ജമ്മു: വെടി വെയ്പ്പ് നിര്‍ത്തു, ഞങ്ങള്‍ക്ക് ഒരു അന്ത്യകര്‍മം നിര്‍വഹിക്കാനുണ്ടെന്ന് പാകിസ്താനോട് കശ്മീരിലെ ഒരു മുസ്ലിം പള്ളി. വെടിവെപ്പിനെ തുടര്‍ന്ന് മരിച്ച ഒരു ബാലന്റെ ശവശരീരം സംസ്‌കരിക്കാന്‍ സാധിക്കാതെ വന്നതോടെയാണ് പള്ളിയുടെ പ്രഖ്യാപനം.
പാകിസ്താന്റെ ഭാഗത്തുനിന്ന് കഴിഞ്ഞ ദിവസം ഉണ്ടായ വെടിവെപ്പില്‍ ഒരു കുട്ടി മരിച്ചിരുന്നു. നിയന്ത്രണ രേഖയക്ക് സമീപമുള്ള നൂര്‍കോട്ട് ഗ്രാമത്തില്‍ സംസ്‌കാര ചടങ്ങുകള്‍ നടത്താനാണ് കുടുംബാംഗങ്ങള്‍ ആഗ്രഹിച്ചത്.
എന്നാല്‍ പാകിസ്താന്റെ ഇടവിട്ടുള്ള വെടിവെപ്പിനെ തുടര്‍ന്ന് അവര്‍ക്ക് സംസ്‌കാര ചടങ്ങുകള്‍ നടത്താന്‍ സാധിച്ചിരുന്നില്ല. ഇതിനെ തുടര്‍ന്നാണ് പ്രദേശത്തെ ഒരു മുസ്ലിം പള്ളി താല്കാലികമായെങ്കിലും വെടിവെപ്പ് അവസാനിപ്പിക്കണം എന്ന ആവശ്യവുമായി രംഗത്തെത്തിയത്.
"നിങ്ങള്‍ വെടിവെപ്പില്‍ ഒരാളെ കൊന്നു. വെടിവെപ്പ് അവസാനിപ്പിക്കുക. ഞങ്ങള്‍ക്ക് അയാളുടെ അന്ത്യകര്‍മങ്ങള്‍ ചെയ്യാനുണ്ട്. " പള്ളി അവരുടെ ഉച്ചഭാഷിണിയില്‍ കൂടി അറിയിച്ചു.
ജമ്മു കശ്മീരിലെ പൂഞ്ച് മേഖലയില്‍ കഴിഞ്ഞ ഒരാഴ്ചയായി തുടര്‍ച്ചയായ വെടിനിര്‍ത്തല്‍ കരാര്‍ ലംഘനം നടക്കുകയാണ്. ഇതിനെത്തുടര്‍ന്ന് ഗ്രാമീണര്‍ സുരക്ഷിതമായ സ്ഥാനങ്ങളിലേക്ക് മാറിയിരുന്നു. പാകിസ്താന്‍ തുടങ്ങിയ വെടിവെപ്പില്‍ മൂന്ന് സൈനികര്‍ കൊല്ലപ്പെട്ടതിനെ തുടര്‍ന്ന് ഇന്ത്യ തിരിച്ചടിച്ചിരുന്നു.
RELATED STORIES
.jpg?$p=174d4d1&f=1x1&w=100&q=0.8)
Off The Record
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=8e08e68&f=1x1&w=100&q=0.8)
.jpg?$p=246738b&f=1x1&w=100&q=0.8)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..