മലിനീകരണം: ഇതുവരെ നിങ്ങൾ എവിടെയായിരുന്നു? പോയി കർഷകരോട് സംസാരിക്കൂ: ഉദ്യോഗസ്ഥരോട് സുപ്രീംകോടതി


ഉദ്യോഗസ്ഥർ വയലിൽ പോയി കർഷകരുമായി സംസാരിക്കാനും കോടതി നിർദ്ദേശിച്ചു.

സുപ്രീം കോടതി | Photo: Mathrubhumi

ന്യൂഡൽഹി: രാജ്യതലസ്ഥാനത്തെ വായു മലിനീകരണവുമായി ബന്ധപ്പെട്ട് ഉദ്യോഗസ്ഥർക്കെതിരേ രൂക്ഷ വിമർശനവുമായി സുപ്രീം കോടതി. വായു മലിനീകരണം നിയന്ത്രിക്കുന്നതിൽ ഉദ്യോഗസ്ഥരുടെ ചുമതലയെപ്പറ്റി കോടതി ചോദിച്ചു. കാർഷികാവശിഷ്ടങ്ങൾ കത്തിക്കുന്നതിൽ ഉദ്യോഗസ്ഥർ ഇത്രയും വർഷം എന്തു ചെയ്യുകയായിരുന്നു എന്ന് ചീഫ് ജസ്റ്റിസ് എൻവി രമണ അധ്യക്ഷനായ ബെഞ്ച് ചോദിച്ചു. ഉദ്യോഗസ്ഥർ കൃഷിയിടത്തിൽ പോയി കർഷകരുമായി സംസാരിക്കാനും കോടതി നിർദ്ദേശിച്ചു.

കഴിഞ്ഞ ആഴ്ചയെ അപേക്ഷിച്ച് ഡൽഹിയിലെ വായു ഗുണനിലവാരം മെച്ചപ്പെടുന്നതായി കേന്ദ്ര സർക്കാർ സുപ്രീം കോടതിയെ അറിയിച്ചു. കാറ്റിന്റെ വേഗത കൂടിയതിനാലാണ് ഗുണനിലവാരം മെച്ചപ്പെടുന്നതെന്നും കേന്ദ്രസർക്കാരിന് വേണ്ടി ഹാജരായ സോളിസിറ്റർ ജനറൽ വ്യക്തമാക്കി. എന്നാൽ കാറ്റിനെ മാത്രം ആശ്രയിച്ച് വായു മലിനീകരണത്തെ നേരിടുന്നത് ഫലപ്രദമല്ലെന്ന് സുപ്രീം കോടതി ചൂണ്ടിക്കാട്ടി. ശാസ്ത്രീയമായ മാർഗങ്ങളിലൂടെയാണ് ഇതിനെ നേരിടേണ്ടതെന്നും കോടതി നിർദ്ദേശിച്ചു.

അതേസമയം ഡൽഹിയിലെ അന്തരീക്ഷ മലിനീകരണം രൂക്ഷമായ സാഹചര്യത്തിൽ ഡൽഹിയിലെ വായുവിന്റെ ഗുണനിലവാരം മെച്ചപ്പെടുത്തുന്നതിനുള്ള വിവിധ നടപടികൾ വ്യക്തമാക്കിക്കൊണ്ട് ഡൽഹി സർക്കാർ സുപ്രീം കോടതിയിൽ സത്യവാങ്മൂലം നൽകി.

എല്ലാ വിദ്യാഭ്യാസ സ്ഥാപനങ്ങൾക്കും ഇനിയൊരു അറിയിപ്പ് ഉണ്ടാകുന്നത് വരെ ക്ലാസ്സുകൾ ഓൺലൈൻ വഴി ആയിരിക്കും. 50 ശതമാനം മാത്രം ഉദ്യോഗസ്ഥരെ ഉൾപ്പെടുത്തി സർക്കാർ സ്ഥാപനങ്ങൾ പ്രവർത്തിപ്പിക്കും. നവംബർ 21 വരെ എല്ലാ കമ്പനികൾക്കും വർക്ക് ഫ്രം ഹോം പ്രോത്സാഹിപ്പിക്കും. അത്യാവശ്യമല്ലാത്ത ട്രക്കുകൾ രാജ്യ തലസ്ഥാനത്തേക്ക് പ്രവേശിക്കുന്നത് തടയും. ഡീസൽ നജനറേറ്ററുക സ്ഥാപിക്കുന്നത് തടയും. തുടങ്ങിയ നടപടികളാണ് സത്യവാങ്മൂലത്തിൽ ഡൽഹി സർക്കാർ സുപ്രീം കോടതിയെ അറിയിച്ചിരിക്കുന്നത്.

Content Highlights: SC says bureaucrats should talk to farmers, then take decisions


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022

Most Commented