Screengrab : YouTube Video
ലഖ്‌നൗ: കുണ്ടും കുഴികളും നിറഞ്ഞ റോഡിലൂടെയുള്ള യാത്ര ഏറെ ദുഷ്‌കരമാണെന്നും പലപ്പോഴും ഓട്ടോറിക്ഷകള്‍ കുഴിയില്‍ ചാടി മറിയുന്നത് പതിവാണെന്നും മാധ്യമപ്രവര്‍ത്തകനോട് വിവരിക്കുകയായിരുന്നു പ്രവിര്‍ കുമാര്‍. നാല് വര്‍ഷത്തോളമായി റോഡിന്റെ ശോചനീയാവസ്ഥ ഇതേരീതിയില്‍ തന്നെയാണെന്നും തുടരുന്നതിനിടെ പ്രവിര്‍ കുമാറിന്റെ പിന്നില്‍ അദ്ദേഹത്തിന്റെ പരാതിയുടെ സാക്ഷ്യപത്രം പോലെ റോഡിലെ വെള്ളം നിറഞ്ഞ കുഴിയില്‍ വീണ് നിയന്ത്രണം വിട്ട് ഒരു ഇ-ഓട്ടോറിക്ഷ മറിഞ്ഞു. പ്രവിര്‍ കുമാറിന്റെ പ്രതികരണം പകര്‍ത്തുകയായിരുന്ന കാമറയില്‍ അപകടദൃശ്യവും പതിഞ്ഞു. പിന്നീട് സാമൂഹികമാധ്യമങ്ങളില്‍ ഈ ദൃശ്യം വന്‍തോതില്‍ പ്രചാരം നേടുകയും ചെയ്തു.
ഉത്തര്‍പ്രദേശിലെ ബലിയയിലെ റോഡിന്റെ ശോചനീയാവസ്ഥ പലതവണ അധികൃതരുടെ ശ്രദ്ധയില്‍ പെടുത്തിയിട്ടും ഒരു നടപടിയുമുണ്ടായില്ലെന്ന് പ്രവിര്‍ കുമാര്‍ പറഞ്ഞു. ദിവസേന 20 തവണയെങ്കിലും ഓട്ടോറിക്ഷകള്‍ കുഴിയില്‍ പെട്ട് മറിയുന്നത് പതിവാണെന്നും പ്രവിര്‍ കുമാര്‍ കൂട്ടിച്ചേര്‍ത്തു. ദ ക്വിന്റിലെ മാധ്യമപ്രവര്‍ത്തകനായ പിയൂഷ് റായ് ആണ് ആദ്യം ഈ വീഡിയോ ട്വീറ്റ് ചെയ്തത്. നിത്യസംഭവമായി തീര്‍ന്ന അപകടങ്ങളെ കുറിച്ചും അധികൃതരുടെ ഭാഗത്ത് നിന്ന് ജനങ്ങള്‍ നേരിടുന്ന അനാസ്ഥയെ കുറിച്ചും പ്രവിര്‍ കുമാര്‍ വീഡിയോയില്‍ വിവരിച്ചു.
റോഡിലെ കുണ്ടിലും കുഴിയിലും പെട്ട് വാഹനങ്ങള്‍ അപകടത്തിലാകുന്നത് അസാധാരണമല്ല. റോഡിലെ കുഴികളില്‍ പെട്ടുണ്ടായ അപകടങ്ങളില്‍ 2018-2020 കാലയളവില്‍ 5,626 പേര്‍ക്ക് ജീവന്‍ നഷ്ടമായതായാണ് മിനിസ്ട്രി ഓഫ് റോഡ് ട്രാന്‍സ്‌പോര്‍ട്ട് ആന്‍ഡ് ഹൈവേയ്‌സ് കഴിഞ്ഞ മാസം പുറത്തുവിട്ട കണക്കുകള്‍ സൂചിപ്പിക്കുന്നത്. വിചിത്രമായ പ്രതിഷേധങ്ങള്‍ക്കും റോഡിലെ കുഴികള്‍ വഴിയൊരുക്കിയിട്ടുണ്ട്. റോഡ്മധ്യത്തിലെ ആഴമേറിയ കുഴിയില്‍ നിറഞ്ഞ വെള്ളത്തില്‍ കുളിച്ചായിരുന്നു കേരളത്തിലെ റോഡുകളുടെ മോശം അവസ്ഥക്കെതിരെ മലപ്പുറം സ്വദേശിയുടെ പ്രതിഷേധം. അടുത്തിടെ റിലീസായ 'ന്നാ താന്‍ കേസ് കൊട്' എന്ന മലയാളചിത്രം കൈകാര്യം ചെയ്തതും റോഡുകളുടെ ശോച്യാവസ്ഥയായിരുന്നു.
Content Highlights: Uttar Pradesh, Man Complains About Potholes on Camera, E-Rickshaw Topples in Background
Also Watch
RELATED STORIES
.jpg?$p=b103e4b&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=1990e2a&f=1x1&w=100&q=0.8)
.jpg?$p=1990e2a&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..