മത്സരം രണ്ടാം സ്ഥാനത്തിനുവേണ്ടി; കോണ്‍ഗ്രസിന്റെയും ഒവൈസിയുടെയും പ്രചാരണം ജനം തള്ളും- യോഗി


യോഗി ആദിത്യനാഥ്, അസദുദ്ദീൻ ഒവൈസി | Photo: PTI

ലഖ്‌നൗ: കോണ്‍ഗ്രസും എ.ഐ.എം.ഐ.എം നേതാവ് അസദുദ്ദീന്‍ ഒവൈസിയും ഉയര്‍ത്തുന്ന വിദ്വേഷ പ്രചാരണങ്ങളെ ഉത്തര്‍പ്രദേശിലെ ജനങ്ങള്‍ തള്ളിക്കളയുമെന്ന് മുഖ്യമന്ത്രി യോഗി ആദിത്യനാഥ്. വികസനത്തെ പിന്തുണക്കുന്നവര്‍ ബി.ജെ.പിക്ക് തന്നെ വോട്ട് ചെയ്യുമെന്നും അതില്‍ ഹിന്ദു മുസ്ലീം വേര്‍തിരിവില്ലെന്നും ടൈംസ് നൗവിന് നല്‍കിയ അഭിമുഖത്തില്‍ യോഗി ആദിത്യനാഥ് പറഞ്ഞു.

അസദുദ്ദീന്‍ ഒവൈസിയ്ക്കും അദ്ദേഹത്തിന്റെ വിദ്വേഷ പ്രചാരണങ്ങള്‍ക്കും ഉത്തര്‍പ്രദേശില്‍ ഒരു പ്രസക്തിയുമില്ല. രാം മന്ദിര്‍, സി.ഐ.എ വിഷയങ്ങളുയര്‍ത്തി പ്രകോപനമുണ്ടാക്കാനാണ് ഒവൈസി ശ്രമിക്കുന്നത്. ഉത്തര്‍പ്രദേശിലെ മുസ്ലിം വോട്ടര്‍മാര്‍ ഒവൈസിക്ക് വോട്ട് ചെയ്യുമോ എന്ന് പറയാനാകില്ല. ഇത് ബീഹാറല്ലെന്നും ഉത്തര്‍പ്രദേശാണെന്നും യോഗി പറഞ്ഞു.

മായാവതി ഉത്തര്‍പ്രദേശില്‍ നിര്‍ണായക ശക്തിയാവുമോ എന്ന ചോദ്യത്തിന് മത്സരം നടക്കുന്നത് രണ്ടാം സ്ഥാനത്തിന് വേണ്ടിയാണെന്നായിരുന്നു യോഗി ആദിത്യനാഥിന്റെ മറുപടി. പ്രിയങ്കയുടെ നേതൃത്വത്തില്‍ കോണ്‍ഗ്രസും വിദ്വേഷ പ്രചാരണമാണ് നടത്തുന്നത്.

എ.എ.പിയ്ക്കും അരവിന്ദ് കെജ്രിവാളിനും ഉത്തര്‍പ്രദേശില്‍ ഒന്നും ചെയ്യാനാകില്ല. ലോക്ഡൗണ്‍ കാലത്ത് ഡല്‍ഹിയില്‍ നിന്ന് ഇതര സംസ്ഥാന തൊഴിലാളികളെ അപമാനിച്ച് പറഞ്ഞയച്ചത് ഉത്തര്‍പ്രദേശിലെയും ഉത്തരാഖണ്ഡിലെയും ബീഹാറിലെയും ജനങ്ങള്‍ക്ക് മറക്കാന്‍ കഴിയില്ലെന്നും യോഗി കൂട്ടിച്ചേര്‍ത്തു.

Content Highlights: Uttar Pradesh, CM Yogi Adityanath, BJP, Congress


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
temple

1 min

ഓസ്‌ട്രേലിയയില്‍ ഹിന്ദു ക്ഷേത്രങ്ങള്‍ക്കുനേരെ ആക്രമണം; പ്രതിഷേധമറിയിച്ച് ഇന്ത്യ

Jan 26, 2023


Anil Antony

4 min

ഈ പോക്കിന്‌ കോണ്‍ഗ്രസിന് ഭാവി വിദൂരമാണ്, ഒപ്പമുള്ളവരെ കാണുമ്പോള്‍ രാഹുലിനോട് സഹതാപം- അനില്‍ ആന്റണി

Jan 25, 2023


adani

2 min

നഷ്ടം കോടികള്‍: നിയമനടപടിയെന്ന് അദാനി; ഭീഷണിയല്ലാതെ ചോദ്യങ്ങള്‍ക്കുത്തരമുണ്ടോയെന്ന് ഹിന്‍ഡെന്‍ബര്‍ഗ്

Jan 27, 2023

Most Commented