-
ഡല്‍ഹി: പൗരത്വനിയമഭേദഗതിക്കെതിരെ രാപ്പകല്‍ സമരം നടക്കുന്ന ഷഹീന്‍ബാഗില്‍ സമരക്കാര്‍ തടസ്സപ്പെടുത്തിയ റോഡുകള്‍ താല്‍ക്കാലികമായി തുറന്നു. വിലാപയാത്രയ്ക്കായാണ് രണ്ട് മാസമായി തടസ്സപ്പെടുത്തിയിരുന്ന നോയിഡ- ഡല്‍ഹി റോഡ് സമരക്കാര്‍ തുറന്നുകൊടുത്തത്.
സംഭവത്തെക്കുറിച്ച് സമരക്കാര്‍ പറഞ്ഞത് ഇങ്ങനെ, 'ഞങ്ങള്‍ എല്ലാവരേയും ബഹുമാനിക്കുന്നു. വിലാപയാത്രയ്ക്കായി തടസ്സപ്പെടുത്തിയ റോഡുകള്‍ തുറന്നുകൊടുത്തതിലൂടെ ഞങ്ങള്‍ അസാധാരണമായി ഒന്നും ചെയ്തിട്ടില്ല. ബസ്സുകള്‍ക്കും ആംബുലന്‍സുകള്‍ക്കും സര്‍വീസ് നടത്താന്‍ ഞങ്ങള്‍ റോഡുകള്‍ തുറന്നുകൊടുത്തിട്ടുണ്ട്'.
കഴിഞ്ഞ 50 ദിവസത്തോളമായി ഷഹീന്‍ബാഗ് പൗരത്വനിയമത്തിനെതിരെയുള്ള രാപ്പകല്‍ പ്രതിഷേധങ്ങളുടെ പ്രധാനവേദിയാണ്. സ്ത്രീകളും കുട്ടികളുമുള്‍പ്പെടുന്ന സമരക്കാര്‍ മേഖലയിലെ പ്രധാന റോഡുകള്‍ ഉപരോധിച്ചതിനാല്‍ വലിയ ഗതാഗതക്കുരുക്കാണ് പലപ്പോഴും ഈ ഭാഗത്ത് അനുഭവപ്പെടുന്നത്.
പൗരത്വനിയമത്തിനെതിരെ പ്രതിഷേധിച്ച ജാമിയ സര്‍വകലാശാലയിലെ വിദ്യാര്‍ഥികള്‍ക്കു നേരെയുണ്ടായ അക്രമത്തില്‍ പ്രതിഷേധിച്ചു ഡിസംബര്‍ 15 രാത്രി 10നു സ്ത്രീകളാണ് ഷഹീന്‍ ബാഗിലെ സമരത്തിനു തുടക്കം കുറിച്ചത്. ഇന്ന് നൂറുകണക്കിന് സമരക്കാര്‍ ഒന്നടങ്കം പ്രതിഷേധിക്കുന്ന പൗരത്വപ്രതിഷേധത്തിന്റെ സമരമുഖമായി മാറിയിരിക്കുകയാണ് ഷഹീന്‍ബാഗ്. ഡല്‍ഹിയുടെ നിയമസഭാ തിരഞ്ഞെടുപ്പില്‍ ഷഹീന്‍ബാഗ് പ്രധാന ചര്‍ച്ചയായി മാറിയിരുന്നു.
Content Highlights: Shaheen Bagh opens road for Hindu funeral procession, wins hearts
RELATED STORIES
.jpg?$p=3c952d3&f=1x1&w=100&q=0.8)
IN CASE YOU MISSED IT
%20(1).jpg?$p=e382e29&f=1x1&w=100&q=0.8)
.jpg?$p=aa62323&f=1x1&w=100&q=0.8)
.jpg?$p=fdbfe6c&q=0.8&f=16x11&w=104)
.jpg?$p=7cb643e&q=0.8&f=16x11&w=104)
.jpg?$p=b62dca5&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..