ലഖ്‌നൗ: ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന്റെ വസതിക്ക് മുന്നിലെത്തി സര്‍ക്കാരിനെതിരെ പ്രതിഷേധിക്കാന്‍ ആഹ്വാനം നല്‍കിയതിന് പിന്നാലെ പ്രശസ്ത ഉറുദു കവി മുനവര്‍ റാണയുടെ രണ്ട് പെണ്‍മക്കളെയും വീട്ടുതടങ്കലിലാക്കി. ഐഎഎന്‍എസ് വാര്‍ത്താ ഏജന്‍സിയാണ് ഇക്കാര്യം റിപ്പോര്‍ട്ടു ചെയ്തത്. റാണയുടെ മക്കളായ സുമയ്യ, ഉസ്മ പര്‍വീന്‍ എന്നിവരെയാണ് വീട്ടുതടങ്കലിലാക്കിയത്.
ഉത്തര്‍പ്രദേശ് സര്‍ക്കാരിനെതിരെ പ്രതിഷേധിക്കാന്‍ ജനങ്ങള്‍ മുഖ്യമന്ത്രി യോഗി ആദിത്യനാഥിന്റെ വസതിക്ക് മുന്നിലെത്തണമെന്നും പാത്രങ്ങള്‍ കൊട്ടി ശബ്ദമുണ്ടാക്കണമെന്നും ഇവര്‍ ആഹ്വാനം ചെയ്തിരുന്നു. ഇതിനു പിന്നാലെയാണ് ഇരുവരെയും വീട്ടുതടങ്കലിലാക്കിയത്.
ഇവര്‍ താമസിക്കുന്ന കെയ്‌സര്‍ബാഗിലെ സില്‍വര്‍ ഹൈറ്റ്‌സ് അപ്പാര്‍ട്ടുമെന്റിന് മുന്നില്‍ നിരവധി പോലീസ് ഉദ്യോഗസ്ഥരെ വിന്യസിച്ചിട്ടുണ്ടെന്ന് വാര്‍ത്താ ഏജന്‍സിയുടെ റിപ്പോര്‍ട്ടില്‍ പറയുന്നു. ലഖ്‌നൗവില്‍ 144 പ്രഖ്യാപിച്ചിട്ടുണ്ടെന്നും ജനക്കൂട്ടം അനുവദിക്കില്ലെന്നും പോലീസ് പറഞ്ഞു.
പൗരത്വ നിയമ ഭേദഗതിക്കെതിരെ ലഖ്‌നൗവിലെ ക്ലോക്ക് ടവറിന് സമീപം നടന്ന പ്രക്ഷോഭത്തില്‍ സജീവമായി പങ്കെടുത്തതിന് പിന്നാലെ ഉറുദു കവി മുനവര്‍ റാണയുടെ മക്കള്‍ വാര്‍ത്തയില്‍ ഇടംനേടിയിരുന്നു. നിരോധനാജ്ഞ ലംഘിച്ചതിനും സമാധാന അന്തരീക്ഷം തകര്‍ക്കാന്‍ ശ്രമിച്ചതിനും സാമൂഹ്യ മാധ്യമങ്ങളിലൂടെ അപകീര്‍ത്തികരമായ പരാമര്‍ശങ്ങള്‍ നടത്തിയതിനുമടക്കം അവര്‍ക്കെതിരെ പോലീസ് കേസെടുത്തിരുന്നു. തന്റെ പെണ്‍മക്കളെ പോലീസ് അറസ്റ്റു ചെയ്തതില്‍ പ്രതിഷേധിച്ച് കവി മുനവര്‍ റാണതന്നെ രംഗത്തെത്തുകയും ചെയ്തു.
Content Highlights: UP: Poet Rana's daughters put under house arrest
Also Watch
RELATED STORIES
.jpg?$p=c521eaf&f=1x1&w=100&q=0.8)
IN CASE YOU MISSED IT
.jpg?$p=db53f43&f=1x1&w=100&q=0.8)
.jpg?$p=a5a8bed&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..