ഇന്ത്യയിലെ സംഭവവികാസങ്ങളില്‍ യുഎസ് മൗനംപാലിക്കുന്നു- രാഹുല്‍ ഗാന്ധി


രാഹുൽ ഗാന്ധി | Photo : PTI

ന്യൂഡല്‍ഹി: ഇന്ത്യയിലെ സംഭവവികാസങ്ങളെ കുറിച്ച് അമേരിക്ക മൗനംപാലിക്കുകയാണെന്ന് കോണ്‍ഗ്രസ് നേതാവ് രാഹുല്‍ ഗാന്ധി. മുന്‍ യുഎസ് അംബാസഡര്‍ നിക്കോളാസ് ബേണ്‍സുമായി നടത്തിയ ഓണ്‍ലൈന്‍ സംവാദത്തിലായിരുന്നു രാഹുലിന്റെ അഭിപ്രായപ്രകടനം. യുഎസിന്റെ ഭരണഘടനയില്‍ സ്വാംശീകരിച്ചിരിക്കുന്ന സ്വാതന്ത്ര്യം മുന്‍നിര്‍ത്തി അമേരിക്കന്‍ ജനാധിപത്യത്തെ ഗഹനമായ ആശയമായാണ് താന്‍ കരുതുന്നതെന്നും രാഹുല്‍ കൂട്ടിച്ചേര്‍ത്തു.

ലോകത്തിലെ വിവിധ ജനാധിപത്യവ്യവസ്ഥകളുടെ വീക്ഷണത്തെ കുറിച്ചുള്ള ചര്‍ച്ച കടന്നു വന്നപ്പോഴായിരുന്നു രാഹുലിന്റെ യുഎസിനെതിരെയുള്ള പരാമര്‍ശം. ചൈനയുടേയും റഷ്യയുടേയും പരുക്കന്‍ കാഴ്ചപ്പാടിനെതിരെ ജനാധിപത്യവ്യവസ്ഥ മുന്നോട്ടുവെക്കുന്ന ആശയങ്ങളെ കുറിച്ച് സംസാരിക്കുകയായിരുന്ന ബേണിനെ പ്രതിരോധിച്ചു കൊണ്ടാണ് യുഎസ് മൗനം പാലിക്കുകയാണെന്ന് രാഹുല്‍ കുറ്റപ്പെടുത്തിയത്.

ആരോഗ്യപരമായ രാഷ്ട്രീയ പോരാട്ടമാണ് പ്രതിപക്ഷം എന്നതുകൊണ്ട് ഉദ്ദേശിക്കുന്നത്. എന്നാല്‍ ഇന്ത്യയുടെ ഭരണഘടനാസംവിധാനം ഭരണകക്ഷിയായ ബിജെപി മൊത്തമായി കൈപ്പിടിയിലൊതുക്കിയിരിക്കുന്ന അവസ്ഥയില്‍ പ്രതിപക്ഷ ഇടപെടല്‍ ഇന്ത്യയില്‍ അസാധ്യമായി തീര്‍ന്നിരിക്കുകയാണ്. ആരോഗ്യപരമായ തിരഞ്ഞെടുപ്പിന് സംരക്ഷണം ഉറപ്പു നല്‍കുന്ന നിയമവ്യവസ്ഥ ആവശ്യമാണ്, സ്വതന്ത്രമായി പ്രവര്‍ത്തിക്കുന്ന മാധ്യമമേഖല ഉണ്ടായിരിക്കണം, സമ്പദ്ഘടന ഭദ്രമായിരിക്കണം, എന്നാല്‍ അതൊന്നും ഇന്ത്യയില്‍ ഇപ്പോള്‍ ഇല്ല, രാഹുല്‍ പറഞ്ഞു.

ബിജെപിയുടെ പെരുമാറ്റരീതി ഭൂരിഭാഗം ജനങ്ങളേയും ചുരുങ്ങിയ സമയംകൊണ്ട് അതൃപ്തരാക്കിയിരിക്കുകയാണ്. കഴിയുന്നത്ര വേഗത്തില്‍ അവരെ ഏകീകരിക്കേണ്ടത് ആവശ്യമാണ്, രാഹുല്‍ കൂട്ടിച്ചേര്‍ത്തു. വികസനോന്മുഖമായ നയങ്ങളില്‍ മാത്രം ഊന്നല്‍ നല്‍കാതെ കൂടുതല്‍ തൊഴിലവസരങ്ങള്‍ സൃഷ്ടിക്കുന്നതിലാവും താന്‍ കൂടുതല്‍ പ്രാധാന്യം നല്‍കുന്നതെന്നും ഇന്ത്യന്‍ പ്രധാനമന്ത്രിയാവുന്നതിനെ കുറിച്ചുള്ള ബേണിന്റെ ചോദ്യത്തിന് രാഹുല്‍ മറുപടി നല്‍കി.

Content Highlights: US Silent About What Is Happening In India Says Rahul Gandhi

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


Dileep, sharath

1 min

ദിലീപിന്റെ സുഹൃത്ത് ശരതിനെ അറസ്റ്റ് ചെയ്ത് ജാമ്യത്തിൽ വിട്ടു; നടിയെ ആക്രമിച്ച കേസിലെ 'വിഐപി'

May 16, 2022


sabu jacob and pv sreenijan

1 min

കുന്നംകുളത്തിന്റെ മാപ്പുണ്ടോ, ഒരാള്‍ക്ക് കൊടുക്കാനാണ്- സാബുവിനെ പരിഹസിച്ച് ശ്രീനിജിന്‍

May 16, 2022

More from this section




Most Commented