തെരുവുനായയെ വണ്ടികയറ്റിക്കൊന്നു; മുന്‍ എംപിയുടെ ചെറുമകനില്‍ നിന്ന് പത്ത് ലക്ഷം ബോണ്ട് ഈടാക്കി


ഫോട്ടോ: അഖിൽ ഇ.എസ്.

ബെംഗളൂരു: തെരുവുനായയെ കാര്‍ കയറ്റികൊന്നതിന് മുന്‍ എംപി ഡികെ ആദികേശവുലു നായിഡുവിന്റെ ചെറുമകന്‍ ആദി നാരായണ നായിഡുവില്‍ നിന്ന് ഭീമമായ തുക ബോണ്ട് ഈടാക്കി പോലീസ്. കർണാടകയിലാണ് സംഭവം. ഇയാളില്‍ നിന്ന് പോലീസ് 10 ലക്ഷം രൂപയുടെ ബോണ്ട് ആണ് ഈടാക്കിയത്. ഭാവിയില്‍ ഏതെങ്കിലും തരത്തില്‍ മൃഗങ്ങള്‍ക്കെതിരേ അതിക്രമം നടത്തിയാല്‍ ജയിലില്‍ അടയ്ക്കുമെന്ന് കര്‍ശന മുന്നറിയിപ്പ് നല്‍കിയതായും പോലീസ് പറഞ്ഞു.

ഒരാഴ്ച മുമ്പ് ബെംഗളൂരുവിലെ സിദ്ധപുര പോലീസ് സ്റ്റേഷന്‍ പരിധിയിലാണ് 23 കാരനായ ആദി നാരായണ നായിഡു തന്റെ ഔഡി കാര്‍ തെരുവ് നായയായ ലാറയുടെ മേല്‍ ബോധപൂര്‍വം ഓടിച്ചൂകയറ്റി കൊലപ്പെടുത്തിയത്. സംഭവത്തിന്റെ സിസിടിവി ദൃശ്യങ്ങള്‍ സോഷ്യല്‍ മീഡിയയില്‍ വൈറലായതോടെ, ഇത് വന്‍ ജനരോഷത്തിന് കാരണമായി.

സംഭവവുമായി ബന്ധപ്പെട്ട് ആദിക്കെതിരെ പരാതി നല്‍കിയ മൃഗസംരക്ഷണ പ്രവര്‍ത്തകരെ തെരുവ് നായയുടെ ഗതി തങ്ങള്‍ക്കും നേരിടേണ്ടിവരുമെന്ന് ഇയാള്‍ ഭീഷണിപ്പെടുത്തിയത് പൊതുജനങ്ങളില്‍ കൂടുതല്‍ ആശങ്ക സൃഷ്ടിച്ചു. ഒടുവില്‍ പോലീസ് പ്രതിയെ പിടികൂടി ജാമ്യത്തില്‍ വിടുകയായിരുന്നു.

മൃഗങ്ങളെ ദ്രോഹിക്കുന്നതുമായി ബന്ധപ്പെട്ട് പ്രതിയില്‍ നിന്ന് 10 ലക്ഷം രൂപയുടെ ബോണ്ട് പോലീസ് വാങ്ങിയതായി ഡിസിപി (സൗത്ത്) ഹരീഷ് പാണ്ഡെ മാധ്യമങ്ങളോട് പറഞ്ഞു. ഭാവിയില്‍ ഏതെങ്കിലും മൃഗങ്ങളെ ഉപദ്രവിച്ചാല്‍ ബോണ്ട് തുക കണ്ടുകെട്ടുമെന്നും ബോണ്ട് കാലയളവായ ഒരു വര്‍ഷത്തേക്ക് ജയിലില്‍ അയക്കുമെന്നും പ്രതിക്ക് മുന്നറിയിപ്പ് നല്‍കിയതായും അദ്ദേഹം പറഞ്ഞു.

രാജ്യത്ത് ആദ്യമായാണ് മൃഗങ്ങളെ ക്രൂരമായി പീഡിപ്പിക്കുന്ന കേസില്‍ ഇത്രയും ഭീമമായ തുക പോലീസ് കൈപ്പറ്റുന്നത് എന്ന് പ്രതികള്‍ക്കെതിരെ പരാതി നല്‍കിയ മുന്‍ കോര്‍പ്പറേറ്റ് കണ്‍സള്‍ട്ടന്റും മൃഗസംരക്ഷണ പ്രവര്‍ത്തകനുമായ ബദരി പ്രസാദ് മാര്‍ഗസഹായം പറയുന്നു.

Content Highlights: ten lakh bond collected from former mps grandson for killing stray dog

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


sabu jacob and pv sreenijan

1 min

കുന്നംകുളത്തിന്റെ മാപ്പുണ്ടോ, ഒരാള്‍ക്ക് കൊടുക്കാനാണ്- സാബുവിനെ പരിഹസിച്ച് ശ്രീനിജിന്‍

May 16, 2022


hotel

1 min

ഹോട്ടലിലെ ഭക്ഷണസാധനങ്ങള്‍ ശൗചാലയത്തില്‍; ഫോട്ടോയെടുത്ത ഡോക്ടര്‍ക്ക് മര്‍ദനം, മൂന്നുപേര്‍ അറസ്റ്റില്‍

May 16, 2022

More from this section




Most Commented