തൂപ്പുകാരിയിൽ നിന്ന് അസിസ്റ്റന്റ് എന്റമോളജിസ്റ്റിലേക്ക്; കണ്ണീരോടെ രജനി, കൈപിടിച്ചുയർത്തി മന്ത്രി


എം.എസ്.സി ഓർഗാനിക് കെമിസ്ട്രിയിലായിരുന്നു രജിനി ബിരുദാനന്തര ബിരുദം നേടിയത്. തുടർന്ന് കോൺട്രാക്ട് അടിസ്ഥാനത്തിൽ ജിഎച്ച്എംസിയിൽ രജിനി തൂപ്പു തൊഴിൽ ചെയ്ത് വരികയായിരുന്നു.

Photo: https:||twitter.com|arvindkumar_ias

ഹൈദരാബാദ്: ശാസ്ത്രത്തിൽ ബിരുദാനന്തര ബിരുദം ഉണ്ടായിട്ടും അർഹമായ തൊഴിൽ ലഭിക്കാതിരുന്ന രജനിയ്ക്ക് ഒടുവിൽ ആശ്വാസം. ഹൈദരാബാദ് മുൻസിപ്പൽ കോർപ്പറേഷനിലെ തൂപ്പു ജോലിയിൽ നിന്ന് രജിനി അസിസ്റ്റന്റ് എന്റമോളജിസ്റ്റിലേക്ക്. രജനിയുടെ ദുരവസ്ഥ കണ്ട് തെലങ്കാന മുൻസിപ്പൽ അഡ്മിനിസ്ട്രേഷൻ മന്ത്രി കെടി രാമ റാവു ആണ് ജോലി വാഗ്ദാനം ചെയ്തത്.

എം.എസ്.സി ഓർഗാനിക് കെമിസ്ട്രിയിലായിരുന്നു രജിനി ബിരുദാനന്തര ബിരുദം നേടിയത്. തുടർന്ന് കോൺട്രാക്ട് അടിസ്ഥാനത്തിൽ ജിഎച്ച്എംസിയിൽ രജിനി തൂപ്പു തൊഴിൽ ചെയ്ത് വരികയായിരുന്നു. ഒരു പത്രത്തിൽ വാർത്ത വന്നതോടെയാണ് മന്ത്രി രജിനിയുടെ യോഗ്യത അനുസരിച്ചുള്ള ജോലി വാഗ്ദാനം ചെയ്ത് രംഗത്തെത്തിയത്.

വാറങ്കൽ ജില്ലയിൽ കർഷക കുടുംബത്തിലാണ് രജിനിയുടെ ജനനം. സാമ്പത്തിക പ്രശ്നങ്ങൾക്കിടയിലും ഒന്നാം ക്ലാസ്സോടെയാണ് രജിനി എം എസ് സി പാസാകുന്നത്. തുടർന്ന് ഹൈദരാബാദ് സെൻട്രൽ യൂണിവേഴ്സിറ്റിയിൽ പിഎച്ച്ഡിയ്ക്ക് യോഗ്യത നേടുകയും ചെയ്തു. എന്നാൽ ഇതിനിടെ രജനിയുടെ വിവാഹം നടക്കുകയും അവർ ഭർത്താവിന്റെ വീട്ടിലേക്ക് താമസം മാറുകയുമായിരുന്നു.

രണ്ട് കുട്ടികളുടെ അമ്മയായ രജനി ഒരു ജോലി എന്ന സ്വപ്നം ഉപേക്ഷിക്കാൻ തയ്യാറായിരുന്നില്ല. ഭർത്താവ് രോഗിയായതോടെ പച്ചക്കറി വിൽപ്പനയിലേക്ക് തിരിഞ്ഞെങ്കിലും മതിയായ വരുമാനം ലഭിക്കാത്തതിനെ തുടർന്ന് പിന്നീട് ജിഎച്ച്എംസിയിൽ കരാർ അടിസ്ഥാനത്തിൽ തൂപ്പു തൊഴിലിന് ചേരുകയായിരുന്നു.

നഗരവികസന സ്പെഷ്യൽ ചീഫ് സെക്രട്ടറി അരവിന്ദ് കുമാറാണ് രജനിയ്ക്ക് ജോലി നൽകിയ കാര്യം ട്വിറ്ററലൂടെ വ്യക്തമാക്കിയത്. രണ്ട് കുട്ടികളുള്ള രജിനിയ്ക്ക് മന്ത്രി എല്ലാവിധ പിന്തുണ ഉറപ്പു നൽകി.

Content Highlights: Sweeper To Vegetable Vendor To Asst Entomologist — Rajani's Story


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


sreenath bhasi

1 min

അവതാരകയെ അപമാനിച്ച കേസ്; ശ്രീനാഥ് ഭാസിയെ ജാമ്യത്തില്‍വിട്ടു, കേസുമായി മുന്നോട്ടെന്ന് പരാതിക്കാരി

Sep 26, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022

Most Commented