'ഒന്നുരണ്ട് ദിവസമൊക്കെ ഇറച്ചി കഴിക്കാതിരിക്കാം'; അറവുശാല പൂട്ടിയതിനെതിരായ ഹർജിക്കാരനോട് കോടതി


പ്രതീകാത്മകചിത്രം| Photo: Mathrubhumi

അഹമ്മദാബാദ്: അറവുശാല പൂട്ടിയ നടപടിയെ ചോദ്യംചെയ്ത പരാതിക്കാരനോട് വിചിത്ര നിർദേശവുമായി അഹമ്മദാബാദ് ഹൈക്കോടതി. ജെയ്‌ന മതവിശ്വാസികളുടെ ആഘോഷങ്ങളുടെ ഭാഗമായി ഓഗസ്റ്റ് 24-31 വരേയും സെപ്റ്റംബര്‍ നാല് മുതല്‍ ഒന്‍പത് വരേയും അറവുശാല തുറക്കരുതെന്ന അഹമ്മദാബാദ് മുന്‍സിപ്പല്‍ കോര്‍പ്പറേഷന്റെ ഉത്തരവ് ചോദ്യംചെയ്തുകൊണ്ടുള്ള ഹർജി പരിഗണിക്കവേയാണ് കോടതിയുടെ നിർദേശം.

കോർപറേഷന്‍റെ ഉത്തരവ് ചോദ്യംചെയ്ത് കുല്‍ ഹിന്ദ് ജമാഅത്ത് അല്‍ ഖുറേഷ് ആക്ഷന്‍ കമ്മിറ്റിയാണ് കോടതിയെ സമീപിച്ചത്. ഭക്ഷണം കഴിക്കാനുള്ള മൗലികാവകാശത്തെ ഹനിക്കുന്നതാണ് കോര്‍പ്പറേഷന്റെ നടപടിയെന്ന് ഹർജിക്കാർ ആരോപിച്ചു. എന്നാല്‍ ഒന്നുരണ്ട് ദിവസം മാംസം കഴിച്ചില്ലെങ്കില്‍ ഒന്നും സംഭവിക്കില്ലെന്നും നിങ്ങള്‍ക്ക് സ്വയം നിയന്ത്രിക്കാന്‍ കഴിയുമെന്നുമായിരുന്നു ജസ്റ്റിസ് സന്ദീപ് ഭട്ട് അഭിപ്രായപ്പെട്ടത്.

അതേസമയം, ഭക്ഷണം കഴിക്കുന്നതിനെ സ്വയം നിയന്ത്രിക്കണോ വേണ്ടയോ എന്നതല്ല ഇവിടുത്തെ പ്രശ്‌നമെന്നും, ഇഷ്ടഭക്ഷണം കഴിക്കാനുള്ള മൗലികാവകാശത്തിലേക്കുള്ള കടന്നുകയറ്റമാണെന്നും ഹർജിക്കാർ പ്രതികരിച്ചു.

അഹമ്മദാബാദ് നഗരത്തിലുള്ള ഒരേയൊരു അറവുശാല ജെയ്‌ന മതത്തിന്റെ ഉത്സവമായ പര്യുഷാനിനെ തുടര്‍ന്നാണ് അടയ്ക്കാന്‍ കോര്‍പ്പറേഷന്‍ ഉത്തരവിടുകയായിരുന്നു.

Content Highlights: slaughterhouse, closure,amc, high court


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022

Most Commented