നോട്ട് നിരോധനത്തിന്റെ മുറിപ്പാടുകള്‍ വരാനിരിക്കുന്നതേയുള്ളൂ- മന്‍മോഹന്‍ സിങ്


സാമ്പത്തിക നയങ്ങള്‍ വളരെ ശ്രദ്ധയോടെയും ചിന്തയോടെയും കൈകാര്യം ചെയ്യേണ്ട ഒന്നാണെന്ന് മനസിലാക്കുന്നതിനുമുള്ള ഓര്‍മ്മപ്പെടുത്തലിന്റെ ദിനമാണ് ഈ ദിവസമെന്നും അദ്ദേഹം പറഞ്ഞു.

ന്യൂഡല്‍ഹി: നോട്ട് നിരോധനത്തിന്റെ രണ്ടാം വാര്‍ഷികത്തില്‍ സര്‍ക്കാരിനെതിരെ നിശിത വിമര്‍ശനവുമായി മുന്‍ പ്രധാനമന്ത്രി മന്‍മോഹന്‍ സിങ്. കുറച്ച് സമയം എടുത്താല്‍ ഏത് മുറിവും ഭേദപ്പെടുമെന്ന് കേട്ടിട്ടുണ്ട്. എന്നാല്‍ നോട്ട് നിരോധനത്തിന്റെ കാര്യത്തില്‍ വളരെ നിര്‍ഭാഗ്യകരമാണ്. നോട്ട്നിരോധനംമൂലമേറ്റ ആഴത്തിലുള്ള മുറിവുകളും മുറിപ്പാടുകളും കൂടുതല്‍ വ്യക്തതയോടെ പ്രത്യക്ഷപ്പെട്ട് വരാനിരിക്കുന്നതേ ഉള്ളുവെന്ന് മന്‍മോഹന്‍ സിങ് പറയുന്നു.

ദൃഢതയുള്ളതും വ്യക്തയുള്ളതുമായി സാമ്പത്തിക നയങ്ങള്‍ തിരിച്ചുക്കൊണ്ടുവരണമെന്ന് ഞാന്‍ സര്‍ക്കാരിനോട് ആവശ്യപ്പെടുകയാണ്. സാമ്പത്തിക അബദ്ധങ്ങള്‍ രാജ്യത്തെ നീണ്ടകാലത്തേക്ക് എങ്ങനെ അലോസരപ്പെടുത്തുമെന്നതും, സാമ്പത്തിക നയങ്ങള്‍ വളരെ ശ്രദ്ധയോടെയും ചിന്തയോടെയും കൈകാര്യം ചെയ്യേണ്ട ഒന്നാണെന്ന് മനസിലാക്കുന്നതിനുമുള്ള ഓര്‍മ്മപ്പെടുത്തലിന്റെ ദിനമാണ് ഈ ദിവസമെന്നും അദ്ദേഹം പറഞ്ഞു.

ഇന്ത്യന്‍ സമ്പദ് വ്യവസ്ഥയില്‍ അത് നാശം വിതച്ചു. സമൂഹത്തിലുള്ള എല്ലാവര്‍ക്കും ഇപ്പോള്‍ അക്കാര്യം വ്യക്തമാണ്. പ്രായ, മത, ലിംഗ ഭേദമില്ലാതെ ഓരോ വ്യക്തിയയേയും അത് ബാധിച്ചിട്ടുണ്ട്. നോട്ട് നിരോധനത്തിന് ശേഷം ജിഡിപിയില്‍ കുത്തനെ ഇടിവ് വന്നു. ഇന്ത്യന്‍ സമ്പദ്ഘടനയുടെ മൂലക്കല്ലായിരുന്ന ചെറുകിട-ഇടത്തരം വ്യവസായ മേഖലയ്ക്ക് നോട്ട്നിരോധന ഞെട്ടലില്‍ നിന്ന് മുക്തി നേടാന്‍ ഇതുവരെ ആയിട്ടില്ല.

സമ്പദ്ഘടന ഞെരുക്കത്തില്‍ തുടരുന്നതിനാല്‍ യുവാക്കള്‍ക്ക് വേണ്ടത്ര പുതിയ തൊഴില്‍ സൃഷ്ടിക്കാന്‍ സാധിക്കുന്നില്ല. തൊഴില്‍ മേഖയില്‍ വലിയ പ്രതിസന്ധിയാണുണ്ടാക്കിയിട്ടുള്ളത്. ധനകാര്യ വിപണിയും കലുഷിതമായി കിടക്കുകയാണ്. അടിസ്ഥാന സൗകര്യവികസന പ്രവര്‍ത്തനങ്ങളേയും ബാങ്കിത ധനകാര്യ സ്ഥാപനങ്ങളേയും കാര്യമായി ബാധിച്ചു. ചരിത്രത്തിലെ ഏറ്റവും വലിയ തിരിച്ചടി ഇന്ത്യന്‍ രൂപക്ക് നേരിടേണ്ടി വന്നെന്നും മന്‍മോഹന്‍ സിങ് പറഞ്ഞു.

Content Highlights: Manmohan Singh, Demonetisation, NDA Government, BJP, Congrtess, Indian Economy, Rupee

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


Ukraine

1 min

യുക്രൈനില്‍നിന്നെത്തിയ മെഡിക്കല്‍ വിദ്യാര്‍ഥികള്‍ക്ക് രാജ്യത്ത് തുടര്‍പഠനം നടത്താനാകില്ല- കേന്ദ്രം

May 17, 2022


hotel

1 min

ഹോട്ടലിലെ ഭക്ഷണസാധനങ്ങള്‍ ശൗചാലയത്തില്‍; ഫോട്ടോയെടുത്ത ഡോക്ടര്‍ക്ക് മര്‍ദനം, മൂന്നുപേര്‍ അറസ്റ്റില്‍

May 16, 2022

More from this section




Most Commented