ജയ്പുര്‍: ഭീകരാക്രമണത്തിനും ദേശദ്രോഹ പ്രവര്‍ത്തനങ്ങള്‍ക്കും സാധ്യതയുണ്ടെന്ന ജാഗ്രതാ നിര്‍ദ്ദേശത്തെ തുടര്‍ന്ന് രാജസ്ഥാന്റെ അതിര്‍ത്തി പ്രദേങ്ങളില്‍ അധികൃതര്‍ കര്‍ശന നിയന്ത്രണം ഏര്‍പ്പെടുത്തി.
ഇന്ത്യ- പാക് അതിര്‍ത്തിയുടെ രണ്ട് കിലോമീറ്റര്‍ ചുറ്റളവിലും ശ്രീഗംഗാനഗര്‍, കരണ്‍പുര്‍, റായ്സിങ് നഗര്‍, അനുപ്ഗര്‍, ഘര്‍സാന എന്നിവിടങ്ങളിലും സെപ്റ്റംബര്‍ 11 വരെ 144-ാം വകുപ്പ് പ്രകാരം നിരോധനാജ്ഞ ഏര്‍പ്പെടുത്തി. നുഴഞ്ഞു കയറ്റക്കാരും ദേശദ്രോഹ പ്രവര്‍ത്തകരും രാജസ്ഥാന്‍ അതിര്‍ത്തിക്കു സമീപം ഭീകരാക്രമണത്തിന് ശ്രമം നടത്തുണ്ടെന്ന മുന്നറിയിപ്പ് ലഭിച്ചതായി ശ്രീഗംഗാനഗര്‍ ജില്ലാ മജിസ്‌ട്രേറ്റ് സക്കീര്‍ ഹുസൈന്‍ പറഞ്ഞു. ജനങ്ങളുടെ സുരക്ഷ ഉറപ്പുവരുത്താനാണ് കര്‍ശന നിയന്ത്രണങ്ങള്‍.
വൈകിട്ട് ഏഴു മുതല്‍ രാവിലെ ആറു വരെ യാത്രകള്‍ അനുവദിക്കില്ല. ഈ സമയങ്ങളില്‍ പടക്കം പൊട്ടിക്കുന്നതും ബാന്‍ഡ് മേളങ്ങളും നിരോധിച്ചു. കൃഷിപ്പണി നടത്താന്‍ കര്‍ഷകര്‍ അതിര്‍ത്തി പോസ്റ്റ് ഓഫീസുകളില്‍ നിന്നോ ജില്ലാ അധികാരികളില്‍ നിന്നോ സൈനികരില്‍ നിന്നോ മുന്‍കൂര്‍ അനുമതി വാങ്ങണം. സംസ്ഥാന - കേന്ദ്ര സര്‍ക്കാര്‍ ജോലിക്കാര്‍ക്ക് നിയന്ത്രണങ്ങള്‍ ബാധകമല്ല.
Also Watch
RELATED STORIES
IN CASE YOU MISSED IT
.jpg?$p=a80322e&q=0.8&f=16x11&w=104)
.jpg?$p=366e44d&q=0.8&f=16x11&w=104)
.jpg?$p=bab5d2b&q=0.8&f=16x11&w=104)
.png?$p=04b6d86&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..