സിമി പ്രവര്‍ത്തകര്‍ ജയില്‍ തുറന്നത് ടൂത്ത് ബ്രഷും തടിയും ഉപയോഗിച്ച്


43 റൗണ്ട് വെടിവച്ച ശേഷമാണ് സിമി പ്രവര്‍ത്തകരെ വധിക്കാന്‍ കഴിഞ്ഞതെന്ന് പോലീസ് അവകാശപ്പെടുന്നു. മൂന്ന് നാടന്‍ തോക്കുകളും മൂര്‍ച്ചയുള്ള ആയുധങ്ങളും സിമി പ്രവര്‍ത്തകരില്‍നിന്ന് കണ്ടെത്തി. മൊബൈല്‍ ഫോണുകളൊന്നും കണ്ടെത്താന്‍ കഴിഞ്ഞില്ല.

ഭോപ്പാല്‍: സിമി പ്രവര്‍ത്തകര്‍ അതീവ സുരക്ഷ ഏര്‍പ്പെടുത്തിയിരുന്ന ഭോപ്പാല്‍ സെന്‍ട്രല്‍ ജയില്‍ ബാരക്കുകള്‍ തുറക്കാന്‍ ഉപയോഗിച്ചത് തടിയും ടൂത്ത് ബ്രഷുകളുമെന്ന് പോലീസ്. ജയില്‍ ചാടിയ എട്ട് സിമിക്കാരെയും തിങ്കളാഴ്ച പോലീസ് വെടിവച്ച് കൊന്നിരുന്നു. സംഭവത്തെക്കുറിച്ച് സംശയങ്ങള്‍ നിലനില്‍ക്കുന്നതിനിടെ മധ്യപ്രദേശ് ഐ.ജി യോഗേഷ് ചൗധരി വാര്‍ത്താ സമ്മേളനത്തിലാണ് ഇക്കാര്യം പറഞ്ഞത്.

ജയിലിലെ രണ്ട് ബാരക്കുകളിലായാണ് 29 സിമി പ്രവര്‍ത്തകരെ പാര്‍പ്പിച്ചിരുന്നതെന്ന് അദ്ദേഹം പറഞ്ഞു. തിങ്കളാഴ്ച പുലര്‍ച്ചെ ജയില്‍ ചാടിയ സിമി പ്രവര്‍ത്തകരെ ഖെജ്ര നള്ള എന്ന സ്ഥലത്തുവച്ച് പോലീസ് വളഞ്ഞു. ഇതോടെ അവര്‍ വെടിവെപ്പ് നടത്തിയെന്നാണ് പോലീസിന്റെ അവകാശവാദം. മൂന്ന് പോലീസുകാര്‍ക്ക് സിമി പ്രവര്‍ത്തകരുടെ വെടിവെപ്പില്‍ പരിക്കേറ്റു.

43 റൗണ്ട് വെടിവച്ച ശേഷമാണ് സിമി പ്രവര്‍ത്തകരെ വധിക്കാന്‍ കഴിഞ്ഞതെന്ന് പോലീസ് അവകാശപ്പെടുന്നു. മൂന്ന് നാടന്‍ തോക്കുകളും മൂര്‍ച്ചയുള്ള ആയുധങ്ങളും സിമി പ്രവര്‍ത്തകരില്‍നിന്ന് കണ്ടെത്തി. മൊബൈല്‍ ഫോണുകളൊന്നും കണ്ടെത്താന്‍ കഴിഞ്ഞില്ല.

സിമി പ്രവര്‍ത്തകര്‍ നിരായുധര്‍ ആയിരുന്നുവെന്ന് നാട്ടുകാര്‍ വെളിപ്പെടുത്തിയകാര്യം മാധ്യമ പ്രവര്‍ത്തകര്‍ ഐ.ജിയുടെ ശ്രദ്ധയില്‍പ്പെടുത്തി. എന്നാല്‍, സംഭവത്തെക്കുറിച്ച് വിശദമായ അന്വേഷണം പുരാേഗമിക്കുകയാണെന്ന മറുപടിയാണ് ഐ.ജി നല്‍കിയത്. അന്വേഷണത്തിനിടെ കണ്ടെത്തുന്ന വിവരങ്ങള്‍ മാധ്യമങ്ങളുമായി പങ്കുവെക്കുമെന്നും അദ്ദേഹം പറഞ്ഞു.

ജയില്‍ വാര്‍ഡന്‍ രമാശങ്കര്‍ യാദവിനെ കഴുത്തറുത്ത് കൊന്നശേഷമാണ് എട്ട് സിമി പ്രവര്‍ത്തകര്‍ കഴിഞ്ഞ ദിവസം ജയില്‍ചാടിയത്. കിടക്കവിരികള്‍ കൂട്ടിക്കെട്ടിയാണ് 25 അടി ഉയരമുള്ള ജയിലിന്റെ മതില്‍ അവര്‍ ചാടിക്കടന്നത്.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented