രാഹുലിന്റെ പ്രസംഗം വളച്ചൊടിക്കല്‍: ചാനലിനും ബി.ജെ.പി. നേതാക്കളുടെയും പേരില്‍ കേസ്


'കോണ്‍ഗ്രസിന്റെ മാന്യതയെ വിലങ്ങായി കരുതിയവര്‍ക്ക് തെറ്റി. അത് ഞങ്ങളുടെ ആഭരണമാണ്. എപ്പോള്‍ വേണമെങ്കിലും എടുത്തുമാറ്റാം'

Rahul Gandhi

ന്യൂഡല്‍ഹി: വയനാട്ടിലെ എം.പി. ഓഫീസ് തകര്‍ത്തതുമായി ബന്ധപ്പെട്ട കോണ്‍ഗ്രസ് നേതാവ് രാഹുല്‍ഗാന്ധിയുടെ പ്രസ്താവനയെ ഉദയ്പുരിലെ കൊലപാതകവുമായി ബന്ധപ്പെടുത്തി തെറ്റിദ്ധരിപ്പിക്കുന്നവിധത്തില്‍ വളച്ചൊടിച്ച് പ്രചരിപ്പിച്ച സംഭവത്തില്‍ സ്വകാര്യ വാര്‍ത്താചാനലിനും ബി.ജെ.പി. നേതാക്കളുടെയുംപേരില്‍ കേസ്. കോണ്‍ഗ്രസിന്റെ പരാതിയില്‍ ജയ്പുരില്‍ പോലീസ് കേസ് രജിസ്റ്റര്‍ചെയ്തതായി പാര്‍ട്ടി മാധ്യമവിഭാഗം മേധാവി പവന്‍ഖേര പറഞ്ഞു. വ്യാജവാര്‍ത്ത പ്രചരിപ്പിക്കുന്നവര്‍ക്കെതിരേ നിയമനടപടി കടുപ്പിക്കുമെന്ന് അദ്ദേഹം മുന്നറിയിപ്പ് നല്‍കി.

കോണ്‍ഗ്രസിന്റെ മാന്യതയെ വിലങ്ങായി കരുതിയവര്‍ക്ക് തെറ്റി. അത് ഞങ്ങളുടെ ആഭരണമാണ്. എപ്പോള്‍ വേണമെങ്കിലും എടുത്തുമാറ്റാം. നിയമനടപടിയുമുണ്ടാകും. രാഷ്ട്രധര്‍മത്തെയും ഭരണഘടനാപ്രതിബദ്ധതയെക്കുറിച്ചും ബി.ജെ.പി.യെ കോണ്‍ഗ്രസ് ഓര്‍മിപ്പിക്കുമെന്നും പവന്‍ഖേര പറഞ്ഞു.

വയനാട്ടിലെ ഓഫീസ് തകര്‍ത്തത് കുട്ടികളാണെന്നും അവരോട് ദേഷ്യമില്ലെന്നുമുള്ള രാഹുലിന്റെ പ്രസ്താവനയെ ഉദയ്പുരിലെ തയ്യല്‍ക്കാരനെ തലയറത്ത് കൊന്നവരെക്കുറിച്ചു പറഞ്ഞതാണെന്ന പേരിലാണ് വ്യാജപ്രചാരണം. പ്രതിഷേധമുയര്‍ന്നതോടെ ആദ്യം ഈ വാര്‍ത്ത നല്‍കിയ സീ ന്യൂസ് ചാനല്‍ വീഡിയോ പിന്‍വലിക്കുകയും മാപ്പുപറയുകയും ചെയ്തു.

എന്നാല്‍, ഈ വ്യാജവാര്‍ത്ത അതിനകംതന്നെ വ്യാപകമായി പ്രചരിച്ചെന്ന് കോണ്‍ഗ്രസ് നേതാക്കള്‍ പറയുന്നു. മുന്‍കേന്ദ്രമന്ത്രിയും എം.പി.യുമായ രാജ്യവര്‍ധന്‍സിങ് റാഥോഡ് അടക്കമുള്ള ബി.ജെ.പി. നേതാക്കള്‍ വ്യാജവാര്‍ത്ത പ്രചരിപ്പിച്ചു. വീഡിയോ പ്രചരിപ്പിച്ച ബി.ജെ.പി. നേതാക്കള്‍ മാപ്പുപറഞ്ഞില്ലെങ്കില്‍ നിയമനടപടി സ്വീകരിക്കുമെന്ന് ബി.ജെ.പി. അധ്യക്ഷന്‍ ജെ.പി. നഡ്ഡയ്ക്ക് ശനിയാഴ്ച കോണ്‍ഗ്രസ് നേതാവ് ജയ്റാം രമേഷ് കത്തയിച്ചിരുന്നു. റാഥോഡിന്റെപേരിലും കേസെടുത്തിട്ടുണ്ടെന്നാണ് കോണ്‍ഗ്രസ് വൃത്തങ്ങള്‍ പറയുന്നത്.

Content Highlights: Rahul gandhi's speech Udaipur murder

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Debina Bonnerjee

2 min

മൂത്ത മകള്‍ക്ക് നാല് മാസം പ്രായം; രണ്ടാമത്തെ കുഞ്ഞിനെ വരവേല്‍ക്കാനൊരുങ്ങി താരദമ്പതികള്‍

Aug 17, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022

Most Commented