പാർലമെന്റിലേക്ക് എം.പിമാർ സൈക്കിളിൽ പോകുന്നു | ചിത്രം: സാബു സ്കറിയ
ന്യൂ ഡൽഹി: പെട്രോൾ വില വർധനവിനെതിരെ പ്രതിഷേധവുമായി തൃണമൂൽ കോൺഗ്രസ് എം.പിമാർ. രാജ്യത്ത് കുതിച്ചുയരുന്ന ഇന്ധനവില വർധനവിലും മറ്റു അവശ്യവസ്തുക്കളുടെ വില വർധനവിലും പ്രതിഷേധിച്ച് തൃണമൂൽ കോൺഗ്രസ് എം.പിമാർ സൈക്കിളിലാണ് പാർലമെന്റിലെത്തിയത്. ലോക്സഭയിലും രാജ്യസഭയിലും എം.പിമാർ പ്രതിഷേധിക്കുമെന്ന് തൃണമൂൽ കോൺഗ്സ് പാർട്ടിവൃത്തങ്ങൾ അറിയിച്ചു. വിജയ് ചൗക്കിൽ പാർട്ടി ധർണയും സംഘടിപ്പിക്കുന്നുണ്ട്.
പർലമെനറ് വർഷകാല സമ്മേളനാരംഭത്തിൽ തന്നെ ലോക്സഭയിലും രാജ്യസഭയിലും നിരവധി വിഷയങ്ങൾ ചർച്ച ചെയ്യാൻ വേണ്ടി തൃണമൂൽ കോൺഗ്രസ് നോട്ടീസ് നൽകിയിട്ടുണ്ട്. ഇന്ധനവില വർധന, പാചകവാതകം മറ്റു അവശ്യ വസ്തുക്കളുടെ വില വർധന, സാമ്പത്തിക വളർച്ചയിലെ ഇടിവ്, കാർഷിക നിയമങ്ങൾ റദ്ദാക്കണമെന്നാവശ്യം തുടങ്ങിയ കാര്യങ്ങൾ ചർച്ച ചെയ്യാൻ വേണ്ടി ഇരുസഭകളിലും തൃണമൂൽ കോൺഗ്രസ് എം.പിമാർ നോട്ടീസ് നൽകിയിട്ടുണ്ട്.
അതേസമയം ജനങ്ങളുമായി ബന്ധപ്പെട്ട ഏത് വിഷയങ്ങളും സൗഹാർദപരമായ രീതിയിൽ ചർച്ചയാവാമെന്നാണ് പാർലമെന്റ് സമ്മേളനത്തിന് മുന്നോടിയായി പ്രധാനമന്ത്രി പറഞ്ഞത്. ഇത്തരം ചർച്ചകളോട് പ്രതികരിക്കാൻ ഭരണകൂടത്തിന് അവസരം നൽകേണ്ടതുണ്ടെന്നും അദ്ദേഹം പറഞ്ഞിരുന്നു.
Content highlights:: Trinamool Congress MPs cycle to Parliament to protest fuel price hike
.jpg?$p=8a7b7b1&f=1x1&w=100&q=0.8)
.jpg?$p=f71056e&f=1x1&w=100&q=0.8)
.jpg?$p=1b3b0fb&q=0.8&f=16x11&w=104)
.jpg?$p=5526dd6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..