വാക്‌സിനെടുക്കാന്‍ മടി; മരത്തില്‍ കയറിയും ആരോഗ്യപ്രവര്‍ത്തകരെ തള്ളിമാറ്റിയും ചിലര്‍|video


മരത്തിൽ കയറി രക്ഷപ്പെടാനുള്ള ഗ്രാമവാസിയുടെ ശ്രമം. photo: ANI

ലഖ്‌നൗ: ഉത്തര്‍പ്രദേശിലെ ബല്ലിയ ജില്ലയില്‍ കോവിഡ് വാക്‌സിന്‍ കുത്തിവെപ്പെടുക്കാന്‍ ആളുകള്‍ വിമുഖതകാട്ടുന്ന വീഡിയോ പുറത്ത്. വാക്‌സിനേഷന്‍ ബോധവത്കരണത്തിന്റെ ഭാഗമായി ഒരുസംഘം ആരോഗ്യപ്രവര്‍ത്തകര്‍ ജില്ലയിലെ ഒരുഗ്രാമത്തിലെത്തിയപ്പോഴാണ് ചിലര്‍ വാക്‌സിനെടുക്കാന്‍ മടിച്ചത്. വാക്‌സിനേഷനില്‍ നിന്ന് രക്ഷപ്പെടാന്‍ ചില ഗ്രാമവാസികള്‍ ശ്രമിക്കുന്ന വീഡിയോയും സാമൂഹിക മാധ്യമങ്ങളില്‍ വ്യാപകമായി പ്രചരിക്കുന്നുണ്ട്.

ഉത്തര്‍പ്രദേശിലെ ആകെ വാക്‌സിനേഷന്‍ കണക്കെടുത്താല്‍ ഏറ്റവും പിന്നിലുള്ള ജില്ലകളിലൊന്നാണ് ബല്ലിയ. നിയമസഭാ തിരഞ്ഞെടുപ്പിന് മുന്നോടിയായി കൂടുതല്‍ പേര്‍ക്ക് കുത്തിവെപ്പ് നല്‍കാന്‍ ചൊവ്വാഴ്ചയാണ് ഗ്രാമത്തില്‍ പ്രത്യേക വാക്‌സിനേഷന്‍ യജ്ഞം സംഘടിപ്പിച്ചത്. ഇതിനിടെ വാക്‌സിനേഷനില്‍ നിന്ന് രക്ഷപ്പെടാന്‍ ഒരാള്‍ മരത്തില്‍ ഓടിക്കയറി. മറ്റൊരാള്‍ ആരോഗ്യപ്രവര്‍ത്തകരെ തട്ടിമാറ്റിയും ആക്രമിച്ചും രക്ഷപ്പെടാന്‍ ശ്രമിച്ചു. ഇരുവരേയും ആരോഗ്യപ്രവര്‍ത്തകര്‍ പരാമാവധി അനുനയിപ്പിക്കാന്‍ ശ്രമിക്കുന്ന ദൃശ്യങ്ങളും വീഡിയോയിലുണ്ട്.

കുത്തിവെപ്പെടുക്കാന്‍ പേടിയാണെന്നും വാക്‌സിന്‍ സ്വീകരിക്കില്ലെന്നുമാണ് മരത്തില്‍ കയറി രക്ഷപ്പെടാന്‍ ശ്രമിച്ച ഗ്രാമവാസി താഴെനിന്ന ആരോഗ്യപ്രവര്‍ത്തകരോട് വിളിച്ചുപറഞ്ഞത്. പിന്നീട് വാക്‌സിനെടുമെന്നും ഇപ്പോള്‍ വേണ്ടെന്നും പറഞ്ഞാണ് മറ്റൊരാള്‍ ആരോഗ്യപ്രവര്‍ത്തകരെ തട്ടിമാറ്റി രക്ഷപ്പെടാന്‍ ശ്രമിച്ചത്. അല്‍പസമയത്തിന് ശേഷം കാര്യങ്ങള്‍ പറഞ്ഞു ബോധ്യപ്പെടുത്തി ഇരുവര്‍ക്കും വാക്‌സിന്‍ നല്‍കിയതായും ഗ്രാമത്തിലെത്തിയ ആരോഗ്യപ്രവര്‍ത്തകര്‍ പറഞ്ഞു.

കോവിഡ് വ്യാപനം തടയാനായി കൂടുതല്‍ ആളുകള്‍ക്ക് കുത്തിവയ്‌പ്പെടുക്കാന്‍ ശ്രമിക്കുമ്പോള്‍ ആരോഗ്യ പ്രവര്‍ത്തകര്‍ നേരിടുന്ന വെല്ലുവിളികള്‍ തുറന്നുകാണിക്കുന്ന വീഡിയോയാണ് യു.പിയില്‍ നിന്ന് പുറത്തുവന്നത്. സംസ്ഥാനത്ത് ഇതുവരെ 95 ശതമാനം പേര്‍ക്ക് ആദ്യ ഡോസ് വാക്‌സിനേഷനും 62 ശതമാനം പേര്‍ക്ക് രണ്ടാം ഡോസും പൂര്‍ത്തിയാക്കിയിട്ടുണ്ടെന്നാണ് കണക്കുകള്‍ പറയുന്നത്.

content highlgihts: UP Man Wrestles Official, Another Climbs Tree To Dodge Covid Shot

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
modi

1 min

ചൈനയെ നേരിടാന്‍ ബ്രഹ്മപുത്രയ്ക്ക്‌ അടിയിലൂടെ തുരങ്കം; റോഡ്, റെയില്‍ പാത: രാജ്യത്ത് ഇതാദ്യം

May 19, 2022


D Imman

1 min

കുറച്ചുവർഷങ്ങളായി അനുഭവിച്ച വെല്ലുവിളികൾക്കുള്ള പരിഹാരം; പുനർവിവാഹത്തേക്കുറിച്ച് ഡി.ഇമ്മൻ

May 18, 2022


arya rajendran

2 min

'കാലില്‍ നീര്, എത്ര വേദന മുഖ്യമന്ത്രി സഹിക്കുന്നുണ്ടാകും'; സുധാകരന് ആര്യാ രാജേന്ദ്രന്റെ മറുപടി

May 18, 2022

More from this section




Most Commented