അട്ടാരി അതിര്‍ത്തിയില്‍ ദേശീയ പതാക പുതുതായി സ്ഥാപിക്കും; പാക് പതാകയെക്കാള്‍ ഉയരത്തില്‍


പ്രതീകാത്മക ചിത്രം - പി.ടി.ഐ

ന്യൂഡല്‍ഹി: രാജ്യത്തെ ഏറ്റവും ഉയരം കൂടിയ ദേശീയ പതാക സ്ഥാപിക്കാനൊരുങ്ങി നാഷണല്‍ ഹൈവേ അതോറിറ്റി ഓഫ് ഇന്ത്യ (എന്‍.എച്ച്.എ.ഐ). 418 അടി ഉയരമുള്ള പതാക അട്ടാരി അതിര്‍ത്തയിലാണ് സ്ഥാപിക്കുന്നത്. പാകിസ്താന്‍ അട്ടാരിയില്‍ ഉയര്‍ത്തിയിരിക്കുന്ന പതാകയെക്കാള്‍ ഉയരത്തിലാവും ഇതോടെ ഇന്ത്യന്‍ ദേശീയ പതാക.

300 അടി ഉയരമുള്ള നിലവിലുള്ള പതാക 2017 മാര്‍ച്ചിലായിരുന്നു സ്ഥാപിച്ചത്. അതിനു പകരമെന്നോണം 400 അടി ഉയരത്തില്‍ വാഗാ ചെക്ക് പോസ്റ്റിനു സമീപം പാകിസ്താനും പതാക സ്ഥാപിച്ചു. എന്നാല്‍ എന്‍.എച്ച്.എ.ഐ പുതുതായി സ്ഥാപിക്കുന്ന ദേശീയ പതാകയ്ക്ക് പാകിസ്താന്‍ പതാകയെക്കാള്‍ 18 അടിയോളം ഉയരമുണ്ടാവും.

കേന്ദ്ര സര്‍ക്കാരിന്റെയും സംസ്ഥാന സര്‍ക്കാരിന്റെയും അനുമതി ലഭിച്ചശേഷം പദ്ധതിയാരംഭിക്കും. 20 ദിവസത്തിനുള്ളില്‍ നിര്‍മ്മാണം തുടങ്ങും. നിലവിലുള്ള പതാക എടുത്തു മാറ്റാന്‍ തീരുമാനിച്ചില്ലെന്നും പുതിയ പതാകയുടെ നിര്‍മ്മാണം പൂര്‍ത്തിയായശേഷം തീരുമാനമെടുക്കുമെന്നും നാഷണല്‍ ഹൈവേ അതോറിറ്റി അധികൃതര്‍ അറിയിച്ചു. അട്ടാരി അതിര്‍ത്തിയും സമീപ പ്രദേശങ്ങളും സൗന്ദര്യവത്ക്കരിക്കാനും നാഷണല്‍ ഹൈവേ അതോറിറ്റി പദ്ധതിയിടുന്നുണ്ട്. കാണാടകയിലെ ബെല്‍ഗാം കോട്ടയിലാണ് നിലവില്‍ രാജ്യത്തെ ഏറ്റവും ഉയരം കൂടിയ പതാകയുള്ളത്. 361 അടിയാണ് ഉയരം.

Content Highlights: Tricolour India attari border Pakistan


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Gujarat

1 min

ഏഴാം തവണയും ഗുജറാത്ത്‌ പിടിച്ച് ബിജെപി: 152 സീറ്റില്‍ വ്യക്തമായ ലീഡ്‌

Dec 8, 2022


ജിനേഷ്‌

2 min

പീഡനക്കേസില്‍ പിടിയിലായ DYFI നേതാവിന്റെ ഫോണില്‍ 30 ഓളം സ്ത്രീകളുമായുള്ള വീഡിയോകള്‍,ലഹരിക്കൈമാറ്റം

Dec 7, 2022


10:28

EXPLAINED | വിഴിഞ്ഞം സമരം ഒത്തുതീർപ്പിനു പിന്നിലെന്ത്? വാഗ്ദാനങ്ങൾ എന്തൊക്കെ?

Dec 7, 2022

Most Commented