ഛത്തീസ്ഗഢിലെ ഏറ്റുമുട്ടല്‍: ജവാനെ മോചിപ്പിക്കാന്‍ മധ്യസ്ഥനെ നിയോഗിക്കാന്‍ സര്‍ക്കാര്‍ തീരുമാനം


റായ്പുര്‍: ഛത്തീസ്ഗഢിലെ ബസ്തര്‍ മേഖലയില്‍ ശനിയാഴ്ച ഉണ്ടായ ഏറ്റുമുട്ടലിനിടെ മാവോവാദികളുടെ പിടിയിലായ കോബ്രാ കമാന്‍ഡോ രാകേശ്വര്‍ സിങ് മന്‍ഹാസിനെ മോചിപ്പിക്കാനുളള നടപടികള്‍ സ്വീകരിച്ച് ഛത്തീസ്ഗഢ് സര്‍ക്കാര്‍. ജവാനെ മോചിപ്പിക്കുന്നതിനായി ഒരു മധ്യസ്ഥനെ നിയോഗിക്കാന്‍ സര്‍ക്കാര്‍ തീരുമാനിച്ചു. എന്നാല്‍ ആരാണിതെന്ന കാര്യം സര്‍ക്കാര്‍ വ്യക്തമാക്കിയിട്ടില്ല.

മന്‍ഹാസിന്റെ മോചനത്തിന് മധ്യസ്ഥനെ നിയമിക്കാന്‍ ആവശ്യപ്പെട്ട് ചൊവ്വാഴ്ച മാവോവാദികളുടെ ദണ്ഡകാരണ്യ സ്‌പെഷ്യല്‍ സോണല്‍ കമ്മിറ്റി വക്താവ് വികല്പിന്റെ പേരില്‍ ഹിന്ദിയില്‍ പ്രസ്താവനയിറക്കിയിരുന്നു. അതിനിടെ ജവാന്റെ ചിത്രം സാമൂഹിക മാധ്യമങ്ങളില്‍ പ്രചരിച്ചിരുന്നു. മാവോവാദികള്‍ പുറത്തുവിട്ടതെന്ന് സംശയിക്കുന്ന ചിത്രത്തില്‍ മന്‍ഹാസ് ഒരു കുടിലിന്റെ മുന്നില്‍ ഇരിക്കുന്നതാണ് കാണുന്നത്.

സ്ഥിതിഗതികള്‍ സൂക്ഷ്മമായി നിരീക്ഷിച്ചുകൊണ്ടിരിക്കുകയാണെന്നും മന്‍ഹാസിന്റെ സുരക്ഷിതമായ മടങ്ങിവരവിനു സാധ്യമായ എല്ലാ ശ്രമങ്ങളും നടത്തുന്നുണ്ടെന്നും പോലീസ് അറിയിച്ചിരുന്നു. എന്നാല്‍, സാമൂഹിക മാധ്യമത്തിലൂടെ പ്രചരിക്കുന്ന ചിത്രത്തോടു പ്രതികരിക്കാന്‍ പോലീസ് തയ്യാറായില്ല.

അതേസമയം, തട്ടിക്കൊണ്ടുപോയ ജവാനെ മോചിപ്പിക്കണമെന്ന് മാവോവാദികളോട് അഭ്യര്‍ഥിക്കാന്‍ ആദിവാസി പ്രവര്‍ത്തകന്‍ സോണി സോറി ബുധനാഴ്ച ഏറ്റുമുട്ടല്‍ സ്ഥലത്തേക്ക് പുറപ്പെട്ടു. സി.ആര്‍.പി.എഫ്. 210-ാം കോബ്ര ബറ്റാലിയനിലെ കമാന്‍ഡോയാണ് രാകേശ്വര്‍ സിങ് മന്‍ഹാസ്.

മന്‍ഹാസിന്റെ ബന്ധുക്കള്‍ ദേശീയപാത ഉപരോധിച്ചു

രാകേശ്വര്‍ സിങ് മന്‍ഹാസിന്റെ മോചനത്തിന് സര്‍ക്കാരിന്റെ ഭാഗത്തു നിന്നും അടിയന്തര ഇടപെടല്‍ ഉണ്ടാകണമെന്നാവശ്യപ്പെട്ട് ബന്ധുക്കള്‍ ബുധനാഴ്ച ജമ്മു-പൂഞ്ച് ദേശീയപാത ഉപരോധിച്ചു.

''അദ്ദേഹത്തിന്റെ സുരക്ഷയെക്കുറിച്ച് ഞങ്ങള്‍ക്ക് ആശങ്കയുണ്ട്. സര്‍ക്കാരില്‍നിന്നോ സി.ആര്‍.പി.എഫില്‍ നിന്നോ അനുകൂല മറുപടികള്‍ ഒന്നും ലഭിക്കുന്നില്ല. സര്‍ക്കാര്‍ ഉടന്‍ മധ്യസ്ഥനെ വെച്ച് മോചനത്തിനു വേണ്ട കാര്യങ്ങള്‍ ചെയ്യണം''- മന്‍ഹാസിന്റെ ഭാര്യ മീനു ആവശ്യപ്പെട്ടു. മന്‍ഹാസിനെ മോചിപ്പിക്കാന്‍ കേന്ദ്ര സര്‍ക്കാര്‍ ഇടപെടണമെന്നും അഭിനന്ദന്‍ വര്‍ത്തമാനെ പാകിസ്താനില്‍നിന്ന് മോചിപ്പിച്ചപോലെയുള്ള ഇടപെടല്‍ ആവശ്യമാണെന്നും മന്‍ഹാസിന്റെ സഹോദരന്‍ സുമിത് പറഞ്ഞു. മകനെ ഉടന്‍ തിരികെയെത്തിക്കണമെന്നും അവനോട് സംസാരിക്കണമെന്നും അമ്മ കുന്തീദേവിയും സര്‍ക്കാരിനോട് ആവശ്യപ്പെട്ടു.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented