Photo: ANI
ന്യൂഡൽഹി: പ്രധാനമന്ത്രി നരേന്ദ്ര മോദിക്കെതിരെ വിവാദ പരാമർശവുമായി മുൻ ക്രിക്കറ്റ് താരവും തൃണമൂൽ കോൺഗ്രസ് നേതാവുമായ കീർത്തി ആസാദ്. മോദിയുടെ വേഷത്തെ പരിഹസിച്ചുകൊണ്ടുള്ള ട്വീറ്റ് വിവാദമായതോടെ കീർത്തി ആസാദ് തന്‍റെ ട്വീറ്റ് നീക്കംചെയ്തു.
മേഘാലയയില്‍ ഒരു പൊതുപരിപാടിയിൽ മോദി പരമ്പരാഗത വേഷത്തിൽ പ്രത്യക്ഷപ്പെട്ടിരുന്നു. ഇതിനെതിരേയായിരുന്നു ആസാദിന്റെ പമാർശം. 'ആണുമല്ല പെണ്ണുമല്ല, അദ്ദേഹമൊരു ഫാഷന്‍ പൂജാരി മാത്രം' -എന്നായിരുന്നു പ്രധാനമന്ത്രിയുടെ ചിത്രം പങ്കുവെച്ചുകൊണ്ടുള്ള കീർത്തി ആസാദിന്റെ ട്വീറ്റ്. പരാമർശം വലിയ ചർച്ചാവിഷയമായതോടെ ട്വീറ്റ് അദ്ദേഹം ഡിലീറ്റ് ചെയ്തിരുന്നു. എന്നാൽ ഇതിനെതിരെ നിരവധി പേരാണ് സമൂഹമാധ്യമങ്ങളില്‍ വിമർശനവുമായി രംഗത്തെത്തിയിരിക്കുന്നത്.
പ്രധാനമന്ത്രിയെ പരിഹസിക്കുക മാത്രമല്ല ആസാദ് ചെയ്തിരിക്കുന്നത്, മേഘാലയയുടെ സംസ്കാരത്തോടുള്ള അനാദരവും ഗോത്ര വസ്ത്രധാരണരീതിയോടുള്ള അവഹേളനവുമാണ് അദ്ദേഹത്തിന്‍റെ പ്രവൃത്തിയെന്ന് അസം മുഖ്യമന്ത്രി ഹിമന്ത ബിശ്വ ശർമ്മ പറഞ്ഞു. അദ്ദേഹത്തിന്‍റെ കാഴ്ചപ്പാടുകളെ അംഗീകരിക്കുന്നുണ്ടോ എന്ന കാര്യത്തില്‍ തൃണമൂൽ കോൺഗ്രസ് വ്യക്തത വരുത്തേണ്ടതുണ്ടെന്നും അദ്ദേഹം ട്വീറ്റ് ചെയ്തു.
എന്നാൽ, പ്രധാനമന്ത്രി നരേന്ദ്ര മോദിയുടെ വസ്ത്രധാരണം ഇഷ്ടപ്പെടുന്ന ഒരാളാണ് താനെന്നും അപമാനിക്കുകയല്ല ചെയ്തതെന്നുമുള്ള വിശദീകരണവുമായി പിന്നീട് ആസാദ് രംഗത്തെത്തി.
എന്നാല്‍, ആസാദിനെതിരെ നടപടി വേണമെന്നാവശ്യപ്പെട്ട് ബിജെപി പട്ടികവർഗ മോർച്ച രംഗത്തെത്തി. അസാദിന്റെ പ്രസ്താവന എല്ലാ അർഥത്തിലും അപകീർത്തിപരമാണെന്നും ആരോപിച്ചു.
Content Highlights: TMC's Kirti Azad Deletes Tweet Mocking PM Modi's Tribal Attire
Also Watch
RELATED STORIES
.jpg?$p=edb1771&f=1x1&w=100&q=0.8)
.jpg?$p=a80322e&f=1x1&w=100&q=0.8)
IN CASE YOU MISSED IT
.jpg?$p=5ab4c51&f=1x1&w=100&q=0.8)
.jpg?$p=afe3202&f=1x1&w=100&q=0.8)
.jpg?$p=b70fc45&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..