വിമാനത്താവളം എന്ന് പുനര്‍നാമകരണം ചെയ്യിക്കാന്‍ എനിക്ക് സാധിച്ചു', മമത പറഞ്ഞു. കൊല്‍ക്കത്ത പോര്‍ട്ട് ട്രസ്റ്റിന് ജനസംഘം സ്ഥാപകന്‍ ശ്യാമപ്രസാദ് മുഖര്‍ജിയുടെ പേര് നല്‍കാന്‍ കഴിഞ്ഞ കഴിഞ്ഞ ജൂണില്‍ കേന്ദ്രം കൈക്കൊണ്ട തീരുമനത്തെ സൂചിപ്പിച്ചായിരുന്നു മമതയുടെ പരാമര്‍ശം.

നേതാജിയുടെ ആശയത്തില്‍ രൂപവത്കരിക്കപ്പെട്ട ആസൂത്രണ കമ്മിഷന്‍ കേന്ദ്രസര്‍ക്കാര്‍ ഇല്ലാതാക്കിയെന്നും പകരം നിതി ആയോഗ് കൊണ്ടുവന്നെന്നും മമത വിമര്‍ശിച്ചു. ആസൂത്രണ കമ്മിഷനെ കേന്ദ്രം തിരികെ കൊണ്ടുവന്നേ മതിയാകൂവെന്നും അവര്‍ പറഞ്ഞു.

നടക്കാനിരിക്കുന്ന പശ്ചിമ ബെംഗാള്‍ നിയമസഭാ തിരഞ്ഞെടുപ്പ് തൃണമൂലിനും ബി.ജെ.പിക്കും അഭിമാനപോരാട്ടമാണ്. സുവേന്ദു അധികാരി ഉള്‍പ്പെടെ പ്രമുഖ തൃണമൂല്‍ നേതാക്കളെ ബി.ജെ.പി. അടര്‍ത്തിയെടുത്തു കഴിഞ്ഞു. അതേസമയം, ഒരുചുവടു പോലും പിന്നോട്ടില്ലെന്ന നിലപാടിലാണ് മമത.

content highlights: why no netaji memorial- mamata banarjee attacks centre

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Gopi Sunder Music Director, Amritha suresh in love? Viral Instagram post

1 min

അനുഭവങ്ങളുടെ കനല്‍വരമ്പു കടന്ന് പുതിയ വഴികളിലേക്ക്; അമൃതയ്‌ക്കൊപ്പം ഗോപി സുന്ദര്‍

May 26, 2022


Representative Image

1 min

നവജാതശിശുവിനെ അമ്മ പ്ലാസ്റ്റിക് കൂടിലാക്കി തോട്ടിലെറിഞ്ഞു; ബന്ധു കണ്ടതിനാല്‍ കുഞ്ഞ് രക്ഷപ്പെട്ടു

May 27, 2022


anu facebook post

5 min

'ഞങ്ങള്‍ക്ക് ഒരു തൂവാല പോലും മേടിച്ചു തരാത്ത ചാച്ചന്‍, 4 കൊല്ലം കഴിഞ്ഞു വേറെ കല്യാണം കഴിച്ചു'

May 25, 2022

Most Commented