157 കരകൗശല-പുരാവസ്തുക്കള്‍ ഇന്ത്യക്ക് മടക്കിനല്‍കി യു.എസ്; അഭിനന്ദിച്ച് മോദി


അമേരിക്ക ഇന്ത്യക്ക് കൈമാറിയ കരകൗശല-പുരാവസ്തുക്കൾ പ്രധാനമന്ത്രി നരേന്ദ്ര മോദി നോക്കുന്നു| Photo: PTI

ന്യൂഡല്‍ഹി: ത്രിദിന യു.എസ്. സന്ദര്‍ശനത്തിനെത്തിയ പ്രധാനമന്ത്രി നരേന്ദ്ര മോദിക്ക് ഇന്ത്യയുടെ 157 കരകൗശല വസ്തുക്കളും പുരാവസ്തുക്കളും മടക്കിനല്‍കി അമേരിക്കന്‍ സര്‍ക്കാര്‍. കരകൗശല-പുരാവസ്തുക്കള്‍ ഇന്ത്യക്ക് മടക്കി നല്‍കിയ യു.എസ്. സര്‍ക്കാരിനെ മോദി അഭിനന്ദിച്ചു.

സാംസ്‌കാരിക വസ്തുക്കളുടെ മോഷണം-അനധികൃത വില്‍പന- കടത്തല്‍ എന്നിവ തടയാനുള്ള നീക്കം ശക്തിപ്പെടുത്താന്‍ ഇന്ത്യയും അമേരിക്കയും തീരുമാനിച്ചിരുന്നു. ഇതിന്റെ ഭാഗമായാണ് വിവിധ പുരാതന-കരകൗശല വസ്തുക്കള്‍ അമേരിക്ക ഇന്ത്യക്ക് കൈമാറിയത്.

image 2

തിരികെ ലഭിച്ചതില്‍ അധികവും 11-14 നൂറ്റാണ്ടിലെ വസ്തുക്കളാണ്. ഹിന്ദു-ബുദ്ധ-ജൈന മതവുമായി ബന്ധമുള്ള ചെറുപ്രതിമകളും ഇവയില്‍ ഉള്‍പ്പെടുന്നുണ്ട്. ഹിന്ദുമതവുമായി ബന്ധപ്പെട്ട 60 ചെറുപ്രതിമകളും ബുദ്ധമതവും ജൈനമതവുമായി ബന്ധപ്പെട്ട 16-ഉം 9-ഉം ചെറുപ്രതിമകളും തിരികെ ലഭിച്ചിട്ടുണ്ട്. പുരാവസ്തുക്കളും കരകൗശല വസ്തുക്കളും ലോഹം, കല്ല്, ചുട്ട കളിമണ്ണ് തുടങ്ങിയവയില്‍ നിര്‍മിച്ചിട്ടുള്ളവയാണ്. ലക്ഷ്മി നാരായണ, ബുദ്ധ, വിഷ്ണു, ശിവപാര്‍വതി, തീര്‍ഥങ്കരന്മാര്‍ എന്നിവരുടെ വെങ്കലരൂപങ്ങളും ഉള്‍പ്പെടുന്നതായി ഔദ്യോഗിക വാര്‍ത്താക്കുറിപ്പില്‍ പറയുന്നു. റെഡ് സാന്‍ഡ് സ്റ്റോണില്‍ നിര്‍മിച്ച ഇരിക്കുന്ന ശൈലിയിലുള്ള ബുദ്ധ പ്രതിമയും തിരികെ ലഭിച്ചിട്ടുണ്ട്.

image

ഇന്ത്യയുടെ കരകൗശല-പുരാവസ്തുക്കള്‍ മറ്റു രാജ്യങ്ങളില്‍നിന്ന് മടക്കിക്കൊണ്ടുവരാനുള്ള ശ്രമങ്ങള്‍ നരേന്ദ്ര മോദി സര്‍ക്കാര്‍ ഊര്‍ജിതമായി നടപ്പാക്കിയിരുന്നു. 2014-നും 2021-നും ഇടയില്‍ ഇരുന്നൂറിലധികം പുരാവസ്തുക്കള്‍ ഇന്ത്യയിലേക്ക് മടക്കിക്കൊണ്ടുവരികയോ അതിന്റെ നടപടികള്‍ പുരോഗമിക്കുകയോ ചെയ്യുന്നുണ്ട്. യു.എസ്., ഓസ്‌ട്രേലിയ, സിംഗപ്പുര്‍, ജര്‍മനി, കാനഡ, ഇംഗ്ലണ്ട് തുടങ്ങിയ രാജ്യങ്ങളിലേക്ക് കടത്തിയ 119-ഓളം പുരാവസ്തുക്കള്‍ മടക്കിക്കൊണ്ടുവരുന്നതിന്റെ വിവിധ ഘട്ടങ്ങളിലാണ്.

content highlights: us returns 157 artefacts and antiquities to india

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented