.jpg?$p=8384990&f=16x10&w=856&q=0.8)
Photo: Mb News
ഡിണ്ടിഗൽ: തമിഴ്‌നാട് ഡിണ്ടിഗലില്‍ മൃഗബലി നല്‍കി പോലീസുകാര്‍. വടമധുരൈ സ്റ്റേഷനിലെ പോലീസുകാരാണ് പുതുവര്‍ഷത്തില്‍ കൊലപാതകം, മോഷണം ഉള്‍പ്പടെയുള്ള കുറ്റകൃത്യങ്ങള്‍ കുറയാന്‍ ആടിനെ ബലി നല്‍കിയത്. മൃഗബലിക്കും പൂജയ്ക്കും ശേഷം ആടിനെ കറിവെച്ച് എല്ലാവര്‍ക്കും സദ്യ ചെയ്യുകയും ചെയ്തു. അയ്യല്ലൂരിലെ ഒരു ക്ഷേത്രത്തിലാണ് പോലീസുകാര്‍ നേര്‍ച്ച നല്‍കിയത്.
വടമധുരൈ പോലീസ് സ്‌റ്റേഷനില്‍ കഴിഞ്ഞ കുറേ നാളുകളായി കുറ്റകൃത്യങ്ങള്‍ കൂടിവരികയാണ്. കൊലപാതകം, അപകടം, മോഷണങ്ങള്‍ തുടങ്ങി നിരവധി കേസുകളാണ് ഇവിടെ എത്തിയിരുന്നത്. ഇതിന്റെ എണ്ണം കുറയ്ക്കുവാനും പോലീസുകാര്‍ക്ക് സമാധാനത്തോടെ ജോലി ചെയ്യാനും വേണ്ടിയാണ് പൂജ നടത്തിയത്.
അതേസമയം ഈ രീതിയില്‍ മൃഗബലി പൂജ ആദ്യമായല്ല പോലീസുകാര്‍ നടത്തുന്നത്. എല്ലാ പുതുവര്‍ഷദിനത്തിലും ഈ ക്ഷേത്രത്തിലെത്തി വടമധുരൈ സ്റ്റേഷനിലെ പോലീസുകാര്‍ ആടിനെ ബലി നല്‍കി പൂജ നടത്താറുണ്ട്. പോലീസുകാരും കുടുംബാംഗങ്ങളും ഈ വഴിപാടില്‍ പങ്കെടുക്കാറുണ്ട്. ഡിവൈഎസ്പി ഉള്‍പ്പടെയുള്ള ഉന്നത പോലീസ് ഉദ്യോഗസ്ഥരും ചടങ്ങില്‍ പങ്കെടുക്കാറുണ്ടെന്നാണ് വിവരം.
അന്ധവിശ്വാസങ്ങള്‍ക്കെതിരെ നടപടിയെടുക്കേണ്ടവര്‍ തന്നെയാണ് ഈ നിയമവിരുദ്ധ പ്രവൃത്തിയില്‍ ഏര്‍പ്പെടുന്നത്. ഇത്രയും നാള്‍ ഇത് തുടര്‍ന്നുപോന്നിട്ടും പോലീസുകാര്‍ക്കെതിരെ നടപടിയൊന്നും ഉണ്ടായിട്ടില്ല.
Content Highlights: tamilnadu police conducted animal sacrifice
Also Watch
RELATED STORIES
.jpg?$p=246738b&f=1x1&w=100&q=0.8)
.jpg?$p=d83648f&f=1x1&w=100&q=0.8)
IN CASE YOU MISSED IT
.jpg?$p=2dd1c87&f=1x1&w=100&q=0.8)
.jpg?$p=2922c1a&f=1x1&w=100&q=0.8)
.jpg?$p=246738b&q=0.8&f=16x11&w=104)
.jpg?$p=cc29bd4&q=0.8&f=16x11&w=104)
.jpg?$p=ee3d35d&q=0.8&f=16x11&w=104)
.jpg?$p=880edd5&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..