ഭീമ കൊറേഗാവ് കേസില്‍ സുധാ ഭരദ്വാജിന് സ്വാഭാവിക ജാമ്യം; പക്ഷേ ഒരാഴ്ച കൂടി ജയിലില്‍


സുധാ ഭരദ്വാജ്| Photo: Mathrubhumi Library

മുംബൈ: ഭീമ കൊറേഗാവ് കേസില്‍ സാമൂഹിക പ്രവര്‍ത്തക സുധാ ഭരദ്വാജിന് സ്വാഭാവിക ജാമ്യം. ബോംബെ ഹൈക്കോടതിയാണ് ബുധനാഴ്ച സുധയ്ക്ക് ജാമ്യം അനുവദിച്ചത്.

എന്നാല്‍ സുധ ഉടന്‍ ജയില്‍മോചിതയാവില്ല. ഡിസംബര്‍ എട്ടിന് സുധയെ പ്രത്യേക എന്‍.ഐ.എ. കോടതിയില്‍ ഹാജരാക്കും. ശേഷം ജാമ്യവ്യവസ്ഥകളില്‍ തീര്‍പ്പാക്കിയതിനു ശേഷം മാത്രമേ അവരെ മോചിപ്പിക്കുകയുള്ളൂ. 2018-ലാണ് കേസില്‍ സുധാ ഭരദ്വാജ് അറസ്റ്റിലാകുന്നത്. തുടര്‍ന്ന് ഇക്കാലമത്രയും ജയിലിലായിരുന്നു.

വെര്‍ണന്‍ ഗോണ്‍സാല്‍വസ്, അരുണ്‍ ഫെരേര, റോണ വില്‍സണ്‍, വരവര റാവു എന്നിവര്‍ ഉള്‍പ്പെടെ കൂട്ടുപ്രതികളായ എട്ടുപേര്‍ കൂടി സ്വാഭാവിക ജാമ്യാപേക്ഷയുമായി കോടതിയെ സമീപിച്ചിരുന്നു. എന്നാല്‍ അവരുടെ അപേക്ഷ കോടതി തള്ളി.

2018 ജനുവരി ഒന്നിന്, ഭീമാ കൊറേഗാവ് യുദ്ധത്തിന്റെ നൂറാം വാര്‍ഷികം ആഘോഷിക്കുന്നതുമായി ബന്ധപ്പെട്ട് സംഘടിപ്പിച്ച ചടങ്ങിലെ സംഘര്‍ഷമാണ് കേസിന് ആധാരം. സംഘര്‍ഷത്തില്‍ ഒരാള്‍ കൊല്ലപ്പെടുകയും നിരവധിപ്പേര്‍ക്ക് പരിക്കേല്‍ക്കുകയും ചെയ്തിരുന്നു.

ജസ്റ്റിസുമാരായ എസ്.എസ്. ഷിന്‍ഡെ, എന്‍.ജെ. ജമാദാര്‍ എന്നിവരുടെ ബെഞ്ചാണ് സുധയുടെ ജാമ്യാപേക്ഷ പരിഗണിച്ചത്. ഓഗസ്റ്റ് നാലിന് വാദം പൂര്‍ത്തിയായെങ്കിലും വിധി പ്രസ്താവം നീട്ടിവെച്ചു. എന്‍.ഐ.എ. സുധയുടെ ജാമ്യാപേക്ഷയെ എതിര്‍ത്തിരുന്നു.

content highlights:L sudha bharadwaj gets default bail


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


mallikarjun kharge

2 min

അപ്രതീക്ഷിത നീക്കങ്ങള്‍; തരൂരിനെ തള്ളി ഖാര്‍ഗെയ്‌ക്കൊപ്പം നിരന്ന് ജി23യും, മുന്നില്‍ നിന്ന് ഗഹ്‌ലോത്

Sep 30, 2022


Mohan Bhagwat

1 min

തെറ്റായ ഭക്ഷണം കഴിക്കുന്നവര്‍ തെറ്റായ  വഴിയിലൂടെ സഞ്ചരിക്കും-നോണ്‍വെജിനെതിരെ മോഹന്‍ ഭാഗവത്

Sep 30, 2022

Most Commented