വില്ലേജ് കുക്കിങ് ചാനലിന് ഡയമണ്ട് ബട്ടണ്‍: 10 ലക്ഷം ദുരിതാശ്വാസ നിധിയിലേക്ക്


വില്ലേജ് കുക്കിങ് ചാനൽ ടീം | Photo: Screengarb | Village Cooking Channel

ചെന്നൈ: എല്ലാരും വാങ്കെ എന്ന് തനിനാടന്‍ തമിഴില്‍ ഇവര്‍ പറയുമ്പോള്‍ അത് ഏതെങ്കിലും രുചിപ്പെരുമയിലേക്കുള്ള ക്ഷണമാണെന്ന് ഇന്ന് തമിഴര്‍ക്ക് മാത്രമല്ല മലയാളികള്‍ക്കും അറിയാം. തിരഞ്ഞെടുപ്പുകാലത്ത് രാഹുല്‍ ഗാന്ധി കൂടി ഈ രുചിപ്പെരുമ തേടിയെത്തിയപ്പോള്‍ യൂട്യൂബിലെ ഈ മിന്നും താരങ്ങള്‍ രാജ്യത്തൊന്നാകെ വൈറലായി. പറഞ്ഞുവരുന്നത് തമിഴ്‌നാട്ടിലെ വില്ലേജ് കുക്കിങ്ങ് ചാനലിനെക്കുറിച്ചാണ്. മുത്തച്ഛനും പേരക്കുട്ടികളും ചേര്‍ന്ന വൈറലാക്കിയ ഈ യൂട്യൂബ് ചാനലിന് ഡയമണ്ട് ബട്ടണ്‍ ലഭിച്ചു. ഡയമണ്ട് ബട്ടണ്‍ അണ്‍ബോക്‌സിങ്ങ് യൂട്യൂബ് ചാനല്‍ വഴി ഇവര്‍ പുറത്തുവിട്ടിരുന്നു. ഒരു കോടി സസ്‌ക്രൈബേഴ്‌സ് ഉള്ള ദക്ഷിണേന്ത്യയിലെ ആദ്യ യൂട്യൂബ് ചാനലാണ് വില്ലേജ് കുക്കിങ്ങ്.

തമിഴ്‌നാട് നിയമസഭാ തിരഞ്ഞെടുപ്പിന് മുന്നോടിയായി രാഹുല്‍ ഗാന്ധി എം.പി സംഘത്തെ സന്ദര്‍ശിക്കുകയും ഇവരോടൊപ്പം പാചകം ചെയ്യുകയും ചെയ്തിരുന്നു.

തമിഴ്‌നാട്ടിലെ പുതുകോട്ട ജില്ലയിലെ ചിന്നവീരമംഗലത്തിലെ എം പെരിയസ്വമിയുടെ നേതൃത്വത്തില്‍ സഹോദരന്മാരായ വി.സുബ്രഹ്മണ്യന്‍, വി.മുരുകേശന്‍,വി.അയ്യനാര്‍,ജി.തമിഴ്‌ശെല്‍വന്‍,ടി.മുത്തുമാണിക്കം എന്നിവരാണ് വില്ലേജ് കുക്കിങ്ങിന്റെ അണിയറയിലുള്ളത്. പെരിയസ്വാമിയുടെ കൊച്ചുമക്കളാണ് ഇവര്‍.

സസ്‌ക്രൈബേഴ്‌സ് ഒരു കോടി കടന്നതിന്റെ സന്തോഷം മുഖ്യമന്ത്രിയുടെ ദുരിതാശ്വാസ നിധിയിലേക്ക് 10 ലക്ഷം കൈമാറിയാണ് ഇവര്‍ ആഘോഷിച്ചത്. മുഖ്യമന്ത്രി എം.കെ. സ്റ്റാലിന്റെ പക്കല്‍ നേരിട്ടെത്തി ഇവര്‍ തുക കൈമാറി.

യൂട്യൂബ് ചാനലിനായി പാചകം ചെയ്യുന്ന ഭക്ഷണം ഇവര്‍ അനാഥാലയങ്ങളില്‍ വിളമ്പാറാണ് പതിവ്.

Content Highlight: Village Cooking Channel receives diamond play button from YouTube


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


Virat Kohli shares picture of Rafael Nadal Crying Alongside Roger Federer

1 min

'ഏറ്റവും സുന്ദരമായ കായിക ചിത്രം'; കണ്ണീരണിയുന്ന ഫെഡററുടെയും റാഫയുടെയും ചിത്രം പങ്കുവെച്ച് കോലി

Sep 24, 2022


v muraleedharan

1 min

കേരളം കത്തുമ്പോള്‍ പിണറായി ചെണ്ടകൊട്ടി രസിച്ചു, ഒരുമഹാന്‍ കണ്ടെയ്‌നറില്‍ കിടന്നുറങ്ങി- വി മുരളീധരന്‍

Sep 24, 2022

Most Commented