വികാസ് ദുബെയുടെ ചാരന്മാര്‍ ആരൊക്കെ?  കൊല്ലപ്പെട്ട പോലീസുദ്യോഗസ്ഥന്റെ കത്ത് സമൂഹ മാധ്യമങ്ങളില്‍ 


-

കാൺപുർ: കൊടും കുറ്റവാളി വികാസ് ദുബെ കൊലപ്പെടുത്തിയ യു.പി പൊലീസ് ഉദ്യോഗസ്ഥൻ ദേവേന്ദ്രകുമാർ മിശ്രയ്ക്ക് പോലീസിനുള്ളിലെ ചാരന്മാരേപ്പറ്റി വ്യക്തമായ വിവരങ്ങൾ ലഭിച്ചിരുന്നുവെന്ന് റിപ്പോർട്ടുകൾ. ഡി.എസ്.പി ആയിരുന്ന ദേവേന്ദ്ര കുമാർ മിശ്ര എഴുതിയതെന്ന് കരുതുന്ന ഒരു കത്തിനേപ്പറ്റിയാണ് യു.പി പോലീസ് ഇപ്പോൾ അന്വേഷണം നടത്തുന്നത്.

ഈ കത്ത് ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. ദേവേന്ദ്ര കുമാർ മിശ്രയെ വികാസ് ദുബെയുടെ ആളുകൾ കൊലപ്പെടുത്തിയതിന് മൂന്നുമാസം മുമ്പാണ് ഈ കത്ത് എഴുതപ്പെട്ടത്. അതേസമയം പോലീസ് റെക്കോർഡുകളിലൊന്നും ഇതിനേപ്പറ്റി വിവരങ്ങൾ ഇല്ല.

കത്തിൽ പറയുന്ന ചൗബെയ്പുർ പോലീസ് സ്റ്റേഷൻ ഓഫീസർ വിനയ് തിവാരി നിലവിൽ സസ്പെൻഷനിലാണ്. ഇയാൾ പോലീസിന്റെ നടപികളെപ്പറ്റി വികാസ് ദുബെയ്ക്ക് ചോർത്തി നൽകിയിരുന്നുവെന്നും ഇയാൾക്കെതിരെ നടപടി എടുക്കണമെന്നും കത്തിൽ പറയുന്നുണ്ട്.

സോഷ്യൽ മീഡിയയിൽ കത്ത് വ്യാപകമായി പ്രചരിക്കുമ്പോഴും കാൺപുരിലെ ഡിഎസ്പി ഓഫീസിലെ രേഖകളിലൊന്നും അത്തരമൊരു കത്ത് അയച്ചതായോ സ്വീകരിച്ചതായോ രേഖകളില്ല. എങ്കിലും അതേപ്പറ്റി അന്വേഷണം നടക്കുന്നുണ്ടെന്നാണ് പോലീസ് ഉദ്യോഗസ്ഥർ പറയുന്നത്.

കൊലപാതകം, തട്ടിക്കൊണ്ടുപോകൽ, കവർച്ച, കലാപമുണ്ടാക്കൽ തുടങ്ങി നിരവധി കേസുകളിൽ ഉൾപ്പെട്ട ഗുണ്ടാത്തലവനായ വികാസ് ദുബെയെ അറസ്റ്റ് ചെയ്യാനായി മൂന്ന് പോലീസ് സ്റ്റേഷനിൽ നിന്നായി 50 പോലിസുകാരടങ്ങുന്ന സംഘവുമായാണ് ദേവേന്ദ്രകുമാർ മിശ്ര ഇയാളുടെ സങ്കേതത്തിലേക്ക് തിരിച്ചത്. എന്നാൽ വഴിമധ്യേ വാഹനങ്ങൾ ഇട്ട് പോലീസ് സംഘത്തിന്റെ വഴിതടഞ്ഞ വികാസ് ദുബെയും കൂട്ടാളികളും വളഞ്ഞിട്ട് ആക്രമിക്കുകയുമായിരുന്നു.

വിവരം ചോർത്തിക്കൊടുത്തുവെന്ന സംശയിക്കുന്ന നാലുപോലീസുകാരാണ് നിലവിൽ അന്വേഷണ വിധേയമായി സസ്പെൻഡ് ചെയ്യപ്പെട്ടിരിക്കുന്നത്.

സംഭവത്തിൽ ദേവേന്ദ്രകുമാർ മിശ്ര ഉൾപ്പെടെ എട്ട് പോലീസ് ഉദ്യോഗസ്ഥരാണ് കൊല്ലപ്പെട്ടത്. രാജ്യം മുഴുവൻ ഞെട്ടിയ ഈ സംഭവം നടന്നിട്ട് നാല് ദിവസം പിന്നിട്ടിട്ടും വികാസ് ദുബെയെ പിടികൂടാൻ പോലീസിന് സാധിച്ചിട്ടില്ല. ഇയാളേപ്പറ്റി വിവരം നൽകുന്നവർക്ക് 2.5 ലക്ഷം രൂപയാണ് പോലീസ് പാരിതോഷികം പ്രഖ്യാപിച്ചിരിക്കുന്നത്.

Content Highlights:UP Police Officer Killed By Gangster Vikas Dubey Had Named Cops In Letter


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented