യുപി സിവില്‍ സര്‍വീസ് പരീക്ഷ നടന്ന കോളേജില്‍വച്ച് 17-കാരി ബലാത്സംഗത്തിന് ഇരയായെന്ന് പരാതി


സുഹൃത്തിനെ കാണാന്‍പോയ തന്നെ ഒരുസംഘം യുവാക്കള്‍ ബലംപ്രയോഗിച്ച് കോളേജ് കാമ്പസിലേക്ക് കൊണ്ടുപോയാണ് ഉപദ്രവിച്ചതെന്ന് പത്താംക്ലാസ് വിദ്യാര്‍ഥിനി പോലീസിന് നല്‍കിയ പരാതിയില്‍ പറയുന്നു.

പ്രതീകാത്മക ചിത്രം | മാതൃഭൂമി

ഝാന്‍സി (ഉത്തര്‍പ്രദേശ്): ഝാന്‍സിയിലെ കോളേജ് കാമ്പസില്‍വച്ച് 17-കാരിയെ ബലാത്സംഗം ചെയ്തുവെന്ന് പരാതി. ഉത്തര്‍പ്രദേശ് പ്രൊവിന്‍ഷ്യല്‍ സിവില്‍ സര്‍വീസ് (പിസിഎസ്) പ്രാഥമിക പരീക്ഷ ഞായറാഴ്ച കോളേജില്‍ നടന്നതിനിടെയാണ് സംഭവമുണ്ടായത്.

സുഹൃത്തിനെ കാണാന്‍പോയ തന്നെ ഒരുസംഘം യുവാക്കള്‍ ബലംപ്രയോഗിച്ച് കോളേജ് കാമ്പസിലേക്ക് കൊണ്ടുപോയാണ് ഉപദ്രവിച്ചതെന്ന് പത്താംക്ലാസ് വിദ്യാര്‍ഥിനി പോലീസിന് നല്‍കിയ പരാതിയില്‍ പറയുന്നു. സംഘത്തിലൊരാള്‍ തന്നെ മാനഭംഗപ്പെടുത്തി. മറ്റുള്ളവര്‍ അതിന്റെ ദൃശ്യങ്ങള്‍ പകര്‍ത്തി. കൈവശമുണ്ടായിരുന്ന 2000 രൂപ പിടിച്ചുവാങ്ങി. ആണ്‍ സുഹൃത്തിനെ മര്‍ദ്ദിച്ചു. സംഭവത്തെപ്പറ്റി ആരോടെങ്കിലും പറഞ്ഞാല്‍ വീഡിയോ ദൃശ്യങ്ങള്‍ വൈറലാക്കുമെന്ന് അക്രമിസംഘം ഭീഷണിപ്പെടുത്തിയെന്നും പരാതിയില്‍ പറയുന്നു.



കേസിലെ മുഖ്യ പ്രതികളായ രോഹിത് സൈനി, ഭരത് കുശ്വാഹ എന്നിവരടക്കം എട്ടുപേരെ അറസ്റ്റുചെയ്തിട്ടുണ്ടെന്ന് പോലീസ് പറഞ്ഞു. കൂടുതല്‍ പേര്‍ക്ക് കുറ്റകൃത്യത്തില്‍ പങ്കുണ്ടോയെന്ന് അന്വേഷിച്ചു വരികയാണ്. പെണ്‍കുട്ടി കോളേജ് കാമ്പസിനകത്ത് എങ്ങനെ എത്തി എന്നതിനെക്കുറിച്ചും അന്വേഷിക്കുമെന്ന് പോലീസ് പറഞ്ഞു. കോളേജില്‍ ഒരു സുരക്ഷാ ഉദ്യോഗസ്ഥന്‍ മാത്രമാണ് ഉണ്ടായിരുന്നത്. അദ്ദേഹം സിവില്‍ സര്‍വീസ് പരീക്ഷയുടെ തിരക്കിലായിരുന്നുവെന്നാണ് കോളേജ് അധികൃതരുടെ വിശദീകരണം.

പെണ്‍കുട്ടിയുടെ കരച്ചില്‍കേട്ട പോലീസുകാര്‍ ഉടന്‍ സമീപത്തെ പോലീസ് സ്‌റ്റേഷനില്‍ എത്തിച്ചപ്പോഴാണ് വിവരങ്ങള്‍ മുഴുവന്‍ പുറത്തുവന്നത്. കൂട്ടബലാത്സംഗം അടക്കമുള്ള കുറ്റങ്ങള്‍ ചുമത്തി പ്രതികള്‍ക്കെതിരെ പോലീസ് കേസെടുത്തിട്ടുണ്ട്. കോളേജിലെ രണ്ടാംവര്‍ഷ വിദ്യാര്‍ഥികളാണ് കുറ്റാരോപിതരെന്ന് പ്രിന്‍സിപ്പല്‍ മാധ്യമങ്ങളോട് പറഞ്ഞു. കേസ് അന്വേഷണവുമായി സഹകരിക്കുമെന്നും അദ്ദേഹം വ്യക്തമാക്കിയിട്ടുണ്ട്.

കടപ്പാട് - Hindustan Times

Content Highlights: Teen raped in college campus while UP civil service exam was underway


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented